Op de questie geport voe(r) den raide vand(er) stadt/ tusschen nychas(e) de puts port(er) van loeven(en) die/ met div(er)s(en) des(er) stadt br(ieven) hadde doen bescreven/ den meye(r) vand(er) hulpen costel(oes) ontslach en(de) restitutie/ van twee sijne(n) coeyen en(de) eene(n) cope(re)n pot die hij/ / oft zijn stadthoude(r) hem afgepant hadde ten v(er)sueke/ vanden gemeyne(n) dorpe van lelloe voe(r) actie(n) p(er)soneele/ D(aer) uut(er)lijc doffic(ie)r comp(ar)e(re)nde voe(r) den raide va(n)d(er)/ stadt hem in dien excuse(re)nde seyde dat tgene/ des d(aer)aff was gesciet was gedaen voir negen st(uvers)/ van m(ijn) gened(ichs) he(re)n beden en(de) i(½) stuv(er) van costen welke/ ix stuv(er)s hij sculdich was bleven en(de) geloeft hadde/ te betale(n) tot seke(re)n t(er)mijne eer hij nu lestw(er)f d(aer)voe(r)/ gepant oft geexecuteert was gelijc de selve port(er)/ dat genoech bekinde Es geappointeert bij ond(er)wijse/ vand(en) offic(ie)r dat de poirt(er) de voirs(creven) x(½) st(uvers) bet(alen)/ soude ende zijn beesten ende goede souden hem/ volgen en(de) ger(e)stitueert wordden ende vand(en) coste(n)/ h(ier)o(m)me gedaen en(de) bijden meye(r) geleden nam ane de/ offic(ie)r t(er) beden vand(er) stadt den poirt(er) guetlijc ende/ gracelijc te hante(re)n in (con)s(ili)[o] op(idi) p(rese)ntib(us) zande burg(imagistro)/ borch ijssche et plu(r)ib(us) aliis de (con)s(ili)[o] aprilis qui(n)ta