Tusschen emonde bode t(er) eenre ende janne de grove/ becke(r) t(er) ande(re) aengaen(de) hue(re)n gescille en(de) questien/ vander hueri(n)gen vand(en) huyse geheeten dbuerken dwelc/ de selve emondt den selven janne verhuert hadde/ op die vuege dat hij dat selve soude moten/ bewoene(n) en(de) nyeman(de) and(er)s moegen v(er)hue(re)n ende/ dat hij tsijnen sceyden(e) soude moten rep(ar)e(re)n ende in/ state stellen den hoven ald(air) ende des hij and(er)s afbreken/ soude dwelc alsoe gesciet te zijne en(de) vorw(er)de te/ wesen tusschen hen de selve jan genoech bekinde/ mair seyde dat hem thuys te cleyn viele ende soe/ hadde hij dat voirt v(er)huert met meer woirden/ in w(er)sijden luttel t(er) materien dienen(de) Es uuyt
//
gesproken voir recht nae de kynnesse bijd(en) voirs(creven)/ wair op de voirs(creven) emo(n)dt voir vier stuv(er)s eens/ die hem jan gep(rese)nteert hadde te geven ov(er)genome(n)/ hadde tselve huys t(er) beg(er)ten vanden selven ja(n)ne des/ hem emondt den eedt deilde Ende d(air) op de selve jan/ dat bekynne(n)de seyde dat d(air)om niet gesworen en/ soude wordden sustine(re)nde d(air)om de selve emondt/ dat hem thuys ov(er)gelev(er)t soude wordden ende de/ vier stuv(er)s ende voirts ger(e)p(ar)eert den hoven ende/ des d(air) inne voirde(r) gebroken wa(r)e Es uutgespr(oken)/ voir recht nae de kynnesse des voirs(creven) jans dat/ hij gehouden sal zijn emonde zijne(n) heysch in al te/ voldoen(e) in (con)s(ili)[o] op(idi) p(rese)ntib(us) crol burg(imagis)[tro] et aliis de/(con)s(ili)[o] julii qui(n)ta