It(em) meest(er) alart du hameel der stadt va(n) loeven(en)/ gesworen wercman metse(r) jan van zallaken en(de) rombout/ / baex als beyde gesworen(en) vande(n) selven metsers a(m)bachte/ die ten versueke van costen de mandemake(re) gevisiteert/ hebben inde roese te loeven(en) toebehoeren(de) der werdi(n)nen/ desselfs costens al alsulken werck als de selve costen/ verdingt hadde aldair te maken en(de) te repare(re)n/ aen sande(re)n celle metse(r) dairaff de vorweerde(n) (con)ditien/ ende bespreken onder gesubsigneert bijd(en) selve(n) sande(re)n/ nae des(er) v(er)cleerniss(en) int langhe geregistreert staen ende/ de gebreken die dairinne moegen wesen hebbe(n) getuyght/ ende geclaert bij hue(re)n eeden in dien des h(ier)nae volght/ Inden yersten aengaende den poente vanden ghevele/ aende nedercame(r) ende aende coken(en) dair sal sander/ mote(n) maken aen tcleyn vynst(er)ken aende coken(en) in/ beyden zijden rabat ende den ov(er)dorpel lovelijck/ ond(er)vangen en(de) stoppen die schuere die dair steet/ wel ende werckelijck ende den ghevel aende cruys/ vynst(er) inde ned(er)came(r) te pet(er) rogs w(er)t sal hij/ dair moten uutdoen ii wat(er)scoeydorpels en(de) een/ litteyne en(de) ande(r) goet en(de) loffelic wed(er) dairinne/ mote(n) steken alsoe dat den huyse d(air)aff gheen hynder/ oft perijkel en come Voirt sal sander boven inde/ ii[de] came(r) oft came(r) bove(n) de nedercame(r) moten/ uutdoen twee wat(er)scoedorpels en(de) doen dairinne/ twee ande(r) goede en(de) loflijke It(em) opde(n) oppersten/ solde(r) ten pellicaen w(er)t sal hij stellen twee noten/ onder elke(n) balck een goede breede note die/ staen aende scouwe en(de) stoppen de schuere die dair/ steet ten pellicaen w(er)t It(em) ae(n)gaen(de) den poente/ d(air)nae aencleven(de) der heymelich(eit) die hij geloeft/ heeft af te leggen ende int loot te stellen d(air)aff/ hij niet gedaen en heeft soet vorweerde was/ dairaff sal hij sculdich zijn dat te voldoene/ soet vorweerde es It(em) aengaen(de) der rep(ar)atien/ / voir aende doe(r) ende aende trappen ende aenden/ crocht d(air)aff costen hem oic becroent ende d(air)aff de voirs(creven)/ vorweerden tussche(n) p(ar)tien gemaect niet en rueren/ ende d(air)aff costen hem gedraight totten goede(n) mans/ dier bij wae(re)n d(air)aff salme(n) moege(n) aenhoe(re)n de goede/ ma(n)nen die d(air)af te spreken moegen weten om d(air)aff/ te doene mett(er) mi(n)nen oft mette(n) rechte des redelijc/ sal wesen It(em) es voirt hue(r) uutsprake ende/ vercleernisse want costen voirs(creven) hen hue(r) costen van/ des(er) visitatien ende om decla(ra)tie in desen te doene/ verleeght heeft ende de voirs(creven) sander gelijc voe(r)/ bevonden is int ongelijck ende niet voldaen te/ hebben navolgen(de) den vorweerden dairaf tussche(n) hen/ gemaect dat dairo(m)me navolgende den ouden/ onderhouden(en) ende rechte in des(er) deselve sand(er) sculd(ich)/ es den selven costen sijn geheel verleeghde costen in/ desen te betalen cor(am) buetsele baets april(is) xxv/ H(ier)na volgen de vorweerde(n) ende verdi(n)gingen/ van wercke d(air)aff voe(r) mentie gemaect es/ It(em) sander celle metse(r) heeft aengenomen tegen costen/ de mandemake(re) te maken te repare(re)n ende te scoeyen/ wel ende loffelijck allessins tot zijne(n) coste van/ stoffen die d(air)toe gaen sal als anders alsoe dat hij/ die sal houden staende wel ende vast ten mi(n)sten/ den t(er)mijn van twintich jae(re)n tgene des h(ier)na volght/ aengaende den huyse geheeten de roese ende des/ dairaen cleeft hier nabescreven Ierst inde voute/ den geheelen ghevel acht(er) ten pellicaen w(er)t ende/ opde zijde te pet(er)s rogs w(er)t mette(n) fondeersele van/ dien It(em) den ghevel aende nedercame(r) ende aende/ coken(en) sal hij uutbreke(n) inde middelt ende voirt elde(r)/ dairt van noode es ende de witte steene(n) aende/ vynste(re)n onstucke(n) zijnde uutlaten ende dair ande(r)/ inne make(n) en(de) leve(re)n oic d(aer) hulte(n) dorpels legge(n) dair/ / sal hij steyne(n) leggen ende leve(re)n ende wes staende/ mach blive(n) in redelich(eit) sal moege(n) blive(n) staende ende/ de schueren aen tselve werck stoppen cusbairl(ijc) alsoemen/ best mach It(em) inde cleyn voute te pet(er) rogs wert/ sal hij eene(n) nyeuwe(n) pilee(r) maken ende sluyte(n) tot/ onder den boghe ende dair bij noch eene(n) ande(re)n te/ repare(re)n ende bove(n) alnoch een heymelich(eit) afteleggen/ int loot te stellen ende te versiene ende den nyeuwe(n)/ pilee(r) beneden drie voete hooge ut(er) eerden van witte(n)/ oft goede(n) grauwe(n) steene(n) ende tot alle(r) dyen moet/ sander leve(re)n de stoffe van steene(n) calke en(de) des dairaen/ cleeft ende dairtoe dient bove(n) die d(air)toe aldair/ bevond(en) wordt mair coste(n) sal hem zijn behoefte doen/ van schore(n) dairtoe behoeven(de) Ende sander sal dit/ werck begi(n)nen op van hede(n) julii penult(ima) over/ xiiii daghen ende voirts vervolgen tot dat al voldae(n)/ zij ende coste(n) sal om stoffe te besorgen ende die/ come(n) zijnde sande(re)n gereet gheve(n) zesse rinsgulden(en)/ ende dit al aldus volmaect ende gerepareert/ zijnde sal costen sande(re)n volmaken mette(r) voirs(creven)/ zesse rinsgulden(en) tsame(n) de so(m)me van xxv rinsg(ulden)/ te weten(e) noch xix rinsg(ulden) Aldus ondergescreve(n)/ ic sander celle gelove costen de ma(n)demake(re) te voldoen(e)/ de gelufte hier voe(r) bescreve(n) In ki(n)nissen d(er) wairh(eit)/ hebbic sander mijn hantteeken h(ier)ond(er) geset