Vander questien gecomen bijden raide vand(er) stadt/ tussche(n) he(re)n ende meeste(re)n pauwele oeghe hee(re)/ van facuez raidt m(ijns) gened(ichs) he(re)n in brab(ant) t(er) eenre/ ende he(re)n claese de puteo inden name en(de) van wegen/ der cap(it)len van s(in)[te] pet(er)s alh(ier) canonick der selv(er) kercken/ t(er) ande(r) zijden Ald(air) de voirs(creven) [meest(er)] pauwel te kynne(n) gaff/ hoe dat hij ende zijn suster woenen(de) t(er) banck hadd(en)/ een seke(re) erfrinte van vier mudden core(n)s en(de) vier/ hollan(sche) gulden(en) op een hof metten toebehoirten onder/ libbeke gelegen geheeten thof te langen poele nae/ uutwijsen(e) der br(ieven) en(de) besceyde d(air) af wesen(de) van/ welken rinten hij ende zijn sust(er) in gebreke hadd(en)/ geweest ende t(er) causen van dien hen doen leve(re)n/ de pande en(de) p(ro)fijte(n) en(de) emolime(n)ten d(air) op wesen(de)/ nae des(er) stadt recht om tot huer(er) bet(alinge) te comen(e)/ met coste en(de) co(m)me(r) ende wa(r)en in dien seke(re)/ vo(n)nissen alh(ier) voir scepen(en) van loeven(e) gewesen d(air)/ mede hij gestelt was inde possessie vand(en) selve(n)
//
goeden tot zijne(n) gebreken behoef seggen(de) voirt/ want de voirs(creven) meest(er) claes uuyt crachte van e(n)nigen/ rinten die tvoirs(creven) cap(it)le hebben mochte op thoff/ geheeten t(er) ledich(eit) d(air) bij gelegen pant d(air) voe(r) wesen(de)/ en(de) oick eensdeels mede opde voirs(creven) goede den voirs(creven)/ ande(re)n hove toebeh(oirende) hoe wel de selve meest(er) pauwel/ en(de) zijn sust(er) oude(r) zijn t(er) causen van huer(er) rinten/ he(n) ongebruyck hadde gedaen inde vruchten gecome(n)/ vanden goeden ende landen d(air) de rinte des voirs(creven)/ meest(er)s pauwels op slaen mochte Soe beg(er)de/ en(de) v(er)socht de selve uuyt crachte vand(er) voirs(creven)/ voirhandelingen den voirs(creven) he(re)n claese in dien ond(er)/ wesen te hebben(e) dat hij van zijne(n) voirnemen(e)/ cesse(re)n soude laten(de) den voirs(creven) meeste(re)n pauwelse/ gebruycken der p(ro)fijten comen(de) van zijnen panden/ sond(er) hem e(n)nich disturbe in dien te doen(e) en(de) tot/ dien restitutie van des hij ombehoirl(ijc) soude moge(n)/ getogen hebbe(n) D(air) op de voirs(creven) de voirs(creven) meest(er)/ claes antw(or)den(de) seydt datmen bevi(n)den soude dat/ de voirs(creven) meest(er) pauwel en(de) zijn sust(er) wel geco(n)/ tenteert wa(r)en van hue(re)n gebreken te voirdere/ mits dien dat de selve meest(er) pauwel oft/ zijn p(ro)cur(eur) wel xv oft xvi sacken core(n)s getogen/ soud(en) hebben int jair voirleden d(air) af de meye(r)/ van libbeke de maman(de) soude hebben gehadt/ oic leydt bij de selve meest(er) claes dat meester/ pauwel oft zijn p(ro)cur(eur) div(er)se vruchten getoghen/ soude hebben gecomen vand(en) panden d(air) de rinte/ vand(en) voirs(creven) cap(it)le op slaen(de) was gheen pant/ wesen(de) vand(en) selve(n) meeste(re)n pauwelse en(de) dat/ alsoe de selve sculdich wa(r)e van al reken(inge)/ te doen(e) seggen(de) oick seke(re) gevallen(e) rinten soe/ aen jacoppe(n) ouderogge als p(ro)cur(eur) vand(en) hee(re) van/ dormant ende meer ande(re) bet(alinge) te hebben(e) Ende/ dat de voirs(creven) meest(er) pauwels alsoe wel tsijne/ hebben soude als outste rinte hebben(de) van hen beid(en)/ d(air) op de voirs(creven) meest(er) pauwel replice(re)nde seyt datme(n)
//
niet bevi(n)den en soude dat de voirs(creven) xv oft xvi sacke(n)/ corens tot zijne(n) p(ro)fijte wa(r)en gecomen mair ten/ vervolge he(re)n jans de mol ridders oft zijns p(ro)cur(eur)s/ vervolght geweest als geleydt en(de) en stiet hem dair/ niet aene Ontkynnen(de) oick tvoirnemen des voirs(creven)/ meest(er) claes dat hij van ande(re)n goeden zijne(n) pant/ niet wesen(de) yet ontvrucht soude hebben der cap(it)len/ toebehoiren(de) bliven(de) alsoe bij sijne(n) voirnemen(e) Es/ uuytgespr(oken) en(de) get(er)mineert bijden selven raide/ p(ar)tien als voe(r) in wed(er)sijden gehoirt zijnde dat/ de voirs(creven) meest(er) pauwel inden name als voe(r) acht(er)/ volgen(de) zijne(n) voirvo(n)niss(en) bliven sal inde possessie/ der p(ro)fijten ende emolime(n)ten vanden panden dair/ zijn brieven me(n)tie af maken tot zijnd(er) geheelder/ bet(alinge) toe met coste en(de) com(er) Ende vanden ande(re)n/ want meest(er) claes inden name als voe(r) p(rese)nteert/ te thoenen(e) dat de selve meest(er) pauwel oft zijn/ p(ro)cur(eur) voird(er) getogen soude hebben vand(en) goeden/ d(air) zijn brieve(n) niet op en slaen om d(air) af reken(inge)/ te doene beghe(re)n de wethoude(re)n den thoen te ae(n)hoiren(e)/ bijden selven meeste(re)n claese bijgeleet en(de) d(air)entinde(n)/ recht Act(um) in (con)s(ili)[o] opidi julii quarta