Want lijsbeth van ecx weduwe yngelbrechts wijlen/ vanden berghe die nae des(er) stadt recht voir hue(r) wettich/ gebreck uut crachte van scepen(en) brieve(n) van loeven(en) comen/ ende geleydt es tot alle(n) den goeden beide have ende/ erve henricx mussche ende henricx vanden putte soe/ wair die gelege(n) zijn alle de selve goede bij v onlanx/ lede(n) met brieve(n) van des(er) stadt gescreven aende/ meyers van oplynthe(r) huer behoirlijck heeft doen leve(re)n/ ende den selve(n) henricke ende hubrechte dach van rechte/ alhier te compare(re)n inde banck voe(r) meye(r) ende scepen(en)/ van loeven(en) oft zij hen d(aer)tegen hadden wille(n) oppone(re)n/ doen bescheyden Aldair zij niet geco(m)pareeert en zijn/ noch nyema(n)t van hue(re)n wegen ende de voirs(creven) geleidde/ co(m)pare(re)nde trecht voirt versocht heeft soe v(er)re dat de/ / scepen(en) van loeven(en) t(er) manissen smeyers nae dat hen/ behoirlijck heeft gebleken bij rapporte giel(is) eveloege/ des(er) stadt bode tvoirs(creven) exploit behoirlijck geschiet te zijne/ vo(n)nislijck gewijst hebben wair de wed(er)p(ar)tie vand(en)/ voirs(creven) geleydd(en) niet en comp(ar)eerde voe(r) den opstaen(en)/ smeyers ende der scepen(en) datme(n) de selve geleydde/ houden sal inde macht van hue(re)n voirs(creven) beleyde scepen(en)/ brieve(n) en(de) leveri(n)gen ind(er) alsoe verre alst noch voir/ scepen(en) come(n) es in scampno junii viii