Want jor(is) lobbe als actie hebben(de) vanden beleyde/ dwelc amelrijc pynnoc voirmaels nae des(er) stadt/ recht uuyt crachte van scepen(en) br(ieven) van loeven(e)/ voe(r) zijn wettich gebreck van dien gedaen heeft/ tot allen den goeden beyde have en(de) erve h(er)mans/ wijlen vand(en) ramen geheeten wynckens h(er)mans/ zijns zoens alarts wijle(n) van beylair jans wijle(n)/ scoene(n)s henr(ix) wijle(n) van elssenen wout(er)s wijle(n)/ heyma(n)s pet(er)s wijle(n) van hoelst jasp(er)s wijle(en) vand(en)/ ramen geh(eeten) wynckens en(de) bertel(meeus) vand(en) putte/ soe wair die gelegen zijn hem met br(ieven) van/ des(er) stadt gescreven aenden meye(r) van merhout/ oft zijne(n) stadthoude(r) alle de selve goede behoirlijc/ heeft doen leve(re)n ende den voirs(creven) bertel(meeuse) vand(en)/ putte ende derfgename(n) vand(en) ande(re)n p(er)sonen/ voirs(creven) dach van rechte te comp(ar)e(re)n alh(ier) inde banc/ voir meye(r) ende scepen(en) van loeven(e) doen besceyden/ oft zij hen d(aer) tegen hadden willen oppone(re)n/ Ald(aer) zij op heden als ten geco(n)tinueerd(en) daige van/ rechte d(aer)toe dienen(de) niet gecomp(ar)eert en zijn noch/ niema(n)t van hue(re)n wegen den voirs(creven) jor(ise) comp(ar)e(re)nde/ en(de) trecht voirts v(er)sueken(de) soe v(er)re dat de scepen(en)/ van loeven(e) t(er) maniss(en) smeyers nae dat hen behoirl(ijc)/ gebleken heeft bij rapporte jans driedoens/ des(er) stadt bode tvoirs(creven) exployt gesciet te zijne/ gewesen hebben met vo(n)nisse Wair de wed(er)p(ar)tie/ vand(en) voirs(creven) geleydd(en) niet en comp(ar)eert voe(r) den/ opstaen(en) smeyers ende der scepen(en) datmen den/ selven houde soude inde macht van sijne(n) beleide/ scepen(en) brieven en(de) leveri(n)gen alsoe v(er)re alst noch/ voir scepen(en) comen is in scampno augusti xi