It(em) brueder jan collart als procur(eur) des godshuys/ van shertoge(n)dale inden name ende van wege(n) desselfs/ godshuys t(er) eenre ende wille(m) nijs al(ia)s van stake(n)borch/ t(er) ande(re) sijn comen voe(r) scepen(en) van loeven(e) h(ier) nae/ bescreve(n) kynnen(de) ende lijden(de) dat zij deen tege(n) dande(r)/ gemangelt hebben van alsulke(n) twee halve/ boende(re)n lants alse gelegen zijn onder mille Te/ wetene deen half boend(er) d(aer)aff in twee stucke(n) gelege(n)/ den voirs(creven) godshuyse toebehoe(re)nde deen d(aer)af houden(de)/ tderdel van eene(n) boende(r) gelege(n) opt stockoitvelt/ tussche(n) de goede ja(n)s de witte leermake(r) nu des voirs(creven)/ willems nijs t(er) eenre ende dbosch geheeten/ stocquoit bosch t(er) ande(re) ende dande(r) stuxke(n) houden(de)/(½) derdel es gelege(n) opt velt va(n) mille neve(n) den/ wech gaende vand(er) capelle(n) te(r) bierbeke w(er)t t(er)/ eenre ende de goede wijle(n) des voirs(creven) jans de/ witleermake(re) nu des voirs(creven) wille(m)s nijs t(er) ande(re)/ dwelc bijde(n) voirs(creven) willem(me) gebruyct en(de) gehant/ plicht zal wordde(n) tot zijne(n) p(ro)fijte geheelic van/ nu voirtane den t(er)mijn van twintich ja(r)en naestc(omende)/ / deen nae dand(er) zond(er) middel v(er)volgen(de) Ende/ dat t(er) ande(r) zijden tvoirs(creven) godshuys van nu voirtane/ oec dairtegen hebbe(n) aenveerde(n) hantplichte(n) en(de) geheelic/ gebruycke(n) zal tot des voirs(creven) godshuys profijte/ een half boend(er) lants den voirs(creven) willem(me) nijs toebehoe(re)nde/ gelege(n) opt velt geheete(n) van haesb(er)ge neve(n) de(n) wech/ van loeven(e) t(er) eenre de goede des heilichs gheests/ van loeven(e) t(er) ande(re) ende de goede des voirs(creven) godsh(uys)/ t(er) derd(er) zijd(en) insgelijx den t(er)mijn van twintich/ ja(r)en naestc(omende) Met sulke (con)dicien dat de voirs(creven)/ p(ar)tien t(er) eend(er) en(de) t(er) ande(r) zijden de voirs(creven) goede/ den voirs(creven) t(er)mijn due(re)nde sculdich zulle(n) zijn/ wel ende loffelic te wynne(n) ende te werven/ gelijc regenoete(n) bove(n) ende benede(n) ende die/ laten tot hue(re)n afsceyden(en) bloot gelijc zij die/ nu aenveert hebben behalve(n) dat thalf boend(er)/ dat de voirs(creven) wille(m) nu aenveert bliven zal/ eens o(m)megedaen It(em) de voirs(creven) brueder jan collart/ heeft den voirs(creven) willem(me) nijs gedaen drie sacke(n)/ even(en) te vi halst(ere)n den sack de welke de voirs(creven)/ wille(m) oft zijn nacomeli(n)ge(n) zijns gebreken(de)/ den selve(n) godshuse sculdich zulle(n) zijn te restitue(re)n/ soe wa(n)neer de selve wille(m) sijn nacomeli(n)gen/ oft yemant anders den selve(n) godshuyse/ tvoirs(creven) half boend(er) lants soude(n) wille(n) neme(n)/ ende te henwerts trecken Ende alle dese/ vorweerden hebben geloeft de voirs(creven) p(ar)tien/ hinc inde malcande(re)n vast en(de) gestentich/ te houden ende te voldoene prout/ cor(am) hermeys buetsele maii xiii[a]