Nae dien op heden wed(er)om comen zijn bijd(en) raide vand(er)/ stadt als tot eene(n) geco(n)tinueerd(en) daige jan meys ende/ jan van gheele ingeseten(e) en(de) als gemechtichde des/ dorps van caggevynne gheven(de) te kynne(n) hoe dat op/ hede(n) dienen(de) was tusschen hen en(de) die van halen den/ dach van rechte o(m)me tantw(er)den(e) op alsulken o(n)gebruyck/ en(de) ae(n)sprake als zij gedaen hadde(n) opde selve van hale(n)/ opten seve(n)sten dach [dese(n) br(ieve)] lestleden ald(aer) doe(n)tertijt de selve/ van halen namen dach van acht dagen den welke(n)/ ten selve(n) dage wed(er)om bij p(ar)tijen in wed(er)sijden gec(on)t(inueert)/ en(de) uuytgestelt werdt tot des vrijdaigs nae derthien/ messe d(aer)naistvolgen(de) te weten(e) op heden v(er)sueken(de)/ alsoe dat de voirs(creven) van halen d(aer)op nairde(r) antwerden/ souden oft in dien v(er)steken zijn soe v(er)re tselve niet/ gebuerde Aldair de selve van halen te weten(e) anth(onis)/ vasdraet en(de) willem pet(er)s beide als borg(er)meest(er)s der/ selver stadt van halen comp(ar)e(re)nde seyden hoe wel de/ voirs(creven) vasdraet als borg(er)meest(er) de voirdagen ende/ t(er)mijne(n) in desen mocht genomen en(de) ae(n)vert hebben om/ te antw(er)den(e) soe hadde hij hem gequete(n) in zijn rapport/ te doene aende selve van halen ende den raide ald(aer)/ die de gelegenth(eit) van dien genoech v(er)staen hadden/ des in desen tot nochtoe gebuert mocht wesen/ mair en hadden hen gheen(en) voirde(re)n last gegeven/ mair wae(re)n alh(ier) comen om ande(r) saken alsoe zij beyde/ seyden ende en wouden hen alsoe gheenss(ins) hoewel/ den dach diene(n) mochte der saken onder wynden/ noch toeseggen tot eene(n) seke(re)n ande(re)n gelegen(en)/ daige diemen hen voirleet bij (con)sente vand(er)/ p(ar)tien alh(ier) te comp(ar)e(re)n om tantwerden(e) de voirs(creven) van/ caggevynne altijt v(er)sueken(de) als voe(r) voirt trecht/ Seyden oic de selve van halen dat die van cagge/ vynne hen hadden doen hachten alh(ier) ind(er) stadt d(aer)aff/ zij hen verwonderden te voirde(r) want zij comp(ar)eerden/ geven(de) te kynnen(e) hue(r) lasten ende dat zij ande(r) affe(re)n/ hadden te doene in meyni(n)gen te gaen rijden dwelck/ hen beledt w(er)t D(aer)op de voirs(creven) van caggevynne/ seyden dat zij dat gedaen hadden om deswille/ / dat de voirs(creven) borg(er)meest(er)s i(n) meyni(n)gen wae(re)n gaen op/ te sitten(e) ende ewech te rijden op sonder op heden tegen/ hen te willen comp(ar)e(re)n oft rechts te plegen navolgen(de)/ den voir daigen in dien bijden selve(n) van halen/ genome(n) niet te myn want zij nu ald(aer) wae(re)n en(de)/ co(m)p(ar)eerden wae(re)n zij te vreden de voirs(creven) hachtinge af/ te doene behalven he(n) hue(r) hactie vanden selven/ costen ten ynde vand(er) saken V(er)sueken(de) alsoe alnoch/ de selve van caggevynne dat de voirs(creven) van halen/ antw(er)den oft dat hen bij t(er)mi(n)atien vand(en) he(re)n soe v(er)re/ zij des niet en daden te voirde(r) oic want zij den/ eene(n) dach voe(r) den ande(re)n nae ende nu den derden/ gehadt hadden dongebruyck afgedaen soude wordden/ de voirs(creven) van halen bliven(de) bij hue(r) voirnemen(en)/ als voe(r) sond(er) dat meer breede(r) oft voirde(r) toe te wille(n)/ seggen Es get(er)mineert en(de) uuytgesproken voir recht/ op al int lange gelet zijnde bijden selven raide/ soe v(er)re de voirs(creven) van halen ten opstaen(en) vanden he(re)n/ niet voirde(r) en antw(er)den op daensprake der selver/ van caggevynne bij hen tande(re)n tijden als voe(r) gedaen/ ende genoech en wae(re)n den daghe bij hen in dien genome(n)/ dat als deffalute tegen hen geven(de) de selve van halen/ sculdich souden sijn dongebruyck d(aer) questie af is af te/ doene behalven den selve(n) van halen hue(r) actie in/ petitoir ende in possessoir der selver saken soe dat/ behoe(re)n sal Act(um) in (con)s(ili)[o] opidi p(rese)ntib(us) lyefke(n)rode rosme(re)/ burg(imagis)[tr(is)] pynnoc h(er)meys borch(oven) tymple crol scab(inis) zedele(re)/ bierbeke et plu(r)ib(us) aliis de (con)s(ili)[o] januarii xii