Item de voirs(creven) jan bryns die bekint heeft v(er)cocht/ te hebben(e) den voirs(creven) henr(icke) zijne(n) brued(er) de goede/ h(ier) nae bescreven gelegen te kerkem Te weten(e) een/ geleeghe met zijnd(er) toebehoirten soe dat gelegen is/ aende kercke van kerckem aende ca(m)me ald(aer) It(em) noch/(½) dach(mael) lants gelegen opt boschvelt aende goede pet(er)s/ / vand(er) hoeven It(em) noch een dach(mael) lants gelegen opt/ calv(er)eeusselvelt aende goede des voirs(creven) pet(er)s vand(er)/ hoeven It(em) noch iii vie(re)ndeele(n) lants gelegen opt scobbersvelt/ aende goede desselfs pet(er)s vand(er) hoeven It(em) noch iii/ vie(re)ndeele(n) lants gelegen opt to(m)mevelt aende goede/ m(ijns) he(re)n van bout(er)shem ende eene(n) beempt soe die(n) gelegen/ is aende(n) scaerbosch houden(de) omtrint drie dachmale(n) regenoete/ de daelbeemde Welke goede de voirs(creven) jan gewara(n)deert heeft/ den voirs(creven) henricke op eene(n) hellinc grontchijs ende op/ twee mudde(n) rogs en(de) viii(½) mol(evaten) rogs erffel(ijc) d(aer) uutgaen(de)/ gelijc de voirs(creven) goede den selve(n) ja(n)ne in zijn deilinghe/ bleve(n) zijn tegen zijn bruede(r) en(de) zuste(re)n Heeft geloeft den/ selve(n) henricke en(de) zijne(n) nac(omelingen) d(aer)af altijt genoech te doene oft/ hem daerinne yet te nauwe geschiet wae(r) behalve(n) oft/ e(n)nige(n) meer co(m)mer namaels bevonde(n) wordde d(aer) uutgaen(de)/ dan de voirs(creven) es dat de voirs(creven) henr(ic) in dien gevalle van/ dien meerco(m)mer drage(n) ende betalen zal sijn vijfste deel/ acht(er)volgende der gelufte(n) die zij en(de) hue(r) brueder en(de) zuste(re)n/ malcande(re)n d(aer)aff gedae(n) hebben ind(er) voirs(creven) deyli(n)ghen/ tussche(n) hen geschiet Ende soe verre oec uuyt saken vanden/ selve(n) meer co(m)me(re)n die alzoe bevonde(n) mochten wordde(n) enige/ questien oft gedingen spruytende quamen dat de selve/ henrick in dien gevalle oec sijn vijfste deel d(aer)aff betale(n)/ zal acht(er)volgen(de) der deili(n)gen voirs(creven) cor(am) eisd(em)