Item de voirs(creven) daneel van glymes heeft geloeft/ den voirs(creven) janne de lasales geh(eeten) s(e)[r]ales ende/ jouffr(ouwe) a(n)nen zijnd(er) huysvr(ouwe) dat hij hen en(de) de/ voirs(creven) goede jairlijcx ontlasten sal vanden voirs(creven)/ xiiii r(ins)gul(den) erffelijc ende die die selve jairlijcx/ soe lange als de voirs(creven) jouffr(ouwe) a(n)ne sijn moeder/ leven sal Ende t(er) and(er) zijden hebben geloeft/ de selve gehuysschen den selven daneele te/ betalen(e) xviii r(ins) gulden(en) te xx stuv(er)s tstuc tusschen/ dit en(de) loeven(e) kermesse naistcomen(de) tamq(uam) ass(ecu)[tu(m)]/ cor(am) eisdem