Want joh(ann)es vullinck als procur(eur) van willem(me)/ van walsberge geleidt zijnde nae deser stadt recht/ voir sijn wettich gebreck uuyt crachte van scepen(en) br(ieven)/ van loeven(e) tot allen de(n) goeden have en(de) erve baudewijns/ wijlen henriet soe wair die gelegen moegen/ wesen hem met br(ieven) van des(er) stat gescr(even) aen(den) meye(r)/ van melain oft zijne(n) stadthoude(r) alle de goede/ voirs(creven) behoirlijc heeft doen leve(re)n ende baude/ win henry meeste(re)n janne henry sijne(n) bruede(r) robbeerde/ van huy ende janne motte dach van rechte te (com)p(ar)e(re)n inde/ voirs(creven) banck voe(r) meye(r) en(de) scepen(en) van loeven(e) oft zij hadde(n)/ wille(n) hen d(air) tegen oppone(re)n doen besceyden Ald(air) zij ten daige/ van rechte als op heden dienen(de) tegen de geleydde/ voirs(creven) niet geco(m)p(ar)eert en zijn noch niemant van hue(re)n/ wegen ende willem(me) van leefdale als procur(eur) des
//
voirs(creven) willems van walsberge co(m)p(ar)e(re)nde en(de) trecht/ voirts v(er)sueken(de) soe verre dat de scepenen/ van loeven(e) ter manissen smeyers nae dat hen oec/ wel ende behoirlijc gebleken heeft bij rescripte/ van peete(re)n du sare meyers van melain dexployt/ voirs(creven) gesciet te zijne gewesen hebben voir een/ vo(n)nisse wair de wederpartie vand(en) geleydd(en)/ voirs(creven) niet en comp(ar)eert voe(r) den opstaene/ vanden meye(r) ende der scepen(en) voirs(creven) datmen de/ voirs(creven) geleydde houden soude inde macht van hue(re)n/ voirs(creven) beleyde scepen(en) br(ieven) ende leveringhen alsoe/ verre alst noch voir scepen(en) come(n) is in sca(m)pno sept(embris) ix