Allen den genen dat h(er) arnt trot prieste(r) ende/ jan vand(er) mee(re)n als executeur vanden testame(n)te/ he(re)n coenrarts wijlen vand(er) mee(re)n ridders ende/ doctoirs inden rechten als hij leefde in p(rese)ntia/ hebben inden name en(de) van wegen der selv(er) executie(n)/ getra(n)sporteert en(de) ov(er)gegeven en(de) mits desen tra(n)s/ porte(re)n en(de) gheven over jouffr(ouwe) m(ar)grieten van bour/ gevaul docht(er) jans wijlen van bourgevaul in/ puerder aelmoessen de so(m)me van lxiii r(ins)g(ulden)/ eens uuyt en(de) van alsulken acht(er)stelling(en) als/ gevallen ende ombetaelt uuytstaen van alsulken xxi
//
rinsgulden(en) erff(elijcke) rinte(n) als de voirs(creven) wijlen h(er) coenrart/ vander mee(re)n voirmaels gecocht en(de) v(er)cregen heeft/ tegen jonche(re)n jacoppe van mosmale sone he(re)n/ diericx wijlen van mosmale ridders op seke(re) zijn goede/ en(de) heerlich(eden) van breves en(de) sipply soeme(n) die van/ m(ijn) gened(ichen) hee(re) te leene houden(de) is nae uuytwijsen/ d(air) af zijnde constitue(re)nde d(air)om en(de) mechtich makende/ de voirs(creven) executeurs van wegen der selv(er) executie(n)/ sonder e(n)nich wed(er)roepen de voirs(creven) jouffr(ouwe) m(ar)griete/ van bourgevaul de selve lxiii rinsgulden(en) eens va(n)d(en)/ acht(er)stellen voirs(creven) te manen teysschen optebue(re)n en(de)/ tontfangen ende ofts noot zij met rechte texeque(re)n/ en(de) te vervolgen dair ende soe dat behoirt ende/ quitan(cien) d(air)af te geven(e) ende voirtane gene(r)alijck en(de)/ specialijc d(air)inne te doene en(de) te vorde(re)n allet tghene/ den selve(n) lxiii r(ins)g(ulden) eens aengaen(de) en(de) niet voirde(r)/ het zij mett(er) mynnen oft met rechte dat de voirs(creven)/ co(n)stituen(ten) selve doen en(de) vord(re)n souden moeghen/ wairt dat zij telker tijt en(de) plaetssen selve tege/ woirdich en(de) voir oegen wa(r)en promitten(tes) rat(um) ex/ p(ar)te d(i)c(t)e executionis d(i)c(t)o d(omi)no arnoldo renu(n)cian(tes)/ absq(ue) calculo res(er)ve(re)nde he(n) nochtan de selve/ executeurs hue(r) actie en(de) recht van alle(n) den/ surplus vand(en) acht(er)stelle(n) voirs(creven) boven de selve/ lxiii rinsg(ulden) eens voirs(creven) cor(am) blanck(art) rosme(er)/ febr(uarii) xvi