SAL7392, Act: R°362.2-V°362.1 (628 of 688)
Search Act
previous | next
Act R°362.2-V°362.1  
Act
Date: 1499-05-29

Transcription

2020-11-15 by Karel Embrechts
Nae dien come(n) es bijd(en) raide vand(er) stadt machiel helmichi/
als procur(eur) en(de) rintm(eeste)r der capellane(n) s(in)[te] pet(er)s te loeven(e) te/
kynne(n) geven(de) hoe dat hij v(er)stont en(de) genoech te bynne(n) was/
dat jan oeghe thiegeldecke(r) pijnde zeke(r) huyse(n) af te breke(n)/
en(de) die te mi(n)de(re)n en(de) te erge(re)n geleghe inde leghestrate geheete(n)/
den wegghe dair op de voirs(creven) capellane(n) jair(lijx) heffen(de) zijn/
drie en(de) eene(n) halve(n) goud(en) gul(den) erfelijck bij wijle(n) he(re)n/
wil(he)l(mu)m edelhe(re) gelate(n) bege(re)nde en(de) v(er)sueken(de) alzoe de selve/
rintm(eeste)r dat de voirs(creven) jan oeghe d(aer)af cesse(re)n soude en(de) de/
voirs(creven) huysi(n)g(en) als zijne(n) ond(er)pant d(er) erfrinte(n) voirs(creven) niet/
erge(re)n alzoe dat hem genoech soude moegen zijn Dair op de/
voirs(creven) jan seydt dat hij anders niet dan zijn gerief d(aer)af/
maken en(de) neme(n) woude en(de) al mocht hijse op deen/
ynde v(er)ande(re)n zijn meyni(n)g(en) en(de) voirne(me)n was die op/
een ande(r) ynde en(de) opte(n) selve(n) pant der voirs(creven) capellane(n)/
alsoe vele te bete(re)n en(de) hue(r) jairlijcsche betali(n)g(en) te doene/
geloven(de) de selve jan de voirs(creven) goede als voe(r) niet te arge(re)n/
mair oft des gebuerde des hij hoepte neen den selve(n) capellane(n)/
alsulke(n) toepant te stelle(n) van ande(re)n zijne(n) goed(en) als dat de(n)/
selve(n) genoech soude moege(n) wese(n) Welke voirs(creven) p(rese)ntac(ie) en(de)/
gelufte de voirs(creven) procur(eu)[r] ae(n)nam bege(re)nde die geregistreert/
/ te wordd(en) want and(er)ssins der he(re)n meyni(n)g(en) en(de) genoech uuytsp(ra)ke/
inden begripe(n) vand(er) wet datme(n) de voirs(creven) goede en(de) arigeri(n)g(e)/
in die(n) mette(n) stadtmeest(er)s soude hebbe(n) gevise(n)teert om d(aer)entind(en)/
hue(r) rappourt in dien ged(aen) zijnde dair op naird(er) versien en(de)/
appointe(re)n te werdd(en) als behoe(re)n soude hebbe(n) t(er) verstich(eyt) en(de)/
sekerheyt d(er) selv(er) capellane(n) Act(um) in cons(ili)[o] op(idi) maii xxix
Contributorskristiaan magnus
Moderated bykristiaan magnus
Last update: 2018-07-16 by The Administrator