Nae dien op heden bijden raide vand(er) stadt gecomen/ zijn he(n)r(ic) van heymo(n)niez en(de) gor(is) goed(er)thuys zijne(n) behoud(en)/ zone exhibe(re)nde ald(aer) eene(n) seke(re)n besloten(en) brie(ve) d(er) stadt van/ antw(er)pen bege(re)nde aende selve wethoude(re)n van loeven(e)/ ind(en) name vand(er) selv(er) stadt van loeven(e) dat nae inhoudt/ vand(en) voirs(creven) br(ieve) van antw(er)pen wij he(n) soud(en) laten volgen/ peyslijc sonder co(m)mer en(de) last pete(re)n giel(en) woenen(de) ind(er)/ stadt van antw(er)pen seke(r) zijn coren en(de) greyn dwelck/ hem bij henr(icke) van heymo(n)niez ind(en) name van zijnd(er)/ huysvr(ouwe) in huwelijk(er) vorw(er)d(en) gegeven was comen(de)/ van seke(re)n goeden te bevekem gelegen oft d(aer)omtrint/ inden walschen lande t(er) so(m)men van vijftich mudde(n) oft/ d(aer)omtrint en(de) dat alsoe afgedaen wordde dbeledt/ dwelc de pechtene(re)n d(aer) af hebben wouden en(de) gehaven/ hadd(en) Sustine(re)nde de selve henr(ic) en(de) gor(ijs) als p(ro)cur(eurs)/ des voirs(creven) pet(er)s want zijn proper goet was onv(er)cocht/ en(de) onv(er)thiert gecomen van sijne(n) prope(re)n goeden ende/ rinte(n) dat hij ende zij inden name van hem d(aer)af/ souden bliven ombelast doende eedt en(de) cleerniss(en)/ op dats behoeft Es bijden selven wethoude(re)n nae/ dien zij den voirs(creven) br(ieve) int langhe hebben gevisiteert/ geseet en(de) t(er) antw(er)d(en) gegeven en(de) opde mater(ie) gelet/ hebben(de) dat soe v(er)re zij inden name als vo(r)e/ genoech dede(n) ind(er) maten zij als vo(r)e gep(rese)nteert hadd(en)/ alle fraude ende argelist uuytgesceyden ende dat/ ond(er) tschijn van dien egheen ande(r) greyn uuytgevuert/ en wordde noch en was in tijd(en) voirleden sonder/ ongelt te bet(alen) dat dan in dien gevalle tvoirs(creven)/ goet ongelast zijnen voirtganck sal/ hebben in (con)silio opidi februarii penulti(m)a