Item meest(er) frans vand(er) hulst renu(n)c(ians) en(de) jouffr(ouwe)/ a(n)ne lombarts zijn huysvr(ouw) hebben geloeft ind(ivisim) he(re)n/ gielijse van cortbeke geheeten de mu(n)te(re) prieste(r) te/ lossen ende af te quijte(n) alsulken vier rinsgulden(en) erffel(ijc)/ vallen(de) jairlijcx vi[te(n)] maii als de selve meest(er) frans/ opten vii[te(n)] dach van meye a(n)no xcv bekint heeft/ sculdich te zijne der kercken van sint jacops met scepen(en)/ brieve(n) van loeven(e) d(aer) af gemaict sijnde d(aer) af de voirs(creven)/ h(er)gielis dactie heeft oic met scepen(en) br(ieven) van loeven(e) d(aer)op/ gemaict zijnde ende dit tussche(n) [dit en(de)] den yersten dach van/ mey naistc(omende) oft ombegrepen bynnen vi weken d(aer)nae/ mett(er) so(m)men van lxvi rinsgulden(en) te xx st(uvers) tstuc mu(n)ten/ nu gemeynlijc cours hebben(de) d(aer)inne oic begrepen is/ den pacht die opten vii[te(n)] dach may naistc(omende) d(aer)af v(er)schijne(n)/ sal tamq(uam) ass(ecu)[tu(m)] Consente(re)nde ende willecoren(de) de/ voirs(creven) gehuyssche(n) dat de voirs(creven) h(er) giel(is) sijn scepen(en) br(ieven)/ vand(en) erfrinten voirs(creven) ende oic dbeleyt d(aer) uuyt gespruyt/ in hue(re)r cracht en(de) macht behoud(en) sal totter tijt toe de/ selve afquiti(n)ge alsoe gesciet sal zijn ende oft inde selve/ afquitinge gebreck viele soe hebben geconsenteert/ en(de) gewillecoirt de voirs(creven) gehuysschen den selve(n) he(re)n/ giel(ise) dat hij hem sal moegen behulpen met rechte/ metten voirs(creven) beleyde voe(r) de voirs(creven) rinte gedaen/ om der selver gehuyssche(n) goede dair mede te pramen/ en(de) texecute(re)n voe(r) de voirs(creven) afquitinge en(de) bet(alinge) der voirs(creven)/ so(m)men al oft tselve beleydt voe(r) de selve so(m)me/ geschiet ende gedaen wae(r) En(de) de selve so(m)me voirs(creven)/ alsoe voldaen ende betaelt zijnde metgaders oic alsulk(en)/ costen als de voirs(creven) h(er) gielijs om tott(er) voirs(creven) bet(alinge) te comen/ oft d(aer)inne gebreck viele soude moegen doen sal de/ selve h(er)giel(is) den voirs(creven) gehuyssche(n) zijn voirs(creven) scepen(en) br(ieven)/ vand(en) voirs(creven) erfrinten metten beleyde d(aer) uuyt gespruyt/ he(m) als gelost en(de) afgequete(n) ov(er)leve(re)n cor(am) buets(ele) bouch(out) ja(nua)[rii] v[ta]