Nae dien seke(re) questie(n) ende gescillen geresen zijn/ en(de) geport tussche(n) he(re)n janne pynnock ridde(r) nut(er) tijt/ borg(er)meest(er) der stadt van loeven(en) t(er) eende(re) ende den/ he(re)n deken(en) en(de) cap(it)len van sinte pet(er)s te loeven(en) comp(ar)/ e(re)nde vand(en) selve(n) he(re)n wegen hee(re) en(de) meester/ peet(er) van cav(er)chon prieste(r) t(er) ander zijde alse van/ seke(re)n muere(n) en(de) ande(re) questien die zij met malca(n)de(re)n/ uuytstaende hadd(en) t(er) causen van huer(er) beyder/ erve(n) bij een comen(de) te weten(e) thuys geheeten de/ duyne den voirs(creven) he(re)n janne toebehoiren(de) ende/ derve geheete(n) den sloetel die vand(en) cap(it)len toebeh(orende)/ sijn de selve p(ar)tien vand(en) selven hue(re)n gescille(n)/ in dien verleken bijd(er) stadt gesworen(en) meesters/ nae dat zij de selve p(ar)tien en(de) hue(r) bescheet/ int lange gehoirt hebben bij manie(re)n van uuyt/ sprake bijd(en) selven stadtmeeste(re)n gedaen inder/ manie(re)n hier nae volgen(de) Ende yerst dat de/ voirs(creven) twee p(ar)tien voe(r) hen ende hue(re)n nac(omelingen)/ den gevel muer te gelijcken rechte maken en(de)/ gebruycken sullen totter [tweester] stagien hooghe en(de) alsoe/ voirtane moten onderhouden Ende vand(er) selv(er)/ ii[ter] stagien opwerts tott(er) cruyne(n) vand(en) dake sullen/ insgelijcx de selve twee p(ar)tien te gelijcke(n) laste
//
de ghevelwant oft muer moten doen maken en(de)/ moten ond(er)houden als voe(r) ende de steenen die/ vand(en) selven ghevelmuer comen zijn en(de) thout/ sullen zij die te gelijcker hant d(air)aen te baten/ laten comen Ende vand(en) muere(n) staende in w(er)sijd(en)/ vanden selven ghevelmuere bij en(de) aen derve/ voirs(creven) sullen de p(ar)tien elck de(n) zijne(n) besorgen/ en(de) doen maken alsoe zij die(n) ond(er)houd(en) wille(n)/ ende datt(er) gheen gebreck deen den ande(re)n uuyt/ en come ende als vand(en) muere(n) in beyd(er)/ zijd(en) dair huys(en) op gestaen hebbe(n) den sloetel/ toebeh(oirende) sullen die vand(en) cap(it)le die moegen/ r(e)p(ar)e(re)n en(de) maken t(er) redelijcker hoegd(en) tot xiiii/ oft xv voeten hooge tot hue(re)n coste bij alsoe/ oick oft zij namaels die muere(n) bety(m)me(re)n/ wouden dat zij dat sullen moegen doen/ en(de) behoud(en) in dien hue(re)n oesye(n)drup gelijck/ zij dien h(ier) voirmaels gehadt hebben cor(am) zedele(re)/ cav(er)chon augusti xxiii