Nae die(n) come(n) zijn in questie(n) bijd(en) raide vand(er) stadt willem de/ clerck als ae(n)legge(r) tege(n) goirde van ghele verweerde(r) ald(air) de/ voirs(creven) willem eysschte de(n) voirs(creven) goirde xii hollan(sche) gul(den) als/ van seke(re)n hoeye tege(n) he(m) gecocht vand(er) hellicht wy(n)ni(n)g(en) die/ de voirs(creven) willem genome(n) en(de) gecocht hadde tege(n) den hee(re) van/ rotselair oft zijne(n) rintmeest(er) gelege(n) int broeck geheete(n) beexsche(n)/ broeck en(de) dat vand(er) hellicht wi(n)ni(n)g(en) gecome(n) van twee/ boende(re)n beempts toebehoe(re)nde ja(n)ne vand(er) heyd(en) de vi dch(mael)/ d(aer)af en(de) dande(r) ii dach(mael) janne van leeuwe oft de(n) ghene(n)/ die tege(n) den selve(n) janne van leeuwe gehuert hebben/ seggen(de) de selve ae(n)legge(r) dat de verweerde(r) hem die/ xii(½) holl(ansche) gul(den) noch tacht(er) was Dair op de voirs(creven)/ verweerde(r) heeft mits div(er)s(e) reden(en) gesustineert dat hij/ d(air)af ongehoud(en) soude zij(n) e(m)mers vand(en) meeste(n)deel te/ voirde(r) want soe hij p(rese)nteerde thoy dwelc hij gecocht/ soude hebbe(n) opde(n) gront blive(n) soude(n) zijn mits de(n) ongetymp(er)de(n)/ / were van wate(r) en(de) and(er)ssins dair op de selve p(ar)tie(n) in weerzijd(en)/ thoen geleyt hebbe(n) Es den selve(n) p(ar)tie(n) nae dien zij vand(en)/ voirs(creven) hue(re)n geschille(n) gebleven zijn inde stadt om [bij] mi(n)lijcke/ uuytsprake en(de) appoi(n)teme(n)te(n) v(er)enicht te wordd(en) sond(er) rigue(r)/ van rechte mi(n)lijcke uuytsp(ra)ke en(de) accort uuytgesproke(n)/ bijd(en) selve(n) raide te weten(e) dat de verweerd(er) betalen/ sal den ae(n)legge(r) vand(en) voirs(creven) eysche acht holl(ansche) gul(den)/ deen hellicht bynne(n) xiiii d(aigen) nae s(in)[t] jansmisse en(de) dand(er)/ hellicht bynne(n) xiiii daige(n) nae loeven(e) kermisse d(air)nae/ volgen(de) als v(er)reicte schout ende oft de verweerde(r)/ den yerste(n) t(er)mijn lyet ov(er)gaen zoe salt al gevalle(n) zijn/ en(de) elc sal zijn coste(n) drage(n) Act(um) in cons(ili)[o] op(idi) cor(am)/ lyefk(enrode) burg(imagistr)[o] v(er)heid(en) sub(stitu)t[o] burg(imagistr)[o] pynnock h(er)meys/ tymple borch(oven) boech(out) scab(inis) borch(oven) go(defri)[do] roelofs oirbeke/ cons(iliariis) junii v[ta]