Want jacop van raveschote die uuyt cracht van scep(enen)/ brieven van loeven(e) ov(er)lanck gepass(eer)t houden(de) en(de) heffen(de)/ es eene(n) rinsgulden(en) erffelijck aen en(de) op seke(re) goede/ willems de moer gelegen te wackerzeele hem met/ brieven van des(er) stadt gescreven aenden meye(r) van werchte(r)/ oft zijne(n) stadthoude(r) te wackerzeele alle de selve goede/ en(de) ond(er)pande behoirlijc heeft doen leve(re)n en(de) hubrechte/ vander h(er)bruggen dach van rechte te comp(ar)e(re)n alhier/ inde banck voir meye(r) en(de) scepen(en) van loeven(e) doen/ bescheyden oft hij hem d(air)tegen hadde willen oppone(re)n/ aldair hij op heden als ten dage van rechte d(air)/ toe dienen(de) niet gecomp(ar)eert en es noch p(ro)cur(eur)/ van sijne(n) wegen den voirs(creven) jacoppe van raveschote/ comp(ar)e(re)nde en(de) trecht voirts v(er)sueken(de) soe v(er)re dat/ de scepen(en) van loeven(e) t(er) manissen smeyers nae dat hen/ behoirlijck gebleken heeft bij clernissen en(de) rapporte/ jans driedoens des(er) stadt bode tvoirs(creven) exployt gesciet/ te zijne gewesen hebben met vo(n)nisse wair de/ wed(er)p(ar)tie vand(en) voirs(creven) jacoppe niet en (com)p(ar)eert voe(r) den/ opstaen(e) smeyers en(de) der scepen(en) datmen den selven jacoppe/ houden soude inde macht van sijne(n) scepen(en) brieve(n) en(de) leveri(n)g(en)/ alsoe v(er)re alst noch voir scepen(en) comen is in sca(m)pno/ januarii xxi