Item h(er) mathijs grouwel priest(er) als execute(u)[r] vand(en)/ testame(n)te willems wijle(n) p(ate)r n(oste)r renu(n)c(ians) es comen/ voir scepen(en) van loeven(e) h(ier) nae bescr(even) en(de) heeft/ zijn goets moets willen ger(e)nu(n)cieert en(de) es afgegaen/ geheel(ijc) en(de) al van alsulken executien als h(er) wout(er)/ van diepe(n)beke als no(ta)r(is) dede met eend(er) inhibitien/ uuyten hove van luydick geimpetreert des mocht/ een jair leden zijn oft d(aer)omtrint en(de) ande(re) in zijne(n)/ name gedaen mochten hebben inde banc voe(r) meye(r)/ en(de) scepen(en) van loeven(e) ten lesten daige van rechte/ aenden selve(n) meye(r) en(de) scepen(en) en(de) oic aen janne/ de potte(re) Geloven(de) renu(n)c(ierende) als voe(r) hem d(aer) mede niet/ te behulpen mair was te vreden ende gaf over/(con)sente(re)nde den selven janne zijn recht voirts te/ moegen vervolgen d(aer) ende soe hij bego(n)nen hadde/ inde selve banck der selver executie(n) belette oft/ verbode niet tege(n)staen(de) en(de) gelijc oft die niet en/ wae(re)n gesciet cor(am) borch(oven) crol nove(m)br(is) xxii