Opde geport voe(r) den raide vand(er) stadt/ tusschen janne van bullestrate(n) raymake(r) ald(air) ontbode(n)/ hebben(de) goirde rogge t(er) eende(re) en(de) den selve(n) goirde/ ter ande(re) aldair jan hem heyste te dafleggen oft tver/ ond(er)panden met vollen pachte van xx mol(evate) rocx/ erfelijck die jan van bullestrate(n) gecocht hadde/ tegen janne lambrechts zwag(er) desselfs goirts/ ende die de selve goirt te he(m)werts genome(n) hadde/ te betalen(e) met xxii(½) r(ins) gul(den) en(de) met volle(n) pachte/ oft loflijck te besetten genoech zijnde nae recht/ d(air)af hij beg(er)de voldaen te zijne inde(n) eene(n) oft/ inden ande(re)n en(de) d(air)tegen goirt genoech beki(n)nen(de)/ de vorweerde alsulck te zijne dat hij d(air)af/ den last drag(en) moeste mair en meynde ind(en)/ pachte(n) van dien niet gehouden te zijne met meer/ woird(en) in wed(er)zijd(en) es duytsprake vand(er)/ stadt dat de selve goirt nae de kynnisse bij/ hem gedaen gehouden soude zijn den selven/ janne van bullestraten te voldoen(e) de selve/ xxii(½) r(ins) g(ulden) met oick den pacht d(air)af verschene(n)/ oft dat hij he(m) die loflijck nae d(er) stat recht/ besitten sal op goede ond(er)pande navolgen(de) den/ ouden br(ieven) d(air)af zijnde in cons(ilio) op(idi) p(rese)ntibus tymple/ sub(stitu)to buets(ele) burg(imagistris) lyefk(enrode) scab(inus) et aliis de/ cons(ilio) ap(ri)lis iii