Vander aenspraken die jan e(n)nekens gedaen heeft/ tot woute(re)n deens inde banck voe(r) meye(re) en(de) scepen(en)/ seggen(de) dat de selve wout(er) des omtrint paesschen/ vier jair geleden was sitten(de) drincken(de) ten huyse/ der wed(uw)[en] liers inde stadt van lie(r) een geheeten/ gielis andries vorst(er) seyde totten selve(n) woute(r) ghij/ moet des(en) janne e(n)nekens geven van mijne(n) wegen/ de zesse rinsgulden(en) die ghij my noch te cort zijt/ vand(en) p(er)de dat ghij tegen my gecocht hebt ende dat/ doen de selve wout(er) d(air) op antw(or)de het es my/ allene(n) leens oft ic se u betale oft hem in alsoe/ als jan e(n)nekens met my te vreden is soe sal ik se
//
hem betalen ende dat de selve jan e(n)nekens doen/ d(air)op seyde ja ic ben met u wel te vreden en(de) dat/ doen de voirs(creven) wouter geloefde die ja(n)ne e(n)neke(n)s/ te betalen(e) seggen(de) ic sal u eer lanck wat d(air) op/ geven dwelc de selve jan e(n)nekens oft hem ontkint/ wordde p(rese)nteerde te thoenen(e) hopen(de) oft hij dat soe/ dade dat wout(er) gehouden soude zijn hem die zesse/ rinsgulden(en) op te leggen(e) Dair tegen wout(er) v(er)antw(er)den(de)/ en bekinde niet dbileggen voirs(creven) e(m)mer inder maten/ en(de) soe cleer al mochten d(air) wat woirden af sijn/ geweest alsoe dat de selve jan d(air)op tot sijnen/ thoen(e) gewijst zijnde thoende tvoirs(creven) yerste ar(ticu)[le]/ alsoe gesciet te zijne bij alsoe dat hij met eend(er)/ bet(alinge) gestaen mocht alsoe lief hem als eene(n) ande(re)n/ ende dat doen dander seyt ja ghy ende ii[te] ar(ticu)[le]/ soet staet wert geaffirmeert bij eene(n) getuyge en(de)/ die twee ande(re) getugen d(air)op seggen(de) dat hij seyde/ soe v(er)re dander met hem te vreden was hij/ was d(air)mede te vreden soe v(er)re hij met eenen/ rinsg(ulden) bet(alen) mochte Ende ind(er) saken gesloten zijnde/ en(de) de scepen(en) gemaent es gewesen met vo(n)nisse/ dat wouter deens gehouden sal zijn ja(n)ne e(n)neke(n)s/ sijne(n) eysch van vi r(ins)g(ulden) te voldoen(e) bij al soe dat/ de selve jan hem metter eend(er) betalinge(n) quijt/ houden sal en(de) ontheffen aen giel(ise) andries nae/ dat de wairh(eit) gedragen heeft Act(um) in sca(m)pno/ febr(uarii) xi