Nae dien op heden bijden raide vand(er) stadt comen/ zijn willem van ravescote en(de) laureys de kersmake(re)/ als gesworen(en) met e(n)nigen ande(re)n vand(en) cremers/ ambachte te kynnen geven(de) hoe dat een voruwe/ p(er)soen geheeten [vacat] op in maendaighe/ lestleden met seke(re)n olyen van olive(n) hier inder/ stadt comen was om die te pe(n)new(er)den en(de) hadde/ gepijnt die te v(er)coepen met cleyne(n) pe(n)new(er)den/ van potte(n) half potten mynde(r) en(de) meerde(r) mate(n)/ sond(er) die yerst behoirlijc nae des ambachts recht/ gevise(n)teert te sijne oft gewete(n) oft coopma(n)s goet/ wae(r) oft nyet ende sonder d(aer) af te betalen alsulke(n)/ assijse en(de) ongelt als die vand(en) ambachte selve/ moeste(n) geven d(aer) inne niet alleen(e) den ingeseten(en)/ vand(er) stadt int gemeyne mair oic den selve(n) va(n)d(en)/ / ambachte te sware(n) laste staende van pontass(ijsen) halgelde/(con)t(ri)butien maelgelde ass(ijsen) en(de) ande(re)n sett(ing)en gebuerde/ groot acht(er)deel hinder ende schade des alsoe zij/ meynden nae begrijp van hue(re)r rollen en(de) nae des/ ambachts rechts alsoe niet en behoirde versueken(de)/ d(aer) op p(ro)visie en(de) in hue(re)n rechten ende rollen gehoud(en)/ te wordden Te voirde(r) want in maendaige lestled(en)/ alse zij d(aer)om clachtich qua(m)me(n) hen geclairt w(er)t/ d(aer)o(m)me te comen op heden bijd(en) raide alh(ier) ende/ met hen te bringen de selve hue(r) rolle en(de) alle/ besceyt d(aer) toe dienen(de) d(aer) alsdoen voe(r) een expedie(n)t/ geconsenteert w(er)t dat met gheend(er) mynde(r) maten te/ dien dien male te moegen uten(en) dan met eene(n) waelpotte/ ende om d(aer) inne naird(er) te spreken dat zij gelijc voe(r)/ brachten ten naisten daige van rechte op heden hue(r)/ voirs(creven) rolle die welke gebracht en(de) gevisiteert zijnde/ hen geconsent(er)t en(de) uuytgesproken wert in absen(cie)/ van p(ar)tien niet (com)pa(re)ren nae dien dat zij ten maend(aige)/ voirs(creven) p(re)cise van gheenen eyssche van ass(ijsen) oft ongelde/ en hadd(en) hoe(re)n vermanen dat de selve wethoude(re)n/ gheenss(ins) en woud(en) den selven ambachte yet afnemen/ van hue(re)n rechten van hue(re)n rollen mair allessins/ hen d(aer) inne houden lasten(de) ende (con)sente(re)nde alsoe den/ selven dat zij die ond(er)hielden ende de (contra)rie van dien/ t(er) executie(n) stelden doen(de) bedwingen de (contra)rie doenders/ in desen en(de) ande(re)n gelijcken attempte(re)nde totter/ betalingen van alsulken ongelde als de ingeseten(en) d(aer)af/ geven mosten Act(um) in (con)s(ili)[o] opidi p(rese)ntib(us) lyefke(n)rode/ burg(imagistr)[o] pynnock bouchout scabinis et plu(r)ib(us) aliis de (con)s(ili)[o]/ m(ar)tii viii