Item wouter van berthem in p(rese)ntia heeft genome(n)/ ende bekint genomen te hebben tegen meeste(re)n/ claese de puteo ende he(re)n g(er)de de thymo prieste(re)n/ canonicken der kercken van s(in)[te] pet(er)s te loeven(en)/ van wegen sdekens ende cap(it)len der selver kerken/ die hen alsoe bekint hebben uutgegeven te/ hebben(e) de corenthiende vander biest der selver/ cap(it)len toebehoiren(de) behoud(elijc) dat d(aer) onder niet/ begrepen sijn en sal dblock der chartroisen houden(de)/ drie boende(re)n oft d(aer)omt(rint) want tvoirs(creven) capittel/ den chartroise(n) de thiende d(aer)aff quijtgescouden / heeft Te houden ende te hebben(e) van s(in)[t] jans(mes)s[e]/ a(n)no xcvii eenen t(er)mijn van drie jae(re)n lanc due(re)nde/ deen nae dand(er) sond(er) middel vervolgen(de) Elcx jairs/ d(aer)enbynne(n) om ende voe(r) xxvi mudde(n) rogs ende/ xxvi mudden g(er)sten elcx grains goets ende payabels/ met wa(n)ne ende vede(re)n wel bereyt ond(er) de thiende/ gewassen soe v(er)re dat strect der maten van loven(en)/ alle jae(re) s(in)[te] andriesmesse vallen(de) ende te liecht/ messe volbet(aelt) te zijne ende ten huyse d(er) he(re)n/ vand(en) cap(it)len voirs(creven) te leve(re)n te weten(e) elken/ van hen zijn deel jairl(ijc) den t(er)mijn due(re)nde/ quol(ibe)t ass(ecu)[tu(m)] It(em) es vorw(er)de oft onder de voirs(creven)/ thiende e(n)nige scade gesciedde van tempeeste/ oft van heervart dat sal de voirs(creven) wouter/ de pechtene(re) bynne(n) acht daigen den he(re)n te/ kynnen geven opdat hij afslach soude willen/ hebben Ende h(ier) voe(r) es borge bleven desselfs/ wouters ende heeft v(er)antweert m(er)ten van b(er)the(m)/ brueder des voirs(creven) wout(er)s den welken de selve/ wout(er) h(ier)aff geloeft heeft cost(eloes) en(de) scadel(oes) tontheffen(e) cor(am)/ blanck(art) rosme(re) junii xxvi