Nae dien op heden bijd(en) raide vand(er) stadt zijn geco(m)p(ar)eert/ jan meys en(de) reyne(r) van mechele(n) inde(n) name en(de) van wege(n)/ des dorps van caggevynne en(de) ande(re)n ingeseten(en) ald(aer) t(er) eende(r)/ en(de) antho(nise) vasdraet als borg(er)meest(er) der stadt van halen/ t(er) ande(re) Aldair de voirs(creven) jan meys en(de) reyne(r) van mechele(n)/ inde name als voe(r) dede v(er)halen dongebruyck dwelc hen/ bijden meye(r) borg(er)meeste(re)n scep(enen) en(de) raidt der stadt van/ halen aldair gebuerde d(aer)op zij de selve bescreven/ hadden als dat zij hue(r) scapen coeyen verken(en) ende ande(r)/ beesten niet en mochten laten gaen oft hueden opden/ open(en) arden deen ond(er) den ande(re)n als regenoegten onder/ malcande(re)n inder maten zij des van ouden tijden/ geplogen hadden te doene ende alsoe t(er) wairheyt/ bevonden soude wordden D(aer)op de selve van halen/ seke(r) kue(re)n ende broecken hadden gesedt en(de) hue(r) beesten/ doen panden voe(r) de selve kue(re)n ende brueken p(re)ten/ de(re)nde [de] selve alsoe te spolieren van hue(re)n gebruyck/ en(de) possessien met meer ande(r) gelijcke woirden D(aer)/ op de voirs(creven) van halen sonder int pri(n)cipael te/ willen antwerden hebben geseet dat zij saten in/ een vry stadt dair meye(r) en(de) scepen(en) wae(re)n ende/ d(aer)men elken recht en(de) justitie admi(n)streerde hopen(de)/ soe v(er)re die van caggevy(n)ne hen t(er) causen van des voirs(creven)/ is yet heyssche(n) wouden dat zij dat souden moegen/ doen ald(aer) (et)c(etera) D(aer) op de voirs(creven) van caggevynne r(e)pli/ ce(re)nde sustineerden de (contra)rie te voirde(r) wa(n)t dese/ stadt was de hootstadt van hen en(de) oic van die van/ halen dat niet en betaemde dat zij ald(aer) te rechte staen/ / souden in dien dat de scepen(en) ende ande(r) wethoude(re)n/ van halen selve mede p(ar)tie wae(re)n en(de) mede gebruyckers/ vanden voirs(creven) arden dair questie om was en(de) dat/ oick in vele ande(r) gelijcke saken gesien hadde geweest/ dair de gemey(n)te(n) oft p(ar)ticulie(re) p(er)soenen vand(en) wet/ houde(re)n p(ar)tie wae(re)n oft hen inde(n) name als wet/ houd(er)s oft vand(er) gemeyten aenginck dat dese stadt/ d(aer)af geplogen hadde de kynnesse te nemen Es geap/ pointeert dat de voirs(creven) van halen niet wed(er)staende/ den reden(en) bij he(n) geallig(er)t nairde(r) schuldich sullen zijn/ tantwerden(e) opde voirs(creven) materien van ongebruyck/ en(de) and(er)ss(ins) bijd(en) voirs(creven) van caggevynne opgedaen tot/ eene(n) seke(re)n gelegen(en) daige dien zij d(aer)toe sullen/ moegen nemen om dan p(ar)tien gehoirt d(aer)inne te/ geschien ende gedaen te wordden soe behoe(re)n sal/ d(aer)toe de selve van halen te weten(e) de borg(er)meester/ voirs(creven) dach genomen heeft van heden over acht/ daigen naistc(omende) in (con)s(ili)[o] opidi decembr(is) vii[a]