Eene deili(n)ghe gemaect zijnde tusschen janne vand(er) roest/ zone jans wile(n) vand(er) roest raeymakers ende marien/ wile(n) va(n) hoelair zijnd(er) huysvrouwe(n) als hij leefde t(er) eenre/ henricke vand(er) roest oic zone d(er) selv(er) gehuysschen ende/ brueder des voirs(creven) jans t(er) ande(re) hubrechte vand(er) roest/ oec zone der voirs(creven) gehuyssche(n) ende brueder der voirs(creven)/ gebruede(re)n t(er) derd(er) gielise vand(er) roest oec zone der/ voirs(creven) gehuysschen ende brueder der voirs(creven) gebruede(re)n t(er)/ vierd(er) ende lijsbette(n) vand(er) roest zust(er) der voirs(creven) gebruede(re)n/ ende weduwe lenarts wilen scosters inden name van/ huer selven ende oec van wegen machtelden en(de) kat(lij)[nen]/ hue(re)r dochte(re)n die zij behoude(n) heeft vande(n) voirs(creven) wijlen/ lenarde hue(re)n man nu absent ende onder hue(r) daghe/ zijnde dewelke deselve lijstbeth de moeder hiertoe/ geloeft heeft te v(er)vangen ter vijfster zijden op/ ende van den erfrinten hen bleven en(de) verstorven/ bijd(er) doot ende aflivicheit der voirs(creven) wijlen gehuysschen/ hue(re)n vader ende moeder te deylen/ Soe sijn bleven ende gevallen den voirs(creven) janne vand(er)/ roest in sijn deilinghe drie croenen en(de) ix(½) stuv(er)s/ erffelijck vanden elf croenen te xxiii stuvers tstuck/ erffelijck vallende jairlix half s(in)[t] jans(mis)s[e] en(de) half/ te kersmesse staende aen ende op huys en(de) hoff mett(er)/ toebehoirten gelegen inde hoelstrate opden hoeck vand(er)/ cattestraten tusschen de selve strate t(er) eenre ende de/ goede ghijsbrechts van holsbeke t(er) ande(re) hanc quoq(ue)/ et sat(isfactum) prout cor(am) borch(oven) buetsele maii xxiii