Item de voirs(creven) m(er)ten laps heeft geloeft den/ voirs(creven) gheerde zijne(n) brued(er) in alsoe v(er)re hij den selve(n)/ g(heer)de niet en lost vand(en) voirs(creven) borchtocht bynnen den/ voirs(creven) drie jae(re)n naistcomen(de) dat hij in dien gevalle
//
den selven g(heer)de alsdan ov(er)goeden en(de) ov(er)laten sal/ den coep die de voirs(creven) m(er)ten gedaen heeft tegen/ m(ijn) vrouwe(n) van vrouwe(n) p(er)cke metten pe(n)ni(n)gen vand(en)/ voirs(creven) finan(cien) van drie zillen lants gelegen opde/ scoerstrate inde prochie van ned(er)lynthe(r) en(de) (½) boend(er)/ beempts int vlietbroeck te ned(er)linthe(r) en(de) (½) boend(er)/ lants gelegen opde catme(re) It(em) noch ii(½) zillen [lants] gelege(n)/ op diericx tollers wouwers ende dat de selve gheert/ die goede alsoe ov(er)hebben(de) sculdich sal zijn de voirs(creven)/ drie rins gulden(en) lijftochten tot zijne(n) laste te nemen(e)/ en(de) m(er)ten(e) d(air)af tontheffen(e) cor(am) eisd(em)