Vand(er) stoote ende gescillen die uutstaen(de) sijn geweest/ tusschen willem(me) symoens t(er) eende(re) ende h(er)ma(n)ne looman/ t(er) ande(re) dair om zij tegen malcande(re)n in questie gestae(n)/ hebben voe(r) den raide vand(er) stat hebben deselve p(ar)tie(n)/ gekint ende gelijt dat zij bij middele ende bij tusschen/ spreken(e) van hue(re)n vrinden in wed(er)zijden veraccordeert/ zijn ind(er) manie(re)n hier nae volgen(de) Te weten(e) [ierst] dat de/ vors(creven) h(er)man jarlijcx den vors(creven) willem(me) symoens [bet(alen) zal] op alle/ de goede die hij h(er)man nu besitten(de) es gecomen nae de/ doot ende aflivicheyt vrancx wijlen symoens seven/ r(ins)gul(den) te xx stuv(er)s tstuck soe lange deselve wille(me)/ leven sal ende niet lange(r) vallen(de) halff sintjansmisse/ en(de) halff te kersmisse dair af dierste betaling(e) in/ negaen sal sint jansmisse naistcomen(de) quol(ibe)t ass(ecutu)[m]/ Te weten(e) uuten goeden die den selven h(er)ma(n)ne [toecome(n) zijn] van/ katlijnen symoens sust(er) des vors(creven) wille(m)s weduwe/ jacops wijlen va(n)d(er) eyke(n) de xxx stuv(er)s d(air)af ende/ uuten goed(en) gecomen van hee(re)n arnde vors(creven) iii r(ins)g(ulden)/ ende tsurplus te weten(e) dertich stuv(er)s dairaff/ uuten goeden [toegecomen] marie(n) symoens huysvrouwe des vors(creven)/ h(er)mans Item is vort bevorwert ende gecondicio/ neert tusschen den selven p(ar)tien dat de vors(creven) willem/ boven des(er) noch onbelet bliven zal op alsulke(n) recht
//
als hij heeft oft e(n)nichssins hebben mach in dande(re) goede/ der vors(creven) ka(tli)[nen] symoens ende wijlen hee(re)n arnde nae/ inhoud(en) vand(en) testamente des vors(creven) wijlen vranx sy/ moens vader doen hij leefde des vors(creven) willems en(de)/ oft [men] namails bevonde uuten selve(n) testamente des vors(creven)/ wijlen vranx dat de vors(creven) willem de goede acht(er)geble/ ven nae de doot des vors(creven) wijlen h(er) arnts zijns brued(er)s/ versetten oft v(er)coopen soude mogen dat dan in dien/ gevallen de vors(creven) drie r(ins)gul(den) uuten selven gedeelte/ gecomen den selven willem(me) ende sijne(n) nacomelinghen/ erffelijck bliven ende volgen selen ombelet om die bij hem oft/ zijnen erffg(enamen) te mogen v(er)coopen ende nae sijnd(er) belieften/ te bekee(re)n Item ende dat h(ier)enbove(n) sal deselve h(er)man sculdich/ sal sijn af te doen(e) ende te bet(alen) xx r(ins)g(ulden) te xx stuv(er)s tstuc/ aen marie(n) stroeproc hantscoe(n)makersse deen hellicht dair/ af nu t(er)stont ende dander hellicht tsint jansmisse naistc(omende)/ ende insgel(ijcx) oick aen steven(e) van cape(n)berge xiiii r(ins)g(ulden)/ halff sint jansmisse naistc(omende) en(de) dand(er) hellicht te bamisse/ dair nae ende hier mede hebben beyde p(ar)tien bekint hinc/ inde geheelijck v(er)enicht sijnde van alle(n) hue(re)n gescillen/ die zij deen tege(n) dande(r) tot desen daige toe uutstaen(de)/ mogen hebben ghehadt promitt(entes) rat(um) hinc inde cor(am)/ rosme(er) hubr(echts) febr(uarii) x[a]