Item de voirs(creven) h(er) willem in deen zijde ende/ godgaf van dynant adam putcheys en(de) joes g(er)ste(n)/ in p(rese)ncia hebbe(n) in weerzijd(en) geaboleert en(de) te/ nyeute gedaen dese clausele nae bescr(even) inde/ voirs(creven) gelufte begripe(n) te weten(e) It(em) es vorwerde/ in alsoe v(er)re de voirs(creven) h(er) willem gerarts aflivich/ wordde (et)c(etera) totte(n) ynde toe uts(upra) Ende inde(n) stat van/ dien hebben de selve p(ar)tie(n) vercleert en(de) gesedt/ de goede clausele h(ier)nae bescr(even) die zij malcande(re)n/ in weerd(en) zijd(en) gelooft hebbe(n) tacht(er)volgen(e) ende/ te voldoene Te weten(e) es vorweerde in alsoe/ verre de voirs(creven) h(er) willem gerarts aflivich wordde/ eer den t(er)mijn voirs(creven) geexpireert wae(r) dat in dien/ gevalle de v(er)oblig(er)de p(er)sone(n) voirs(creven) vand(en) voirs(creven)/ gelufte(n) als vanden t(er)mijne(n) nae die aflivich(eit) desselfs/ he(re)n verschinen(de) ongehouden en(de) ongelast zullen/ zijn Ende oft oick den voirs(creven) veroblig(er)de p(er)sone(n)/ bynne(n) den selve(n) t(er)mijne e(n)nich m(er)kelijck hynder/ oft letsel gebuerde aende voirs(creven) pe(n)ni(n)gen bijd(en)/ adv(er)sar(ius) guydove de salines alsoe dat he(n) ind(en)/ name desselfs he(re)n proeft voirs(creven) die prouffijte(n)/ d(air)af comen(de) niet en mochte(n) volgen Dat in dien/ gevalle dese v(er)oblig(er)de p(er)sone(n) voirs(creven) ongehoud(en)/ zullen zij(n) vand(en) pe(n)ni(n)g(en) en(de) gelufte(n) voirs(creven)/ bliven(de) and(er)ssins der voirs(creven) geluften van machte/ ende weerden cor(am) buets(ele) baets m(ar)tii quarta/ a(nn)[o] xvc