Item jan drabbe doude ende henr(ick) yden weert/ inden horen opde groeve beyde ingeseten(en) van/ des(er) stadt in p(rese)ntia hebbe(n) ald(air) huers goets/ moets wille(n) en(de) ombedwongen d(air) voe(r) v(er)antw(er)t/ ende gesproken t(er) instan(cien) en(de) beg(er)ten desselfs meest(er)/ joes couckeroul als p(ro)cur(eur) he(re)n mathijs gruwels/ in gevalle datme(n) bevonde dat jan de hertoghe/ meye(r) van cumptich met goed(er) saken geoccupeert
//
in rastame(n)te gedaen en(de) beslagen hadde alsulken/ pe(n)ni(n)g(en) van vijftich rins g(ulden) als reyne(re) camp(er)noels/ met sijne(n) adhe(re)nten tande(re)n tijden voe(r) scepen(en) van/ loeven(en) en(de) met scepen(en) br(ieven) van loeven(en) geloeft hadde/ willem(me) p(ate)r n(oste)r die de selve meye(r) uuyt (con)fiscatie(n)/ van woeke(re) meynt te app(re)he(re)nde(re)n en(de) dat den/ selve(n) meye(r) die (con)fiscatie tot behoef ons genad(ichs)/ he(re)n aengewesen wordde dat zij vand(en) selven/ vijftich rins gulden(en) instaen souden en(de) in dien/ gevalle voldoen en(de) restitue(re)n als vereycte schout/ ende jan drabbe de jonghe sone des voirs(creven) jans/ heeft geloeft den voirs(creven) sijne(n) vad(er) en(de) henr(ick) yden/ costeloes en(de) scadeloes tontheffen(e) cor(am) rosme(er) cav(er)chon/ augusti xvii