Want yde van tolmair als geleyt nae des(er) stadt/ recht voir hue(r) wettich gebreck uuyt crachte van scepen(en)/ br(ieven) van loeven(e) tot allen den goeden beyde have ende erve/ jans wijlen cokart soe wair die gelegen sijn huer/ met br(ieven) van deser stadt gescreven aenden meye(r) van/ cumptich oft zijne(n) stadhoude(r) te bynckem alle de selve/ goede behoirlijc heeft doen leve(re)n ende janne peeters [oft ande(re) hen d(air) tegen willen(de) oppone(re)n]/ dach van rechte te comp(ar)e(re)n alh(ier) inde banck voe(r) meye(r)/ ende scepen(en) van loeven(e) doen besceyden oft hij hem d(air)/ tegen hadde wille(n) oppone(re)n Ald(air) hij op heden als ten/ daige van rechte d(air)toe dienen(de) niet gecomp(ar)eert en/ es noch niema(n)t van sijne(n)t wegen der voirs(creven) geleydd(en)/ comp(ar)e(re)nde en(de) trecht voirts versueken(de) soe v(er)re dat de/ scepen(en) van loeven(e) t(er) manissen smey(er)s nae dat hen/ behoirlijc gebleken heeft bij cleernissen jans driedoe(n)s/ des(er) stadt bode tvoirs(creven) exploit gesciet te zijne gewese(n)/ hebben voir een vo(n)nisse wair de wed(er)p(ar)tie vand(en)/ voirs(creven) geleydd(en) niet en comp(ar)eert voe(r) den opstaen(e)/ smeyers ende der scepen(en) datmen der selve(r) houden/ sal inde macht van hue(re)n beleyde scepen(en) br(ieven) en(de) leveri(n)gen/ alsoe v(er)re alst noch voir scepen(en) comen es In scampno/ septembr(is) ix