Item willem le p(er)me(n)tier woenen(de) te jand(re)noul voir/ hem inde(n) name ende als man ende mo(m)boir jeha(n)nen/ renchon zijnd(er) huysvr(ouwe) in p(rese)ntia heeft uuytgeg(even)
//
sijn ende zijnd(er) voirs(creven) werdynnen leefdaige lanck/ ten lancsten leven(de) live van hen beiden reynwar/ hue(re)n sone een huys ende hoff mette(n) schue(re)n stalle(n)/ ende den toebehoirten gelegen te jand(re)noul voirs(creven)/ met oick allen den haeflijcken ende gereed(en) goed(en)/ den selve(n) zijne(n) ouders nu toebehoiren(de) in beesten/ en(de) allen ande(re)n oick der selv(er) sijnd(er) oud(er)s leefdage lanck/ en(de) des lancste(n) leven(de) van hen Met oick alsulken/ wynnen(de) lande als de selve willem van ande(re)n p(er)soenen/ te pachte in jairscha(r)en ende t(er)mijne(n) houden(de) is/ soe langhe als de selve t(er)mijne(n) van dien due(re)n/ sullen om die te houden te hebben te gebruycken/ en(de) te besitten gelijck voe(r) opde lasten nae bescreven/ Ierst opde co(m)me(re)n d(air) uuytgaen(de) soe v(er)re die ten laste/ vand(en) gehuyssche(n) stonden ende die soe in tijts jairl(ijcx)/ te bet(alen) dat de selve goede d(air) voe(r) niet uuytgewo(n)nen/ en wordden Ende voirts op donderhouden vanden/ selven goeden in redeliken state dat die bij gebreke/ van dien niet en vergaen Voirtmeer opde lasten/ die de selve wille(m) de vad(er) vand(en) pachtgoeden/ te dragen heeft oft soude hebben hen d(air)af te/ lossen ende die pachtgoede te wynnen te werven/ en(de) te houden ende te laten soe de vader dat soude/ moten doen ende d(air)enboven d(air)op dat de selve sone/ zijne(n) vader ende moed(er) hue(r) leefdage lanck ende/ den lancst leven(de) van hen beid(en) v(er)sien sal en(de) admi(ni)stre(re)n/ eten drincken liggen sitten berri(n)ge cleede(re) schoenen/ ende ande(re) nootlijcke behoefte(n) nae hue(re)n staet in/ goed(e) redel(ijke) wijs soe een goet kint zijne(n) oud(er)s/ sculdich es te doene Ende dat nae de doot vand(en)/ leste(n) leven(de) zijnd(er) oud(er)s voirs(creven) tvoirs(creven) huys hoff/ metten toebehoirten en(de) ande(re) hue(re) goede have en(de)/ erve gedeilt sullen wordden naeden lantrechte/ tussche(n) den selven hue(re)n sone en(de) zijnd(er) zuster/ Ende alle dese vorw(er)den pointen cond(itien) geluften/ en(de) elc besund(er)t hebben de vad(er) t(er) eend(ere) ende/ de sone t(er) ande(re) geloeft malcande(re)n te voldoene wel/ en(de) loffl(ijck) talle(n) tijden quol(ibe)t ass(ecu)[tu(m)] cor(am) borch zedele(re) dec(embris) xviii