Eene deylinghe geschiet en(de) gemaict zijnde tussche(n)/ henricke van velthe(m) cleermake(r) in deen zijde ende/ joseph borreman creme(r) in dand(ere) vand(en) twee huys(en)/ neven een gelege(n) mette(n) hove(n) en(de) hue(re)n toebehoirte(n) soe/ die gelege(n) zijn inde dorpstrate buyte(n) [de] by(n)ne(n)porte/ tege(n) den kandele(r) ov(er) tussche(n) de goede wijlen reyners/ wijtfliet t(er) eende(r) en(de) de goede jasp(er)s wijlen van ov(er)wy(n)ghe/ t(er) ande(r) zijd(en) de welke de voirs(creven) he(n)rick van velthe(m)/ en(de) joseph borreman opte(n) xxiiiite(n) dach van julio a(nn)o/ xciii tsame(n) t(en) erfchijse genome(n) hebbe(n) tegen katlijne(n)/ wynt(er)s wed(uwe) jans wijle(n) de punde(re) als tocht(er)sse/ en(de) ja(n)ne vand(er) hofstadt en(de) beert(e)ren spunders zijnd(er)/ huysvr(ouwe) en(de) ande(re)n hue(re)n medeplege(re)n als erflude(n) op/ zeke(r) co(m)meren d(aer) uuytgaen(de) ind(er) guedinghe d(aer)af zijde/ beg(ri)pe(n) te deylen/ Soe bleven en(de) gevallen den voirs(creven) henricke van/ velthem deen huys mette(n) hove en(de) toebehoirte(n) vand(en)/ voirs(creven) twee huysen dwelck gelege(n) es naest den/ goeden wijlen des voirs(creven) reyners wijtfliet opde/ / co(m)meren nae bescr(even) d(aer)af tselve huys metten toebehoirte(n)/ dander huys metten hove en(de) toebehoirten den voirs(creven)/ joseph in deylinghe gevallen zoe v(er)re tselve huys/ mette(n) toebehoerte(n) desselfs josephs voe(r) de selve/ co(m)me(re)n oft e(n)nighe van dien verond(er)pant oft geypo/ thiccert wae(re) sculdich sal zijn tot eeuwige(n) daige(n)/ costeloos en(de) scadeloos te te houden ende tontheffen(e) Ierst/ van twintich stuv(er)s erfelijck die tcloest(er) vand(er)/ xi[m] meechden opde halfstrate op beide de selve/ huys(en) metten toebehoerten voirs(creven) heffen(de) es Item de/ hellicht van vier cap(uynen) en(de) twee scelling(en) outchijs/ aende zuste(re)n van s(in)[te] barbelen d(aer)af de voirs(creven) joseph/ sculdich es dander hellicht te betalen van zijnen huyse/ voirs(creven) twee scelling(en) outchijs aen tgroot gasthuys/ te loeven(e) de hellicht van [twee] scelli(n)g(en) outchijs aende/ wittevrouwe(n) te loeven(e) dair af joseph sculdich/ es te betalen de weder hellicht van zijnen huyse/ voirs(creven) twee pond(en) paymi(n)ts aend(en) heylige(n)gh(eeste)/ van s(in)[te] machiels te loeven(e) eenen ouden vleemsche(n)/ i cap(uyn) en(de) viii d(enieren) loeve(n)s aen joese absoloens eene(n)/ pet(er) te xviii st(uvers) aen janne jorden en(de) [zijn(en)] kinde(re)n ende/ noch thien stuv(er)s erfelijck vand(en) xx stuv(er)s erfel(ijck)/ die de voirs(creven) uuytgheevers ten ynde [tijde] vand(er) voirs(creven)/ erfuuytgevi(n)ghe(n) d(er) voirs(creven) goed(en) d(aer)op behield(en)/ dair af de voirs(creven) joseph sculdich es te betalen/ dande()r thien stuv(er)s erfelijck van zijne(n) aengedeeld(en)/ huyse voirs(creven) hanc q(u)[o]q(ue) et sat(is) prout cor(am)/ buetsel crol junii xix