Item mychiel p(er)noy heeft geloeft henr(icke) bruynsart/ ende berth(elmeeuse) pegelers als kercmeest(er)s vander kercken
//
van bynckem inden name ende tot behoeff/ der selver kercken xii r(ins)gulden(en) te xx stuv(er)s/ tstuck te bet(alen) te weten(e) te bamisse naistcomen(de)/ drie rinsg(ulden) d(air)aff drie r(ins)g(ulden) te paesschen d(air)/ nae ende tsurplus te weten(e) vi r(ins) g(ulden) ts(int) jans(mis)s[e]/ d(air) nae volgen(de) oft ombegrepen te bamisse d(air)nae/ volbet(aelt) te zijne met conditien oft hij e(n)nigen/ t(er)mijn laet ov(er)gaen sonder bet(alen) dat dan de geheele/ so(m)me gevalle(n) sal zijn ende dit op eenen banduyn/ vanden derdendeele van elken t(er)mijne (et)c(etera) consente(re)nde/ de selve mach(iel) dat alsulken beleyt als de voirs(creven)/ kercmeest(er)s op hem ende zijn goede hebben in/ zijn macht ende cracht bliven sal om hen dair/ mede oft met des(en) bekynne te procede(re)n dwelc/ van beyden hen best gelieven sal behalven/ met eend(er) bet(alinge) te gestaen(e) cor(am) eisd(em)