Vander questien gecome(n) bijd(en) raide vand(er) stadt tussche(n)/ pete(re)n de becke(re) scrij(n)make(r) t(er) eenre en(de) henr(icke) huegelincx/ en(de) pauwele(n) vand(en) riele t(er) ande(r) zijden seggen(de) de/ selve pet(er) hoe dat hij aen hen v(er)dingt hadde te/ sagen(e) vi balcke(n) iii[c] bruggen en(de) alsoe vele scaelgeberts/ scutsel en(de) spreysele als de selve pet(er) behoeven soude/ moegen int volmaken van alsulke(n) huyse als hij aengenome(n)/ hadde te maken(e) en(de) te stellen(e) tot bergen opten zoom/ en(de) dat zij dat alsoe ae(n)genomen hadden te sagen(e) sonder/ dat yema(n)t anders d(aer)aen soude moegen sagen also wel/ dlicht werck alst swae(r) ende dat deselve saghers/ dat alsoe v(er)dingt hadden en(de) toegeseet te doene sond(er)/ uuten werke te gane ten wae(re) eene(n) halve(n) dach oft/ eenen dach om hen calanten te gerieven(e) elc hondert/ deen doer dander van bruggen balcken en(de) scaelgebert/ om vijff st(uvers) i oirt p(rese)nte(re)nde tselve te thoenen(e) opd(at)/ dat bij sijnd(er) [wed(er)]p(ar)tien ontkint w(er)de D(aer)tegen de selve/ henr(ic) en(de) pauwel seyden datmen dat alsoe niet/ bevi(n)den en soude p(rese)nte(re)nde d(aer)af hue(re)n eedt dat/ zij hem niet and(er)s toegeseedt en hadden oft met hem/ ov(er)comen en wae(re)n dan den selven pete(re)n te gerieven(e)/ Ende al mocht pet(er) hem in desen met e(n)nighen/ getuygen willen behulpen te weten(e) met henr(icke) sijne(n)/ brued(er) en(de) henr(icke) sone pet(er)s neve en(de) hue(re)n cnape/ soe seyden zij dat zij hoepten dat tselve nae/ recht alsoe niet en behoirde te gescieden(e) hen/ des gedragen(de) totten rechte want zijn brued(er) was/ / ende zijn neve ende huer cnape d(aer)op geappointeert/ wert bijden selven raide opde voirs(creven) calangie Nae dien/ pet(er) tot zijne(n) thoene te voe(re)n gewesen was soe v(er)re/ de gedaighde getuygen cleerden bij eede [dat] sij wy(n)ners noch/ verliesers en wae(re)n in des(er) saken nu oft in toecomen(de)/ tijde dat zij souden moegen dragen niet wed(er)staen(de) der/ calangien dwelc de selve getuygen en(de) elc van hen/ alsoe op hue(re)n eedt genomen hebben Ende is alsoe/ den selven thoen aenhoirt bij den raide dien de voirs(creven)/ pet(er) meestdeel ind(er) pointen voirs(creven) volquam ende/ d(aer) nae geappointeert en(de) uuytgesproken den selven p(ar)tien/ op huer geschil voirs(creven) op al int lange gelev(er)t zijnde/ dat de voirs(creven) henr(ic) ende pauwel alsoe v(er)re alst ae(n)gaet/ den balken ende bruggen genoech gedaen hebben behalve(n)/ vanden scaeldeberde spreysele en(de) scutssele dat zij he(n)/ des alsoe vele sculdich sullen sijn te sagen(e) als totten/ huyse voirs(creven) gaen sal ende dat op vijf stuv(er)s een oirt/ thond(er)t deen doir dande(r) en(de) dat zij uuyte(n) selven/ werke mair ond(er)halven dach en sullen moegen gaen/ om hue(r) calanten te gerieven(e) act(um) in (con)s(ili)[o] opidi/ cor(am) blanck(art) sub(situ)[to] rosme(re) burg(imagis)[tr(o)] et aliis de (con)s(ili)[o]/ nove(m)br(is) xvii