Vander aenspraken die willem van assche als lieuten(ant)/ m(ijns) hee(re)n smeyers van loven(e) in sijnd(er) absen(tien) vand(er)/ h(eer)lijch(eit) wegen gedaen heeft op ende tegen vrancken/ loenkens vleeshoude(r) gevangen(e) seggen(de) en(de) opdoen(de)/ deselve lieuten(ant) hoe dat deselve vranck een es/ vand(en) meesten hamelsleg(er)s int vleeshuys hebben(de)/ groote cudden van scapen ende soe wa(n)neer hij/ gemenichlijck e(n)nige scapen slaen soude dat hij/ alsdan uute(n) selve(n) cudden de ghene die hij/ slaen wilt uutsceyt oft doet uutsceyde(n) ende/ dat also onlanx leden sijn cnapen de scapen/ alsoe uutgesceyde(n) sijnde hem gecu(n)dicht hebbe(n)/ dat deen vand(en) scapen die tsijne(n)t bij he(m) uut/ geset wa(r)en om te slaene sijn niet en was/ mair hoerde toe pauwelse meerman dieme(n)/ heet baen ende dat tselve dwelc hem alsoe/ niet toe en behorde aenhadde een belle en(de)/ was getekent met eene(n) ande(re)n teeken(en) dan/ desselfs vranx scapen en(de) dat vrancke ja(n)ne/ de noete(re) sijnen cnape qualijck toesprack en(de)/ seyde houdt u bachuys god gheve u sint/ jans cuele en(de) ond(er)wint u uws en(de) doet/ datmen u heet Ende dat vranck tselve/ sca[e]p dae(re)nbove(n) alsoe dede slaen en(de) des/ ande(re)n daigs int vleeshuys dede bringhen
//
ende tselve alsoe v(er)cochte niet tege(n)staen(de) dat/ hem geseet was dat hem niet toe en behorde/ ende hoe dat tselve scaep bij he(m) also geslagen/ toebehorde eene(n) ande(re)n p(er)soen en(de) vleeshoude(r)/ geheeten pauwel meerman al(ia)s baen Seyde/ vorts deselve lieuten(ant) ten tveesten dat de/ vors(creven) vranck tande(re)n tijde(n) als jan scrijne de/ assijse vand(en) vleeshuse hadde den selve(n)/ ja(n)ne heeft v(er)swegen en(de) onthoude(n) de assijse/ van c lx scapen en(de) d(air)omtr(int) en(de) dat die/ selve vrancke t(er) instan(cien) des vors(creven) jans/ scrijne voe(r) tselve mesuys betoge(n) heeft geweest/ voe(r) den rade vand(er) stat en(de) dat hij aldar/ ope(n)barlijck ov(er)tuygt is geweest deselve ass(ijs)[e] en(de)/ tgemeyn goet alsoe ond(er)houden te hebben(e) en(de)/ dat deselve vrancke om des feyts wille/ gecorrigeert soude hebben geweest en(de) dat/ deselve correctie geordineert en(de) gemaict/ was bijd(er) stadt om deswille datmen wa/ rechtelijck bevant dat hij vrancke de/ vors(creven) ass(ijse) en(de) tgemeyn goet alsoe ond(er)houd(en)/ hadde en(de) soude die alsoe gepubliceert/ hebben geweest en hadde gedae(n) dat hij/ e(n)nige van sijne(n) vrinde(n) toegemaict heeft
//
om m(ijn) hee(re) den meye(r) te informe(re)n en(de) sijn compo/ sicie metten selve(n) m(ijn) hee(re) den meye(r) te maken(e)/ ende dat hij vrancke alsoe sijn co(m)posicie gemaict/ hadde metten vors(creven) m(ijn) hee(re) den meye(r) Seide/ ten derden de vors(creven) lieuten(ant) dat de vors(creven) vranck/ stont t(er) quad(er) namen en(de) famen en(de) ov(er) jair/ ende dach gestaen hadde en(de) dat gemeyn/ name en(de) fame was dat de vors(creven) vrancke/ de vors(creven) ass(ijse) en(de) gemeyn goet ind(er) maten/ vors(creven) hadde onthouden woude vranck dese/ pointen kinne(n) soe kinde hij de wairheyt en(de)/ oft hij die ontkenne(n) woude soe p(rese)nteerde de/ selve lieuten(ant) die inde(n) name vand(er) h(eer)lijcheyt/ te thoen(en) en(de) altijt mette(n) mi(n)sten d(air)mede hij/ soude mogen gestaen inden rechte seggen(de)/ ende co(n)clude(re)nde dat de vors(creven) pointe(n) bijde(n)/ selve(n) vrancken bekint oft bij hem gethoent hij/ den selve(n) vrancken hebben soude tott(er) scerper/ examinatie(n) om de warh(eit) van die(n) te weten(e)/ Dair tegen de vors(creven) vranck he(m) v(er)antw(er)den(de)/ dede seggen en(de) ierst op dierste dat hij/ hem vand(er) ae(n)sprake(n) [des] vors(creven) meyers niet genoich/ en conste v(er)wonde(re)n bekennen(de) wel dat hij/ een vleeshoude(r) was hem generen(de) en(de) o(m)me
//
gaen(de) met v(er)cope en(de) hanteri(n)gen van scapen mair/ ontkinde dat hij e(n)nige ande(re) scapen in tijde(n)/ vorleden geslagen soude hebben oft doen slae(n)/ en(de) v(er)cope(n) and(er)s dan de zijne en(de) oick and(er)ss(ins)/ des [de] vors(creven) lieuten(ant) hem die(n) ae(n)gaen(de) op leyt/ seggen(de) dat hem des van ghene(n) noode en/ wa(r)e want hij selve al soe vele scape(n) uutgaen(de)/ hadde als iemant int vleeshuys dede En(de)/ op ii[te] point d(er) vors(creven) ae(n)spraken dede de/ selve vrancke seggen dat hij genoech ge/ loefde dat h(ier) vormails q(ue)stie hadde geweest/ tussche(n) ja(n)ne scrijne en(de) hem bijde(n) raide vand(er)/ stat en(de) dat hij d(air)aff civile compositie gemaict/ hadde met m(ijn) hee(re) de(n) meye(r) d(air) hijs hem toe/ gedroech mits de(n) welke(n) deselve lieuten(ant) / alh(ier) d(air)aff gheen criem gemaken en conste al/ en wa(r)e oick gheene co(m)positie d(air)af gebuert/ in die(n) dat naed(er) stat recht en(de) ordinan(cien)/ op alsulke(n) en(de) gelijken excessen alsoe hij/ seyt seke(re) civile kue(re)n geordineert en(de) gesta/ titueert sijn d(air) hijs hem oick toe gedroech/ en(de) al mocht oick tselve also bij he(m) gesciet/ sijn dat was tot sijne(n) grooten v(er)liese in/ dien dat hij vele scapen hadde geslagen
//
die niet v(er)coopens wert en wa(r)en en(de) hadde de/ selve moten o(m)me goede geven en(de) som int wat(er)/ worpen en(de) som den armen gegeven en(de) alsoe int/ vleeshuys niet en hadde willen bringen dair/ aff [nochtan] de vors(creven) jan scrijne ass(ijse) eyschte als van ande(re)n/ scapen bij vrancken int vleeshuys v(er)cocht En(de)/ op derde aengaen(de) d(er) quad(er) famen en(de) name(n) bijd(en)/ offic(ie)r op hem bijgeleet seyt deselve datme(n)/ die niet alsoe bevi(n)den en soude p(rese)nte(re)nde/ t(er) co(n)trarie(n) te thoen(en) sijn goede fame en(de) name/ sustine(re)nde mits die(n) en(de) ande(re)n reden(en) bij he(m)/ geallig(er)t dat de meye(r) met sijnd(er) co(n)clusien op/ he(m) v(er)doelt was Ende nae die(n) de vors(creven) p(ar)tien/ bij vo(n)niss(en) d(er) scepen(en) t(er) maniss(en) desselfs meyers/ in wersijde(n) tot hue(re)n thoene gewesen sijn/ heeft de vors(creven) lieuten(ant) geexhibeert een seke(re)/ int(er)rogator(ien) d(air)aff de tenue(r) h(ier)nae volght/ Int(er)rogator(ien) smeyers van loeven(e) ae(n)legg(er)s/ tegen vrancke(n) loenkens verw(eer)ders/ Ierst beg(er)t de vors(creven) meye(r) gemaent te hebben(e)/ gorde h(er)meys en(de) ja(n)ne van buetsele oft/ hen niet kenlijck en es dat onlanx gelede(n)/ in p(rese)ntien van hen come(n) sijn een geheeten van
//
de noete(re) en(de) gheert de kempene(re) scepe(nen) ende/ hebben ope(n)barlijck gecleert en(de) geseet dat zij/ vrancken loenkens gecu(n)dicht hebben dat deen/ vand(en) scape(n) die tzijne(n)t uutgeset wa(r)en om/ te slaen(e) sijn niet en was mair hoirde toe/ pauwelen meerman dieme(n) [heet] baen It(em) den/ selve(n) oft de vors(creven) p(er)sone(n) niet vort en seyden/ dat tvors(creven) scaep dwelck vrancken niet/ toe en behorde een belle aen hadde en(de)/ was geteekent met eene(n) ande(re)n teeken(e) dan/ desselfs vrancx scapen Ende dat de vors(creven)/ vrancke de(n) selve(n) ja(n)ne de noete(re) qualijken/ toesprack en(de) seyt houdt u bachuys god die/ geve u sint jans cuele en(de) ond(er) wint u uws/ en(de) doet datme(n) u heet en(de) dat vrancke tselve/ tscaep also dede slaen en(de) des ande(re)n daighs/ int vleeshuys bringen en(de) tselve also v(er)cocht/ niet wed(er)staen(de) dat he(m) geseet was dat/ hem niet toe en behorde Item den selven/ oft zij te dier tijt niet en wa(r)en scepen(en) van/ loven(e) als die clarnisse gebuerde It(em) begheert/ vorts gemaent te hebben(e) den vors(creven) ja(n)ne de/ noete(re) gheerde de(n) kempene(re) en(de) ja(n)ne gehete(n)/ mijne(n) hee(re) oft he(n) kenlijck es dat de vors(creven)
//
pointen en(de) ar(ticu)[len] alsoe gesciet te zijne Ende oft/ de vors(creven) vrancke dit scaep mette(n) ande(re)n/ scapen die op die tijt geslage(n) wa(r)en selve/ uutgesedt hadde o(m)me te slaene It(em) om/ selven oft hen niet ke(n)ijck en es dat de/ vors(creven) vrancke dagelijx uutgaen(de) heeft gehat/ seke(re) qua(n)titeyt van scaepen en(de) die hij heeft/ doen hoeden mette(n) selve(n) g(heer)de en(de) dat onder/ die selve scapen een scaep come(n) es met eend(er)/ bellen hebben(de) een and(er) teeken dan vrancx/ scapen toebehoiren(de) pauwelse meerman ge/ heeten baen It(em) den selven oft tvors(creven) scaep/ met des vors(creven) vranx scapen thuys inde/ coye desselfs vranx comen es en(de) dat tselve/ scaep met meer ande(re)n scapen uutgeset es/geweest om te slaen(e) en(de) doe(n) de vors(creven) p(er)soe(ne)/ die tugen dat sage(n) dat dat vrancke(n) niet/ toe en behorde ghinge(n) ae(n) he(m) en(de) seyde(n) het/ tes quaet dat ghij doet want dat scaep/ mett(en) bellen dat uutgesedt es om te slaen(e)/ en hoirt u niet toe het hort paulen meerma(n)/ toe It(em) den selve(n) oft vrancke doe(n) niet en/ antworde met felle(n) worde(n) seggen(de) swijght/ god geve u sint jans cuele en(de) houdt u bachuys
//
en(de) ond(er)wint u uws It(em) den selven oft de vors(creven)/ vrancke tselve scaep niet en heeft doe(n) slaen/ en(de) doede(n) niet wed(er)staen(de) dat tselve scaep hem/ niet toe en behorde Ende des ande(re)n daigs/ heeft doe(n) bringen int vleeshuys en(de) tselve/ scaep alsoe d(air) v(er)cocht metten zijne(n) recht/ oft zijne geweest hadde It(em) men sal mane(n)/ ja(n)ne scrijne jacoppe van muysen(en) oft hen/ niet ke(n)lijck en es dat de vors(creven) vrancke ta(n)de(re)n/ tijden als jan scrijne vors(creven) de ass(ijse) vanden/ vleeshuse hadde den selve(n) ja(n)ne heeft/ verswegen en(de) onthouden de ass(ijse) vand(en) elx/ scapen oft d(air)omtr(int) Item den selve(n) en(de) gorde/ h(er)meys ja(n)ne van buetsele ja(n)ne blanckart/ henr(icke) vand(en) borch anth(onijs) zedele(re) oft hen niet/ kenlijck en es dat de vors(creven) vrancke betoge(n)/ es geweest voe(r) tselve mesuws voe(r) de(n) rade/ vand(er) stat t(er) instan(cien) jans scrijne vors(creven) en(de)/ dat hij d(air) ope(n)barlijck ov(er)tuyght geweest/ es deselve assijse en(de) tgemeyn goet alsoe/ onthouden te hebben(e) Item den selven/ oft hen niet kenlijck en es dat de vors(creven)/ vrancke vand(en) selve(n) feyte gecorrig(eer)t geweest/ souden hebben en hadde gedaen dat hij
//
e(n)nighe van sijnen vrinde(n) toegemaict heeft/ om m(ijn) hee(re) den meye(r) te informe(re)n ende/ sijn co(m)positie met hem te maken(e) vanden/ selven feyte Item den selven oft he(n) niet/ kenlijck en es dat de correctie geordineert/ en(de) gemaict was bijd(er) stat die hij gehadt/ soude hebben om deswille datme(n) warach/ tichlijck bevont dat hij de vors(creven) assijse en(de)/ gemeyn goet alsoe onthouden hadde It(em)/ men sal mane(n) ada(m)me van cav(er)chon oft/ hij ten [v(er)sueke des] vors(creven) vrancx bij m(ijn) hee(re) den meye(r)/ gegaen es en(de) heeft mette(n) selve(n) hee(re) soe v(er)re/ gesproken als dat hij den selve(n) vrancken/ heeft late(n) co(m)pone(re)n voe(r) een so(m)me va(n) pe(n)ni(n)g(en)/ soe zij des eens wordden It(em) men sal mane(n)/ den vors(creven) p(er)sone(n) arnde van hove pete(re)n/ boen pete(re)n de naen romboude willemair/ augustijne van muysen(en) ja(n)ne vand(er) hoeven/ m(er)ten(e) de mol ja(n)ne vlaslair pete(re)n van voshe(m)/ reyne(re)n bereyns willem(me) tock woute(re)n sangwijns/ ja(n)ne de mol m(ar)ke de man gielijse vand(er)/ hoeve(n) en(de) g(heer)de vand(en) meertshove(n) oft zij de(n)/ vors(creven) vrancken niet en houden staen(de) tot quad(er)/ namen ende famen van dienerien
//
Ende de vors(creven) int(er)rogator(ien) alsoe gelesen sijnde/ ende gehort bijde(n) vors(creven) vrancke(n) heeft deselve/ vrancke inde(n) iersten gedebatteert en(de) wed(er)leet/ de vors(creven) drie ierste pointen seggen(de) dat die/ niet en behord(en) gehort te sijne oft geadmitteert/ want dat niet en was dan informatie/ p(re)cedente die bijden meye(r) genome(n) was in/ absen(tien) van p(ar)tie(n) en(de) hem niet geroepen sijnde/ dwelc oick alh(ier) niet geuseert en is geweest noch/ nae recht ond(er)houde(n) want p(ar)tien besu(n)d(er)t/ dieme(n) criminelijc belasten wilt behoe(re)n de/ getuge(n) te sien swee(re)n he(m) des gedragen(de) tott(en)/ rechte en(de) ond(er)houden van dien sustine(re)nde dat/ deselve lieuten(ant) mits dien d(air)mede v(er)doelt wa(r)e/ en(de) al wairt [al] alsoe dat die p(er)sone(n) also gehoert/ souden mogen w(er)den des hij hoepte neen soe/ sustineerde alnoch deselve vrancke dat mits/ dien dat de p(er)sonen inde selve drie ar(ticu)[len]/ genoempt te weten(e) gort h(er)meys jan van/ buetsele en(de) oic mede arnt van hove staen(de)/ int leste ar(tic)[le] vand(en) vors(creven) ov(er)geg(even) int(er)rogator(ien)/ niet sculd(ich) en wa(r)en nae recht te deponeren(e)/ want zij inde(n) ban wa(r)en dwelck hij p(rese)nteerde/ te thoen(en) seyt vorts meer de vors(creven) vrancke
//
aengaen(de) den p(er)soen van arnde van hove inder/ vors(creven) int(er)rogator(ien) geruert dat al wa(r)e hij bute(n)/ banne hij nocht(ans) in des(en) niet sculdich en soud(e)/ sijn te dragen(e) mits div(er)sen reden(en) deene want/ hij tande(re)n tijde(n) bijd(er) stadt mits seke(re)n excessen/ bij he(m) begaen ope(n)barlijck gecorrig(eer)t en(de) uutgerope(n)/ hadde geweest hem des gedragen(de) totten uuyt/ roepe in die(n) ten ande(re)n dat de vors(creven) arnt/ pri(n)cipael ocsuyn en(de) de ghene was d(air)uut/ dese fame en(de) de(n) ae(n)tast van he(m) vrancke(n)/ gebuert was want arnt vors(creven) in een wijn/ huys hadde gesete(n) d(air) vorst(er)s en(de) dieneers bij/ wa(r)en dair hij arnt geseet en(de) vortbracht/ hadde tgene des bijde(n) offic(ie)r vors(creven) hem/ op geleet was p(rese)nte(re)nde dat te thoenen(e)/ mette(n) vorste(r) die den iersten ae(n)tast gedae(n)/ hadde sustineerde vorts dat de vors(creven)/ meye(r) mette(n) selve(n) arnde van hove pete(re)n/ bone pete(re)n de naen en(de) alle ande(re) vleeshoud(er)s/ ind(er) int(er)rogator(ien) genoempt he(m) niet sculd(ich)/ en soud(en) sijn te behulpen(e) want zij som/ als geswoiren(en) en(de) dande(r) met he(m) inden/ name vande(n) gemeyne(n) ambachte gecome(n) wa(r)en/ tegen he(m) in rechte bijd(en) rade vand(er) stat
//
om hem vand(en) ambachte te p(ri)ve(r)en mits dat/ hij co(m)positie metten offic(ie)r van des(er) stat va(n)d(en)/ vors(creven) v(er)swegend(er) ass(ijsen) gemaict hadde en(de) dat/ die selve materie alnoch hangen(de) was onge/ decideert inde(n) rade m(ijns) genad(ichs) hee(re)n in brab(ant)/ mits den welken zij m(er)kelijck sijn p(ar)tie/ wa(r)en [en(de) niet sculd(ich) en wa(r)en ov(er) hem] ov(er) hem te dragen(e) dat hem oick de/ meye(r) insgelijcx niet sculd(ich) en wa(r)e te behulpe(n)/ vand(en) stucke vande(n) v(er)swegend(er) ass(ijsen) noch oic/ vand(en) famen van dien gemerct dat hij als/ voe(r) co(m)positie gemaict hadde en(de) dat hij d(air)/ aff oick hadde volcomen quitan(cien) van m(ijns) hee(re)/ den meye(r) die he(m) d(air)aff gelooft hadde tontheffen(e)/ tegen eene(n)yegelijcken als dat hij d(air)aff bijd(er) stat/ niet en soude uutgeroepen worden hem des/ gedragen(de) tott(er) selv(er) co(m)positie(n) en(de) quitan(cien) ende/ ae(n)gaen(de) ja(n)ne de noete(re) inde selve int(er)rogat(ien)/ geruert sustineerde hij vrancke dat hij d(air)/ aff niet sculd(ich) en soude sijn te dragen(e) mits/ die(n) dat deselve jan de noete(re) om des(er) materie(n) wille ae(n)getast en(de) geva(n)gen hadde geweest/ en(de) alsoe bedwonge(n) in des(er) saken te tuygen(e)/ inde vors(creven) informatie p(re)cedent ende dat
//
oick de vors(creven) jan zed(er) der vors(creven) informatie/ p(re)cedent dit gedinge hangen(de) geclaight en(de)/ geseet hadde dat hij soude mote(n) dragen/ tgene d(air)aff hij niet en wiste want zijn/ meest(er) vand(en) scape d(air) q(ue)stie aff es niet en/ wiste te spreken(e) Ende debatteerde oick/ deselve vranck adam va(n) cav(er)chon ind(er) selv(er)/ int(er)rogator(ien) genoemt mits die(n) dat hij adam/ gelijck de vors(creven) vleeshoud(er)s mede he(n) als p(ar)tie/ gedrag(en) soude hebbe(n) tegen hem ind(er) saken/ hangen(de) als voe(r) alnoch ombeslicht inden/ raide van brabant Desgelijx ja(n)ne scrijns/ en(de) sijne(n) clerck want die tege(n) hem p(ar)tie/ hadden geweest inde(n) raide vand(er) stat/ vand(er) v(er)stekend(er) ass(ij)[se] dair tegen de/ vors(creven) meye(r) seyde ierst opde debatacie/ vand(en) informatie(n) p(re)cedent dat hij die(n)/ ae(n)tast vand(en) getugen hadde gedaen en(de)/ oick de informatie p(re)cedent genome(n) om/ hem in die(n) te besorgen(e) om dat deselve/ getugen die cnapen wa(r)en des vors(creven) vranx/ he(m) niet afhendich en souden maken alsoe/ deen gedaen hadd(en) dien hij oick niet
//
gecrijgen en conste wes diligen(cie) hij d(air) o(m)me/ tot div(er)sen plaetsen gedaen hadde mits/ den welken he(m) van noode was tselve/ alsoe te doen(e) ende op den ban vand(en) drie/ p(er)sonen vors(creven) seyde de vors(creven) meye(r) datme(n)/ dit niet bevi(n)den en soude dat zij alhier/ ond(er) dese bisdo(m)me te ba(n)ne gedaen wa(r)en/ Oick brachte deselve meye(r) ten naisten/ genechte een absolutie uuten hove van/ cam(e)rijck die d(aer) wet gebleken es d(air)mede/ den selve drie p(er)sone(n) in des(er) sake(n) georloft/ was te mogen tuygen en(de) d(air)toe geabsolveert/ vand(en) censue(re)n dair [zij] ald(air) inne gedaen mochten/ zijn Ende aengaende d(er) publicatie(n) op/ arnde van hove gedaen seyde de meye(r)/ al woude vrancke die worde(n) geseet/ hebben en soude jan van udekem die zijn/ vorsprake was bellix die woerd(en) niet/ uutspreken want van m(ijns) genad(ichs) hee(re)n/ wegen seke(re) provisien d(air)tegen verleent/ alh(ier) uutgeroepen wa(r)en dat oick arnt/ int jair vorleden en(de) zed(er)t geswoiren(en)/ hadde geweest van zijnen ambachte
//
ende alsnu raid vand(er) stadt mits den welken/ de offic(ie)r sustineerde want hij arnt in dien bequaem was dat hij oick bequaem soude sijn om te dragen(e)/ Ende op tgene des vranck geseet soude hebbe(n) dat/ arnt was een bibringhe(r) van desen en conste dat/ vrancke niet gediene(n) want al mocht arnt e(n)nige/ worden setten(de) int gelach geseet hebben soe en/ hadde hij gheen macht oft bevel om yeman(de) te/ doen vangen ende ae(n)gaen(de) den vleeshuse [vleeshuwers] dat zij/ vrancke(n)s p(ar)tie soud(en) sijn (et)c(etera) sustineerde de meye(r)/ dat dat vrancken niet en soud(e) co(n)ne(n) gedienen/ want al mochten zij p(ar)tie sijn ind(er) sake(n) hangen(de)/ inde rade van brabant en wa(r)en zij nochtan/ d(air) o(m)me egheen p(ar)tie ind(er) q(ue)stie(n) tussche(n) he(m) en(de)/ den selve(n) vrancke(n) alsnu hangen(de) Ende op tpoint/ vand(en) verswegend(er) ass(ijsen) sustineerde de meye(r) dat/ hij he(m) insgelijx d(air)mede soude moge(n) behulpe(n) al/ wa(r)e d(air)aff co(m)positie gemaict want d(air)uuyt m(er)ke/ lijkx blijke(n) soude de quad(en) name en(de) fame en(de)/ al mochten e(n)nige kueren en(de) broken staen op cleyne/ v(er)swegen(en) ass(ijsen) was dese soe groot dat die wel/ voe(r) dienerie te rekenen(e) was mair bekende/ de meye(r) dat hij hen van feyte en(de) famen beyde/ tsamen niet en soude mogen behulpen Ende
//
aengaen(de) d(er) battacie(n) van janne de noete(re) sustineerde/ de meye(r) dat hij he(m) d(air)mede soude behulpen want/ hij p(rese)nteerde te thoen(en) dat ten tijde als jan de/ noete(re) en(de) gheert de kempene(re) deden hue(r) cleerniss(e)/ ind(er) infomatie p(re)cedent dat zij doen wa(r)en/ ongehacht en(de) ongehouden van banne van ijse(re)/ ende dat m(ijn) hee(re) de meye(r) doen seyde totte(n)/ note(re) jan seeght de rechte wairheyt ende en/ lieght niet om niema(n)ts wille Ende ae(n)gaen(de)/ den p(er)soen van ada(m)me van cav(er)chon sustineerde/ de vors(creven) meye(r) dat hij he(m) d(air)mede soude moge(n)/ behulpen want hij egheen vleeshoude(r) en was/ noch winner noch v(er)lieser in des(er) sake(n) ende/ insgelijcx met janne scrijne en(de) sijne(n) clerck wa(n)t/ die oick wi(n)ners noch v(er)liesers en wa(r)en in des(er)/ saken noch oick inde(n) raide van brabant ende/ nae dien p(ar)tien in wed(er)zijden opde vors(creven) debat/ tacien gewesen zijn tot hue(re)n thoene heeft de/ meye(r) gethoent dat als de vors(creven) informatie/ p(re)cedente gebuerde de vors(creven) getuygen ind(er) selv(er)/ informatie(n) p(re)cedente genoempt wa(r)en ongehacht/ en(de) ongehoude(n) en(de) in gheene(n) banden van ijse(re)n/ ende als de vors(creven) vrancke met zijnen thoene/ vand(en) vors(creven) debattacie(n) es vort geva(r)en heeft
//
de lieuten(ant) bekint dat arnt vand(en) hove te dier/ tijt te weten(e) int vorleden jair geswoire(n) was/ geweest van zijnen ambachte ende aengaen(de) der/ debattacie(n) wed(er)leggen jans noet(er)s tege(n) den meye(r)/ thoende deselve vranck met willem(me) borreman/ geheeten toe dat omtr(int) acht daigen leden hij/ comen(de) van buten ontmoete ja(n)ne de noete(re) ende/ dat hij doe(n) willem toe [alsdoen] vraighde den selve(n) noete(re)/ hoe dat stont metten scape van vrancken loenke(n)s/ en(de) oft gedae(n) wa(r)e en(de) dat jan de noete(re) hem/ dair op antwoorde en(de) seyde ic en weet ind(er)/ wairheyt dats gode vand(en) scape niet te spreke(n)/ heeft vorts de vors(creven) vranck loenkens doen mane(n)/ woute(re)n sangwijn ja(n)ne de(n) here en(de) den wert inde(n)/ voetboge becke(r) oft hen niet kenlijck en es dat/ sij binne(n) den tijde dat dit gedinge gehangen/ heeft den vors(creven) ja(n)ne de noete(re) hebben hoe(re)n clage(n)/ dat zij [hij] soude moten dragen tgene d(air)aff hij/ niet en wiste want sijn meest(er) vand(en) scape/ d(aer) questie af was niet en wiste te spreke(n)/ oft dat zij clee(re)n dat [des] zij d(air)aff gehort hebbe(n)/ hadden heeft de vors(creven) wout(er) sangwijns dat/ geaffirmeert jan de hee(re) clairde dat hij he(m)/ horde seggen dat hij geloefde dat zijn meest(er)
//
vand(en) scape niet in wiste mair vand(en) drage(r)/ en weet hij niet de weert inden voetboghe/ cleert dat jan de noete(re) quam cloppen acht(er) op/ sijn scouwe(r) des mach leden sijn drie oft vier/ daghen seggen(de) oft hij niet en soude moge(n) loechen(en)/ dat hij geseet hadde en(de) dat hij die tuyght/ hem d(air)op antworde en(de) hem riet dat hij de/ gerechtige warheyt seyt en(de) dair soude hij verst/ mede come(n) Tselve beg(er)de vranck [oick] gemaent/ te hebben(e) arnde crol die cleert d(air)op dat hij/ vraighde janne noete(re)n hoe dat dollede/ vande(n) scape toequam en(de) oft hijs sijne(n) meest(er)/ niet en hadde geseet en(de) dat jan d(air)op ant/ woirde neenick en and(er)s en hadde hij niet/ gehoirt It(em) heeft noch doen manen willem(me) claes/ vorste(r) oft hij ten v(er)sueke vand(en) meye(r) niet ae(n)/ getast en(de) geva(n)gen heeft ten versueke vand(en)/ hee(re) en(de) in sijn vroente geleyt janne de noete(re)/ dair hij quam driven(de) met vranckens sijns/ meest(er)s scapen t(er) weyen wert om he(m) te bedwi(n)ge(n)/ in des(er) saken te tuygen de vors(creven) wille(m) claes/ tuyghde h(ier)op dat hijten gehoude(n) heeft in sijn/ vroente en(de) dat hij dat niet gedaen en heeft
//
ten versueke van m(ijn) hee(re) den meye(r) noch va(n) sijne(n)/ lieuten(ant) It(em) es vorts gevraight geweest den/ selve(n) willem(me) claes en(de) oick janne berain oft/ hen niet kenlijck en es dat d(air)nae de selve/ jan berain oft de vors(creven) wille(m) claes den vors(creven)/ ja(n)ne de noete(re) haelde uut(er) vroe(n)ten des vors(creven)/ willem claes en(de) den selve(n) leyde(n) in sijn vroe(n)te/ als geva(n)gen man om hem te v(er)neren om tshe(re)n/ getugenisse te volbringen en(de) oft hij jan niet/ en weet wien d(air) brachte jan berain clairde d(air)/ op dat hijten noot gehaelt en heeft als geva(n)ge(ne)/ noch en heeft gheene(n) last d(air)aff gehadt noch/ en weet oick niet wien dair brachte It(em) den/ selve(n) ja(n)ne berain es vort gevraight oft he(m)/ niet kenlijck en es dat als hij den vors(creven) ja(n)ne/ de noete(re) in sijn vroe(n)te alsoe hadde den selve(n)/ ja(n)ne wijs gemaict datme(n) hem soude gaen pijne(n)/ en(de) dat hij ghinck int vleeshuys en(de) elswair/ vragen nae eene(n) guyt om den selve(n) ja(n)ne de/ noete(re) te anxtene(re)n om dat hij sijn getuygenisse/ soude drage(n) nae tshee(re)n beg(er)te hier op en(de) op/ tpoint h(ier)voe(r) clairt wille(m) oick dat hij ja(n)ne/ de noete(re) leyde ongehacht en(de) ongehouden
//
inde came(r) te jans berains en(de) dat hijten dair/ liet en(de) jan berain en weet van dien niet te/ spreken soe hij cleert It(em) want willem claes/ bekindt dat hij janne noete(re)n aengetast hadde/ soe beg(er)de de vors(creven) vranck loenkens hem/ gemae(n)t te hebben(e) te wiens v(er)sueke oft/ beg(er)te hij willem dat gedaen heeft het zij/ uut hem selven oft van ande(re)n wegen en(de) wair/ o(m)me dair op willem vors(creven) cleerde dat hij/ sitten(de) in gelage int gulden cruys heeft/ hore(n) seggen van des(er) materie(n) ae(n)gaen(de) en(de)/ dat jan noete(re) dair aff wiste te spreken/ en(de) dat hijten d(air)om [om] de wairheyt te weten/ d(air)nae ae(n)getast heeft en(de) dat hij horde/ seggen arnde van hove en(de) meer ande(re) ald(air)/ int gelach wesen(de) Oick hebbe(n) getuyght/ h(er) van pi(n)nock ridde(r) jan van buetsele/ meest(er) renir van liefke(n)rode henr(ick) vand(en)/ borch anth(onis) zedele(re) jan blanckaart jan van/ rosme(re) gordt h(er)meys gort roelofs pet(er) van/ voshem ad(ri)aen vand(er) heyden als scepen(en) en(de)/ gesworen(en) vand(en) ja(r)e verlede(n) lodewijck baets/ en(de) henr(ick) van nyvele ae(n)gaen(de) der debatacie(n)/
//
arnts van hove en(de) meer ande(re)n dat arnt vand(en)/ hove int jair vorleden gesworen geweest heeft/ van sijne(n) ambachte en(de) dat deselve arnt mette(n)/ ande(re)n geswoeren(en) oft gedeput(eer)den vand(en) selve(n)/ ambachte te weten(e) pete(re)n vand(en) hoeve(n) clach/ tich comen es bijd(er) stat ov(er) den vors(creven) vrancke(n)/ loenkens en(de) den selve(n) vrancken geaccuseert/ heeft vand(en) ontstekend(er) ass(ijse) en(de) dambacht/ verbuert te hebben(e) tot eeuwigen daighe(n)/ Behalve(n) dat sij van vrancken eene(n) dief/ te maken dwelc hen oick gevraight was/ hen dat niet voe(r) en stont Ende tselve hebbe(n)/ oick alsoe geaffirmeert meest(er) b(ar)tholomeus kyp/ henr(ick) hanckart lodewijck van scho(r)e meest(er)/ stas vand(en) hoeve(n) meest(er) aug(ustijn) van de nethen(en)/ henr(ick) vand(en) speelhoven [secretarisen] sond(er) van he(m) eenen/ dieff te maken(e) dat hen dat oick niet voe(r)/ en stont It(em) dat deselve arnt van hove in/ dat v(er)volgh he(m) heeft wille(n) pijne(n) te behulpe(n)/ metten gescille(n) vand(en) selve(n) ambachte dwelc/ de stadt alsoe oick admitteerde te moghen/ gescieden alsoe dat vranck mett(er) t(er)minatie(n)/ d(air)op geg(even) hem d(air)inne beswairt vant hebbe(n)/ deselve getuygen en(de) wethoude(re)n oick gecleert
//
behalve(n) dat sij niet en wete(n) vand(en) beslicht/ vand(er) sake(n) boven hangen(de) en(de) meest(er) reynir van/ lyefke(n)rode als borg(ermees)[t(er)] doen t(er) tijt tuyght d(air)op/ dat he(m) dat alsoe bijd(er) stat gescr(even) wert te/ bruessel ald(air) doen sijnde It(em) beg(er)de vorts/ gevraight te hebben(e) den selven oft arndt/ vand(en) hove niet en es int ambacht vand(en)/ vleesh(ouwers) en(de) tselve ambacht ex(er)ceert gelijck/ vranck gedaen heeft D(air)op es de(n) selve(n) ke(n)lijc/ dat hij int ambacht vand(en) vleeshoud(er)s es/ want hij geweest es alsnu op thuys van/ sijns ambachts wegen houden(de) oick dat hij/ dat mach ex(er)ce(re)n en(de) doe(n) mach als hij wilt/ welk(en) battacie(n) aldus op div(er)se genecht dage(n)/ gesciet sijnde en(de) den thoen op al als voe(r)/ in w(er)sijd(en) gehort sijnde hebben de scepen(en)/ gewesen t(er) manissen smeyers ae(n)gaen(de) de(n) pointe(n)/ vand(er) informatie(n) p(re)cedent datme(n) die pointe(n)/ soude ae(n)hoe(re)n en(de) de calangie d(air)af hielen/ de scepen(en) te he(n)w(er)t Ende ae(n)gaen(de) den p(er)sone(n)/ van gorde h(er)meys en(de) ja(n)ne van buetsele dat/ die hen conde dragen soud(en) niet wed(er)staen(de)/ d(er) calangien ende ae(n)gaen(de) den p(er)soen van/ arnde van hove dat de meye(r) d(air)mede/
//
verdoelt es ende insgelijx ae(n)gaen(de) den/ vleesh(ouwer) dat de meye(r) d(air)mede v(er)doelt was/ hem d(air)mede te behulpe(n) behalve(n) dat de/ meye(r) hem zal mogen behulpen met ja(n)ne/ scrijne en(de) sijne(n) clerck also verre alst/ ae(n)gaet d(er) fame(n) vand(er) scape d(aer) questie/ aff es en(de) ae(n)gaen(de) de(n) noete(re) dat de meye(r)/ insgelijx d(air)mede sal mogen behulpen niet/ tege(n)staen(de) d(er) calangie(n) ende ae(n)gaende/ ada(m)me van cav(er)chon es gewesen als/ voe(r) soe v(er)re adam cleert bij eede dat/ hij wi(n)ner noch verlieser en es noch p(ar)tie/ ind(er) sake(n) uutstaende tusschen vrancken/ loenkens en(de) den vleesh(ouwers) inde(n) raide/ van brabant dat hij sal mogen dragen/ oick niet wed(er)staen(de) d(er) calangie(n) bij vrancke(n)/ gedaen Ende dat de meye(r) v(er)doelt es thoe(ne)/ te leyden(e) soe v(er)re dat ae(n)gaet den ar(tiku)[len]/ rue(re)nde tfeyt d(air)aff co(m)positie(n) gemaict es/ en(de) soe v(er)re dat ae(n)gaet d(er) famen crimineel/ dienerie(n) ae(n)gaen(de) sal de meye(r) moge(n) vortvae(re)n/ met zijne(n) thoene welke vo(n)niss(en) aldus/ opde vors(creven) div(er)se incident(en) tot div(er)sen/ dagen bijden scepen(en) gegeve(n) es de meye(r)/ met zijnen thoen int pri(n)cepael voirts/
//
gevae(re)n en(de) heeft gethoent des h(ier)nae volgt/ ierst hebben gordt h(er)meys en(de) jan van buetsele/ gecleert op dierste point vand(en) int(er)rogator(ien) des vors(creven) meyers/ dat sij va(n) m(ijn) hee(re) de(n) meye(r) geleyt wa(r)en ten/ huse jans berains vorst(er)s en(de) dat ald(air) inder/ came(re)n wa(r)en twee scepers ende dat m(ijn) hee(re)/ de meye(r) hen dede hant op heylige(n) leggen/ om dat sij seggen soud(en) de beste wairh(eit)/ die sij wisten van eene(n) scape [en(de)] dat zij/ ald(air) cleerde(n) dat vranck een scaep geva(n)gen/ hadde en(de) dat sij hem seyd(en) dat dat scaep/ sijn niet en was mair was getekent met/ eene(n) ande(re)n teeken(e) en(de) dat toebehoerde/ eene(n) geheeten tock Op ii[te] point vand(en)/ selven int(er)rogator(ien) des meyers hebbe(n) deselve/ p(er)sone(n) gecleert dat zij vand(er) belle(n) niet/ en hebbe(n) hoe(re)n v(er)mane(n) and(er)s dan vand(er)/ teeken(en) alsoe zij int vors(creven) ar(tike)[le] gecleert hebbe(n)/ Ende dat de scepers cleerd(en) dat vranck he(n)/ qualijck toesprack en(de) seyde en ke(n)nick mijn/ scapen niet vand(en) surplus en weten sij niet/ Tderde ar(tike)[le] vand(en) vors(creven) int(er)rogator(ien) bijd(en)/ offic(ie)r (et)c(etera) hebben sij die tugen geaffirmeert/ jan de noete(re) heeft tselve voorste en(de) ierste
//
ar(tike)[le] geaffirmeert Op ii[e] ar(tike)[le] seeght de/ noete(re) dat tscaep gheen belle aen en hadde/ mair het was geteekent met eene(n) ande(re)n/ teeken(e) dan met vrancke(n)s teeken en(de)/ vand(en) qualik(en) toespreken(e) inde(n) ii[te] ar(tike)[le]/ geruert en(de) tsurplus affirmeert deselve/ noete(re) tselve artikele alsoet steet opt/ iiii[de] ar(tike)[le] heeft de noete(re) geaffirmeert/ de leste clausele ende v[te] ar(tike)[le] heeft/ hij insgelijx geaffirmeert op tvi[te] tvii[te]/ en(de) viii[te] en heeft de note(re) niet gehoirt/ geweest want hij die die voe(r) genoech/ gecleert heeft jan mijn hee(re) op iiii[de] v[te]/ vi[te] vii[te] viii[te] heeft gecleert dat hij va(n)/ dien niet en weet It(em) op ix[te] x[te] xi[te] xii[te]/ en(de) xiii[ten] pointe(n) en es niema(n)t gehoirt/ geweest want die afslage(n) sijn metten/ vo(n)nissen als voe(r) gemerct dat die der/ verstekend(er) ass(ijse) en(de) co(m)positie(n) ae(n)gaen Op/ dleste point heeft anth(onijs) zedele(re) gecleert/ dat hij van egheend(er) dienerie(n) en weet/ dan dat hij gehoert heeft vand(en) onste/ kind(er) assijsen dwelck afslagen es en(de)
//
vand(en) scaepe des vranx knape(n) inde/ banck alsnu gedrage(n) heeft jan van/ buetsele desgelijx jan blanckart heeft/ vrancke(n) gekint ov(er) meyni(n)ge(n) tijt ende/ met he(m) dicwille v(er)keert en(de) heeft noot/ gehoirt vrancke(n) befame(n) van e(n)nig(er)/ dienerie(n) en(de) heeft he(m) altijt gehoude(n)/ voe(r) eene(n) goed(en) eerba(r)en man dan zed(er)t/ den tijde vand(en) gedinghe dat de meye(r)/ hem belast heeft adam van cav(er)chon/ heeft gedeponeert gelijck jan blanckart/ jan scrijne seget tselve en(de) in heves/ noot and(er)s gehort dan vand(en) meye(r) en(de)/ dat hij he(m) sijn ass(ijs)[e] vand(en) scapen/ ontscreven hadde jacop van muysen(en)/ seet desgelijx als jan scrijne dat hij/ noit and(er)s van dienerie(n) en hoerde dan/ inde banck Ter ande(r) sijden heeft de vors(creven) / vrancke zijne getuygen nae verclairt des/ h(ier)nae volght doen manen oft zij vrancke(n)/ loenkens van zijnen jongen dagen gekint hebbe(n)/ ende met hem geco(n)verseert ende den selve(n)/ gehouden altijt en(de) alnoch houde(n) ter goerder/
//
namen ende famen staen(de) verke(re)nde bij hooge(n)/ ende nede(re)n ende hem dragen(de) gelijc een/ goet eerba(r)e geselle sculdich es van dragen(e)/ behalve(n) dat he(m) de meye(r) van loven(e) nu onlanx/ leden heeft wille(n) belasten met onredelijken/ stucken die hij niet verdient en heeft tuyge(n)/ de getuygen h(ier)nae bescreven dair op ov(er)hort/ ierst gort roelofs dat hij meni(n)ge(n) dach/ met hem geco(n)verseert heeft en(de) niet and(er)s ae(n)/ hem bevonde(n) dan men van eene(n) goede(n) man / sculd(ich) es te vinden(e) en(de) een weet van gheend(er)/ quad(er) fame(n) dan zed(er)t dat de meye(r) vrancke(n)/ betege(n) heeft joes van oerbeke tuyght insgelijx/ behalve(n) van tgene des hij vranck gebetert/ soude hebben tege(n) m(ijn) hee(re) den meye(r) als hij/ heeft hore(n) seggen denijs van langrode en/ weet niet and(er)s dan dinhoudt vand(en) selve(n)/ ar(tike)[le] dat hijten noch voe(r) eene(n) goeden/ rechv(eer)dighen man hult meest(er) pet(er) vand(er)/ heyde(n) affirmeert dar(tike)[le] willem vand(en) hove/ int scaecberck affirmeert dar(tike)[le] en(de) en heeft/ van vrancken van e(n)nig(er) famen geweten
//
dan zed(er)t desen gedinghe hubrecht va(n)d(er)/ h(eer)bruggen[aff(irmeer)[t]] dar(tike)[le] en(de) dat hijten hult alsulck/ en(de) gehoude(n) heeft voe(r) eene(n) goed(en) man/ noch tot datten de meye(r) ae(n)gesproke(n) heeft/ gordt de visele(re) affirmeert dar(tike)[le] en(de) altijt/ voe(r) eene(n) goed(en) man arnt crol affirmeert/ oick dar(tike)[le] insgelijx pet(er) van assche aff(irmeer)[t]/ dar(tike)[le] behalve(n) vand(en) pointe van janne/ scrijne tande(re)n tijden inde raitcame(re) gebuert/ ende vand(en) ticht d(air) hij vrancke nu aff aen/af[aen]gesproken wert jan van are(n)berghe/ seeght dat hij met vrancken niet vele/ co(n)versacie(n) gehouden en heeft mar and(er)s/ affirmeert hij dar(tike)[le] m(er)ten nackart aff(irmeer)[t]/ dar(tike)[le] welken thoen, aldus gesleten ende/ geconcludeert sijnde en(de) op al rijpelijck ghelet/ sijnde ende besundert opde costume ende/ oude ond(er)houden van des(er) stadt datme(n) alhier/ nyema(n)t met e(n)nig(er) informacien p(re)ceden(te) belasten/ en mach noch oick met e(n)nigen getugenisse/ de wed(er)p(ar)tie en moit altijt d(air)tegen sijn ghe/ roepen en(de) gehoirt en(de) de getugen in huer(er)
//
p(rese)ntien sien swee(re)n hebben de scepen(en) van loven(e)/ ter manissen smeyers gewijst met vo(n)nisse wij/ hebben wel verstaen daensprake die willem/ van assche als lieuten(ant) m(ijns) hee(re)n des meyers van/ loeven(e) in sijnd(er) absen(tien) van ons genad(ichs) hee(re)n wege(n)/ criminelijck gedaen heeft op vrancken loenkens/ in tverantw(er)den dair op gedaen bijden selven/ vrancken ende den thoen dair op voert in wed(er)/ sijden geleyt en(de) innebracht en(de) voirt alle p(ro)positie(n)/ incedente(n) int(er)locutorie(n) en(de) ande(re) acten d(air)inne gede/ duceert inne bracht en(de) geproponeert ende wijse(n)/ voe(r) een vo(n)nisse dat de meye(r) met zijnd(er) co(n)clusien/ op vrancken loenkens vand(en) h(eer)lijcheyt wegen v(er)doelt/ es Actu(m) in scampno cor(am) o(mn)ib(us) scabinis januarii xiiii[a]/ a(n)no xiix?/ h(ier) nae volght de copie vand(en) quitan(cie) bijden/ vors(creven) vrancken geexhibeert aengaen(de) der com/ positie(n) vand(en) ontstekend(er) assijsen dair voe(r)/ me(n)cie aff gemaict es/ wij lodewijck pi(n)nock hee(re) ter nyeuw(er) horst en(de) tot/ velpen ridde(r) hoefmeest(er) eertshertoge(n) ph(ilip)s van/ oisterijck en(de) meye(r) van loven(e) kennen ende
//
lijden mits desen dat vranck loenkens vleeshoude(r)/ niet ons ov(er)comen es inden name vand(en) hoocheyt/ m(ijns) genad(ichs) hee(re)n vors(creven) van alsulken excesse als/ deselve vranck in tijden vorleden mesdaen mach/ hebben tegen de hoocheyt desselfs m(ijns) genad(ichs) he(re)n/ van versteken(de) en(de) v(er)swegen(de) assijsen vand(en) neri(n)g(e)/ vand(en) vleeshuyse dairmede deselve vranck om/ gaende es Ende dat mits der so(m)men van/ tsestich rins guld(en) eens die hij ons inden/ name als voe(r) wel ende dueghdelijck uuyt/ gereyct en(de) betaelt heeft geloven(de) den selve(n)/ vrancken mits desen d(air)aff los quijt en(de) vrij te/ houden van alsulken correctien publicatie(n) en(de)/ uutroepi(n)gen als d(air)aff ov(er) den selven vrancke(n)/ van m(ijns) genad(ichs) hee(re)n wegen vors(creven) en(de) oick der/ stat wegen van loven(e) soud(e) mogen gescieden/ en(de) alsoe vele te doen(e) dat de selve vranck/ vand(er) vors(creven) hoocheyt wegen noch oick vand(er) vors(creven)/ stadt wegen bij publicatien oft and(er)ssins niet/ gecorrigeert noch uuytgeroepen en zal/ wordden niet tegenstaen(de) oick den overdragt/ vand(er) stat in dien gesciet mair mits des(er)/ vand(en) vors(creven) civilen excesse in desen gestaen
//
zal alsoe dat den selven vrancken genoech sal/ mogen wesen zonder fraude en(de) argelijst/ des t(er) ke(n)nissen hebben wij lodewijck pi(n)nock/ voirs(creven) dese tegewoirdighe l(ette)ren van quijtsceldi(n)gen/ ende obligatien geteekent met onsen gewoe(n)lijk(en)/ hanteeken(en) opten xii[ten] dach van octobri a(n)no/ xiiii[c] acht ende negentich