SAL7392, Akte: R°51.3-V°51.1 (111 van 688)
Akte R°51.3-V°51.1
Act
Datum: 1498-08-03
Transcriptie
2020-05-18 door Jos JonckheerNae dien bijden raide vander stadt zijn gecomp(ar)eert/
henrick de becke(re) ende machiel de teppe(re) als gesworen(en)/
vanden ty(m)merlied(en) ambachte die ald(air) ontboden hadden/
eene(n) geheeten pet(er) van muysen(en) die des omtrint een/
jair int voirs(creven) ambacht comen was ende alsoe behoirde/
naed(en) eedt dien hij gedaen hadde ende d(er) oud(er) costume(n)/
de kersse vand(en) ambachte te dragen(e) in alle o(m)gange(n)/
alsoe wel opde pri(n)cipale processie dag(en) als ande(re) ende/
d(air) inne zijn medegeselle egheene(n) stoot en maecte/
hoe wel hij swarich(eit) d(air) inne dede bege(re)nde de voirs(creven)/
gesworen(en) inden name als voe(r) den selve(n) pete(re)n d(air)toe/
bedwongen te hebben(e) totter tijt nad(er) oud(er) costume(n) tvoirs(creven)/
ambacht [va(n)] eene(n) ande(re)n versien soude zijn d(air) tegen de selve
//
pet(er) sustineerde de co(n)trarie ende besundert dat hijse/ mer opde pri(n)cipale processie daigen dragen en/ soude ende van ande(re)n daigen niet Es get(er)mineert/ ende uuytgesproken nae dien de wethoude(re)n vand(en)/ voirs(creven) costume(n) inden ambachte voirs(creven) ende van ande(re)n/ ambachten in dien ond(er)houden geinformeert hadden dat/ de voirs(creven) pet(er) de kerse vand(en) selve(n) ambachte sculdich/ soude zijn te dragen(e) oft doen dragen opde pri(n)cipale/ processie dagen ende oic ande(re) omgangen bynnen des(er)/ stadt totter tijt hij van eene(n) ande(re)n int ambacht comen(de)/ gelost sal wesen naed(er) oud(er) costumen Act(um) in (con)s(ili)[o]/ opidi augusti iii[a]
//
pet(er) sustineerde de co(n)trarie ende besundert dat hijse/ mer opde pri(n)cipale processie daigen dragen en/ soude ende van ande(re)n daigen niet Es get(er)mineert/ ende uuytgesproken nae dien de wethoude(re)n vand(en)/ voirs(creven) costume(n) inden ambachte voirs(creven) ende van ande(re)n/ ambachten in dien ond(er)houden geinformeert hadden dat/ de voirs(creven) pet(er) de kerse vand(en) selve(n) ambachte sculdich/ soude zijn te dragen(e) oft doen dragen opde pri(n)cipale/ processie dagen ende oic ande(re) omgangen bynnen des(er)/ stadt totter tijt hij van eene(n) ande(re)n int ambacht comen(de)/ gelost sal wesen naed(er) oud(er) costumen Act(um) in (con)s(ili)[o]/ opidi augusti iii[a]
Nagekeken door: Walter Winnelinckx
Moderator: Walter Winnelinckx
Laatste update:: 2018-07-16 door The Administrator