Want daneel cuelens als geleydt nae des(er)/ stadt recht voir zijn wettich gebreck uuyt crachte/ van scepen(en) br(ieven) van loeven(e) tot alle(n) den goeden/ beyde have en(de) erve vrancx molepas soe wair die/ gelegen sijn hem met br(ieven) van des(er) stadt gescreven/ aenden meye(re) van ov(er)ijssche oft zijne(n) stadthoude(re) alle/ de selve goede behoirlijc heeft doen leve(re)n ende/ den selven vrancke dach van rechte te co(m)p(ar)e(re)n
//
alh(ier) inde banck voe(r) meye(re) ende scepen(en) van/ loven(e) doen besceyden oft hij hem d(air) tege(n) hadde/ willen oppone(re)n Ald(air) hij op heden als ten daige/ van rechte d(air)toe dienen(de) niet gecomp(ar)eert en is/ noch niema(n)t van zijne(n) wegen den voirs(creven) geleidd(en)/ comp(ar)e(re)nde ende trecht voirts v(er)sueken(de) soe v(er)re/ dat de scepen(en) van loeven(e) t(er) manissen smeyers nae/ dat hen behoirlijc gebleken heeft bij rapporte/ baud(ewijns) belle(n)s des(er) stadt bode tvoirs(creven) exploit gesciet/ te zijne gewesen hebben met vo(n)nisse wair/ de wed(er)p(ar)tie vanden voirs(creven) geleydd(en) niet en/ comp(ar)eert voe(r) den opstaen(e) smeyers en(de) der scepen(en)/ datmen den selve(n) geleydde(n) vand(en) voirs(creven) goeden/ houden soude inde macht van zijne(n) beleide scepen(en)/ brieven ende leveri(n)gen alsoe v(er)re alst noch voir/ scepen(en) comen is in scampno febr(uarii) xx[a]