Nae dien op heden comen zij(n) bijd(en) raide vand(er) stadt/ de r(e)geerders vand(er) capelle(n) van s(in)[te] loys t(er) eende(r) en(de)/ petrus coelkyes t(er) and(er) sijden aldair de vors(creven) r(e)geerd(er)[s]/ beg(er)den vand(en) selven pete(re)n betalinge te hebben tot/ behoeff d(er) selv(er) capellen en(de) dienste ald(aer) vand(er) rinten/ die sij heffen(de) sijn op sijn erve gelegen inde borch/ strate nae inhouden den bescheyde d(aer)aff wesen(de) en(de)/ dat in curren(te) mu(n)t(en) en(de) acht(er)volgen(de) der ordinan(cie) die/ sij d(aer)op allig(er)den bijd(er) staten vand(er) staten van brab(ant)/ gemaict te zijne p(rese)nte(re)nde die acht(er)volgen(de) vand(en) welk(en)/ sij tot meer stonden vand(en) gelijk(en) v(er)socht hadd(en) en(de)/ want sij met malcande(re)n niet v(er)enigen en consten/ bij tusschen spreken van vrinden hoe wel zij tot meer
//
stonden dair op v(er)gad(er)t hadden geweest Soe hebbe(n) de/ selve r(e)geerd(er)s alnoch trecht in desen beg(er)t nae uutwijs(en)/ d(er) selv(er) ordinan(cie) te vorde(r) want de vors(creven) pet(er) hem altijt/ contente(re)n en(de) betale(n) woude in pe(n)ni(n)g(en) gelijck die cours/ hadden ten tijde vand(en) besette vand(er) rinten en(de) hadde/ die alsoe ond(er) de wet gestelt met meer ande(r) pe(n)ni(n)g(en)/ hoepen(de) d(aer) mede te gestaen(e) mits oick seke(re)n ande(re)n p(rese)ntatie(n)/ bijd(en) selve(n) pete(re)n gedaen die sij niet en hadd(en) willen/ ae(n)veerde(n) en(de) d(aer) op sij hielden niet te vreden te dorve(n)/ sijne Dair op de vors(creven) pet(er) verhoert hebben(de) tvor/ neme(n) van sijnd(er) wed(er)p(ar)tien heeft geseet want dint(er)/ p(re)tat(ie) van des(er) ordinan(cien) stont int v(er)cle(re)n vand(er) staten van/ des(en) lande en(de) sij als voe(r) niet v(er)lijken en consten metter/ my(n)nen [en(de)] deselve vand(er) drie staten des lants gescape(n) wae(re)n/ ind(er) v(er)gaderi(n)g(en) die alsnu gehoud(en) wordt ind(er) stadt va(n)/ breda seke(r) v(er)cleri(n)ge d(aer) op te maken oft inde nastcomen(de)/ dachvairt en(de) d(aer) aff de gedeput(er)d(en) van des(er) stat last/ hadd(en) dat dese sake in sur(ce)anc(ie) gehouden soud(en) word(en)/ tott(en) ynde vand(en) v(er)cle(re)n d(er) selv(er) staten Te vorde(r) wa(n)t/ nae gelegenth(eit) vand(en) erve en(de) des hij d(aer) op hadde doe(n)/ edifame(re)n niet wel doenlijck en wae(r) de vors(creven) leste/ ordinanc(ie) te acht(er)volg(en) en(de) dat hij also nae destimatie/ vand(en) erve wijlen toebehoe(ren)de den vor(screven) r(e)g(er)ders mits de(n)/ welke(n) sij de rinte d(aer) q(ue)stie aff is trecken(de) wae(re)n g(r)[o]telijc/ v(er)cort soud(en) wordd(en) in dien sij deselve rinte betale(n) soud(en)/ nae destimat(ien) vand(en) d(enieren) gelijck sijn wed(er)p(ar)tie p(re)ten/ deerde die selve bet(aelt) te mot(en) wordd(en) en(de) oick in/ dafflegg(en) van dien Bege(re)nde also bijd(er) wet h(ier) op doge
//
te willen hebben de vors(creven) r(e)g(er)ders altijt t(er) co(n)trarie(n) per/ siste(re)nde es bij manie(r) van rami(n)ge en(de) expedient in des(er)/ bijd(en) selve(n) raide bedacht en(de) den vors(creven) p(ar)tie(n) uutgesprok(en)/ en(de) geseet datme(n) sond(er) p(re)judijs van ee(n)yegelijcx recht dese/ materie soude co(n)tinue(re)n tot p(rim)[a] m(ar)tii naistc(omende) op hoepe dat/ by(n)ne(n) de(n) selve(n) tijde bijd(er) vors(creven) staten opd(en) vors(creven) differe(n)t(en)/ e(n)nig(er) v(er)cleerniss(en) soude wordd(en) gedae(n) d(aer)nae elck hem/ soud(e) mog(en) weten te vuegen(e) En(de) oft des also niet en/ gebuerde alsd(an) bij den selve(n) raide p(ar)tie(n) gehoort ged(aen)/ te wordd(en) also sij bevi(n)d(en) soud(en) behoe(re)nde in des(er) v(er)cleert/ dat dordina(n)t(ie) lest bij den staten gemaict des(er) aengaen(de)/ sal bliven dueren(de) totten tijde van p(rim)[a] m(ar)tii vors(creven) bij pro/ longat(ie) en(de) co(n)sente van p(ar)tie(n) om d(aer)aff beslicht gedaen te/ worden(e) mett(er) my(n)nen oft rechte niet wed(er)staen(de) dat den/ tijt d(aer)inne beg(re)pen alsnu te kersmisse soude moghen/ expire(re)nde sijn ende dat de vors(creven) r(e)g(er)d(er)[s] de gewoe(n)/ lijcke betaling(en) vand(en) gesetten d(enieren) en(de) die oic nae/ mails sullen mogen vallen bynnen des(en) tijde ind(en) selve(n)/ valeur sullen mogen ontfangen op dat he(n) belieft Bij/ also oft zij te nauwe gehaven hadden en(de) dat bevo(n)d(en)/ wordd(en) dat de vors(creven) pet(er) hen dat geloven zal alsnu/ te betalen(e) mett(er) my(n)ne(n) oft mett(en) rechte in des(er) beslicht/ sijnde dwelck de vors(creven) p(ar)tien in weersijd(en) gecon/ senteert hebben tacht(er)volgen(e) en(de) te voldoen(e) ind(er)/ manie(re)n vors(creven) in co(n)silio opidi dece(m)br(is) ix[a]