Item willem huygen die met brieven van des(er) stadt/ alh(ier) bescreve(n) heeft janne van lens s(in)[t] s(er)vaes poirte(r)/ van des(er) stadt voir xiiii rinsgulden(en) eens de welke/ hij hem voirgaen(de) was opder vrijheyt recht vand(er)/ poirterie(n) van des(er) stadt en(de) den selven janne dach/ van rechte doen besceyden inde banck voir meye(r)/ ende scepen(en) van loeven(e) dair hij gevrijdt is tege(n)/ den selve(n) willem(me) heeft hem op heden te rechte/ gep(rese)nteert inde banck voirs(creven) tegen den selven ja(n)ne/ Aldair hij niet gecomp(ar)eert en is noch niemant/ van zijne(n) wegen versueken(de) alsoe tre(n)voy t(er) plaetsse(n)/ dair de selve poirte(r) woenechtich is oft bevond(en)/ soud(e) moegen wordden D(air)op de scepen(en) gemaent/ bijd(en) meye(r) hebben gewesen met vo(n)nisse geliefde/ den voirs(creven) willem(me) sijn p(rese)ntatie te doen teeken(en) dat/ hijt doen mochte ende hadde hij voird(er) gebreck/ dat hij dat volghde aenden borg(er)meest(er) in sca(m)pno/ m(ar)cii ultima