Item nae desen zijn comen bijde(n) selven raide/ e(n)nige vanden vrinden desselfs pet(er)s vanden/ sande in zijnd(er) absen(cien) en(de) hebben bijd(er) selv(er) wet/ aensocht inden name vand(en) selven dat hij hadde/ moegen verborgen vand(en) vroente(n) d(air) inne hij/ was d(air) op he(n) geantw(or)t wert dat van egheene(n)/ noode en was te verborgen(e) want de voirs(creven)/ pet(er) voldoen(de) de voirs(creven) t(er)mi(n)acie soude bij dien/ ontslagen werden en(de) hij was oic voir tvoldoen/ vand(er) selv(er) t(er)mi(n)acien ind(er) hachten ende alsoe/ moste de selve volbracht w(er)den eer hij op/ borchtocht oft and(er)ssins ontslagen mochte wesen/ d(air) op wed(er)o(m)me de voirs(creven) vrinden nae dien/ zij met pete(re)n hadd(en) gesproken sitten(de) ind(er) vroe(n)ten/ t(er) antw(or)den bracht hebben dat pet(er) vand(er) meyni(n)g(en)/ niet en was inde hant te tasten(e) oft tvoirs(creven)/ get(er)mineerde in dien te voldoen(e) ende dit is/ gesciet bijden selve(n) raide opten lesten dach/ augusti a(n)no xcviii