Nae dien op heden comen zijn inde banck voe(r) meye(r)/ en(de) scepen(en) van loeven(e) h(er) m(er)ten hillens inden name en(de)/ van wegen willems guedens geleydt zijnde uuyt cracht/ van scepen(en) br(ieven) van loeven(e) nae des(er) stadt recht totten/ goeden jans scoliers ald(aer) de selve p(ro)cur(eur) te kynne(n) gaf/ hoe dat hij hoepte dat henrick van diepe(n)dale oick/ geleydt zijnde totten selve(n) goeden en(de) oude(r) alsoe hij/ verstont hem bellicx niet p(re)cede(re)n en soude mits div(er)s(en)/ reden(en) Te weten(e) dat hij ten tijde als willem guedens/ rinten cochte opde goede jans scoliers voirs(creven) geseeght/ soude hebbe(n) de selve henr(ic) van diepe(n)daele dat/ dair gheen beleyden meer [op] en wae(re)n verswijgen(de)/ subtijlijc en(de) bedrochelijck sijn beleyt en(de) ande(r) beleyden/ Ten ande(re)n male dat uuyte(n) goeden jans scoliers niet/ meer uuyt en ghinge dan she(re)n chijs en(de) iiii vie(re)ndeele(n)/ rocx erff(elijc) aen eene(n) prieste(r) sond(er) meer last en(de) dat/ hij henr(ic) selve de d(enieren) toech en(de) te hemw(er)ts nam/ / die willem guedens copen(de) rinten opde voirs(creven) goede/ jans scoliers gaf ende dat jan scolier sijn goede/ in egheend(er) wijs belasten noch v(er)thien en soude sond(er)/ wille(m)s guedens co(n)sente en(de) weten(e) Dwelc en(de) al/ als voirs(creven) is de voirs(creven) p(ro)cur(eur) henr(ic) van diepe(n)dale/ woude geven oft houden ten heyligen alsoe gesciet te/ zijne hopen(de) soe v(er)re hij he(m) van des(er) pointen niet/ en ontsculdichde en(de) zijn meest(er) den eedt dade dat/ de selve zijn meest(er) met zijne(n) beleide p(re)cede(re)n soude/ D(aer) tegen de voirs(creven) henr(ic) van diependale dede seggen/ dat de voirs(creven) willem guedens ombehoirlijc p(ro)cedeerde/ oft zijn p(ro)cur(eur) in dien dat zij van p(er)sonele(n) saken/ hem aenspreken woude(n) te weten(e) van scatsculden/ oft toeseggen(en) dat hij dat doen soude bij behoirl(ijcker)/ clachten oft ande(re)n manie(re)n van dachdoen(e) dwelck/ niet gesciet en was ende dat alsoe dbeleyten van/ zijd(er) saken als voe(r) was ongefundeert De voirs(creven)/ wed(er)p(ar)tie r(e)plice(re)nde hopen(de) neen te voirde(r) wa(n)t/ hij tvo(n)nisse van (con)tu(m)acien desselfs henr(ix) van diepen/ dale hadde laten gaen opde goede voirs(creven) op (con)ditie/ en(de) [alsulk(er)] vuege(n) hem des gedragen(de) totter wet dat/ hij onv(er)let soude staen van sijne(n) rechte en(de) dat hij/ alsoe tijds genoech qua(m) om te seggen des hem in/ rechte soude moegen dienen te voirde(r) oic want/ de p(ro)cur(eur) desselfs henr(ix) dair stont en(de) hem rechts/ werdich maecte Es gewesen t(er) maniss(en) smeyers bijd(en)/ scepen(en) opde voirs(creven) alt(er)catie(n) van p(ar)tien dat de/ voirs(creven) henr(ic) oft zijn p(ro)cur(eur) opden pri(n)cipalen heysch/ en(de) meyni(n)ge des voirs(creven) willems opdat hem beliefde/ nairde(r) sculdich soude zijn tantwerden(e) in sca(m)pno/ januarii xvii