Vander questien en(de) differe(n)tien uuytstaen(de) tusschen hubrechte/ gautier aenlegge(r) t(er) eende(re) ende andriese maricke verweerde(r)/ t(er) ande(re) alse vand(er) versterffeniss(en) en(de) successie vanden/ erfgoede chijsen en(de) erfpachte(n) met des dien aencleven mach/ gebleven en(de) verstorven nae de doot en(de) aflivich(eit) jacops wijlen/ maricke en(de) jouffr(ouwen) lijsbetthe(n) zijnd(er) huysvr(ouwen) en(de) oic nae de/ doot en(de) aflivich(eit) henr(icx) wijlen maricke brueder doen hij
//
leefde des voirs(creven) andries met allen oick des dien aencleven/ hebben hen de selve p(ar)tie(n) gesubmitteert en(de) verbonden ind(er)/ eendrachtige uuytsprake vanden p(er)sonen h(ier)nae bescr(even) te weten(e)/ de voirs(creven) hubrecht in woute(re)n libot ende bauduwijne henri/ natuerl(ic) ende de voirs(creven) andries in ja(n)ne gilchon ende ja(n)ne/ van ha(n)nuyt in sulcker vuegen dat de voirs(creven) segg(er)s informac(ie)/ van p(ar)tien geschillen genomen hebben(de) hue(r) eendrachtige uuytsp(ra)ke/ dair af doen sullen op dat zijs ov(er)come(n) en(de) v(er)accorde(re)n bynnen/ xl daigen naistcomen(de) ende ingevalle de selve vier segg(er)s vand(en)/ selven p(ar)tien geschillen niet en consten v(er)accorde(re)n dat zij dan/ voe(r) een ov(er)ste nemen sullen de(n) scepen(en) van loeven(e) ende hen/ ov(er)geven bynne(n) de(n) selve(n) tijde de selve geschillen in gesc(ri)ft(en) om/ d(air)af om de wijn leeri(n)ghe ende vo(n)nisse te hebben(e) Geloven(de)/ de selve ae(n)legge(r) t(er) eende(re) ende verweerde(r) ter ande(re) h(ier) inne [te] v(er)va(n)gen(e)/ en(de) in dien te hebben(e) alle de ghene dien die e(n)nichss(ins) aencleve(n)/ mach oft inde selve versterffeniss(en) gericht souden moeten wesen/ dat zij deselve uuytsprake voe(r) goet vast gestentich ende/ van weerden houden en(de) hebbe(n) sullen tot eeuwigen daigen/ opde verbuerte van eene(n)yegelijcx rechts in dien Promitt(entes)/ rat(um) hinc inde sub pena p(re)d(icta) cor(am) eisd(em)