SAL7391, Act: V°138.3-R°139.1 (245 of 708)
Search Act
previous | next
Act V°138.3-R°139.1  
Act
Date: 1497-10-31

Transcription

2021-04-11 by Jos Jonckheer
Opde calangie die (christ)iaen de nausnyde(re) inde banck/
voe(r) meye(r) ende scepen(en) van loeven(e) met ja(n)ne van udekem/
sijne(n) gelev(er)den voirspreke heeft doen doen en(de) inworpe(n)/
op alsulke(n) aensprake als ph(ilip)s vanden breyne met he(re)n/
jacoppe zijne(n) brued(er) en(de) henr(icke) van raveschote zijne(n)/
p(ro)cur(eur)s hadde doen doen opden selve(n) (christ)iane aengaen(de)/
seke(re)n scepen(en) br(ieven) van loeven(e) tande(re)n tijden bijden/
selve(n) (christ)iane geloeft bekint ende gepasseert en(de) des/
dien aencleeft d(air) de selve (christ)iaen eer hij int v(er)antw(er)d(en)/
van dien heeft wille(n) comen de selve ae(n)sprake scutten(de)/
dede segge(n) yerst dat de selve ph(ilip)s sculdich wa(r)e selve/
voir ogen te comen en(de) de sake te bedingen en(de) dat/
dat alsoe te gescieden met t(er)mi(n)acien vand(er) stadt get(er)/
mineert was ende hadde geweest Ten ande(re)n male/
dat de selve ph(ilip)s met egheen(e) geestel(ijcke) p(er)sone(n) in zijn/
p(ro)cur(eur)scap hem sculdich en was te behulpen besu(n)d(er)t/
alh(ier) inden werlijcken gerichte Ten derder male want
//
den eyssch van ph(ilip)e oft zijne(n) p(ro)cur(eur) al mocht dien den/
scepen(en) br(ieven) aengaen in vele passen beslicht was/
geweest met t(er)mi(n)acie(n) vand(er) stadt dese oft meer/
ande(re) poente(n) gem(er)ct sustine(re)nde hij dat die voir oege(n) come(n)/
soude in rechte geexhibeert wordde(n) ende d(air)entinden dat de/
selve ph(ilip)s gehouden soude zijn selve in p(er)sone te co(m)p(ar)e(re)n/
en(de) dat hij hem metten voirs(creven) h(er) jacoppe zijne(n) brued(er)/
als p(ro)cur(eur) voir hem niet behulpen en soude ende/
dat de geexpedieerde poente(n) d(er) t(er)mi(n)acien ov(er) geslage(n)/
wa(r)en al mochten zij den scepen(en) br(ieven) aengaen beslicht/
souden blive(n) he(m) des gedragen(de) totten rechte D(air) tegen/
de p(ro)cur(eur) des voirs(creven) ph(ilip)s t(er) (contra)rien sustine(re)nde ende/
ontkynnen(de) e(n)nige t(er)mi(n)acien gegeven te zijne d(air)/
mede de voirs(creven) ph(ilip)s selve in p(er)sone alh(ier) inde/
banck te moten comp(ar)e(re)n dwelck dwelck was/
een ande(re) instan(cie) dan voe(r) den raide vand(er) stadt/
geduempt oft get(er)mineert soude zijn geweest ende/
oft dat soe wa(r)e dat dat see(r) vreemdt soude sijn/
geweest te v(er)staene dat hij buyte(n) allen ande(re)n wat/
nootsaken dat hem toequamen selve in p(er)soene soude/
moeten comp(ar)e(re)n dair eenygelijckx anders met p(ro)cur(eur)s/
sijn saken mach doen vervolgen ende dat ph(ilip)s hem/
met geestel(ijcke) p(ro)cur(eur)s niet en soude mogen behulpe(n)/
was oec vreemdt te v(er)staende want al moege(n) de/
p(ro)cur(eur)s de saken bedingen wynnen oft v(er)liesen zij/
en wordden d(air)om int voldoen van pri(n)cipale(n) oft/
van coste(n) niet geco(n)dempneert noch oic en hebbe(n) d(air)aff/
eghee(n) and(er) p(ro)fijt dan hue(re)n salar(is) van hue(re)n dienste oec en/
conste dit (christ)iane niet gehulpe(n) wa(n)t d(air) oic was een/
w(er)lijck p(ro)cur(eur) te weten(e) henr(icke) van raveschote Ende/
ten derde(n) opt beslicht van e(n)nigen poente(n) den scepen(en) br(ieven) ae(n)gaen(de)/
mett(er) stad t(er)mi(n)acie(n) seyde de p(ro)cur(eur) dat altijt voe(r) der q(ue)stien/
va(n)d(en) reken(inge)n met scep(enen) vo(n)niss(en) de selve q(ue)stie d(er) rekeni(n)g(en) ger(e)/
mitteert was voe(r) de stadt en(de) de q(ue)stie vand(en) scep(enen) br(ieven)/
ger(e)s(er)veert den scep(enen) d(air) dit wed(er) voir dut(er)lijc beslicht va(n)d(en) reken(ingen)/
ger(e)mitteert es geweest en(de) nu alnoch alh(ier) hangt Wair op alh(ier) gewese(n)/
sij(n)de bij scep(enen) dat zij de t(er)mi(n)acie voe(r) geallig(eer)t beg(er)de tae(n)hoe(re)n en(de)/
d(air)entinde(n) recht d(air) van des voirs(creven) ph(ilip)s p(ro)cur(eur)s zijde(n) vand(en) vo(n)niss(en) voirs(creven)/
en(de) t(er)mi(n)ac(ien) genoech gebleke(n) es tot zijnd(er) meyni(n)g(en) dienen(de) en(de) va(n) (christ)iae(n)s/
zijd(en) niet Es gewese(n) met vo(n)nisse gelieft p(ar)tie(n) int pri(n)cipael voirt te va(r)en/
dat zij d(at) doen moge(n) in sca(m)pno cor(am) o(mn)ib[(us)] scab(inis) de(m)p[t(is)] kersmake(re) zedele(re)/
oct(obris) ulti(m)a
ContributorsWalter Winnelinckx
Moderated byWalter Winnelinckx
Last update: 2017-05-16 by Xavier Delacourt