Item hee(re) en(de) meest(er) thomaes couroble p(ri)este(r)/ capellaen der kercken van s(in)[te] pet(er)s te loeven(e)/ en(de) h(er) kaerle have(n)ghier oic prieste(r) in p(rese)ntia/ hebben gekint en(de) gelijdt dat zij ind(ivisim) en(de)/ ind(iffe)r(e)nter? genomen hebben in hueri(n)gen van/ meeste(re)n barth(olomeeus) kyp secretar(is) der stadt van/ loeven(e) zijn woeni(n)ge metten cleynen huyse/ d(air)naest gelegen opde proefstrate metten/ wijng(ar)de ende allen den toebeh(oirten) gelegen/ tusschen de goede wijlen he(re)n diericx brant/ prieste(r) t(er) eende(re) en(de) jans de becke(re) t(er) ande(re)/ comen(de) acht(er) totten goeden arnts hanckarts/ eenen t(er)mijn van twee ende eene(n) halve(n)/ ja(r)en innegaen(de) te kersmesse a(n)no xv[c] stilo/ leodien(sis) ende ynden(en) nativitat(is) joh(ann)is bap(tis)[te]/ a(n)no xv[c] ende twee naistc(omende) telken halve(n)/ ja(r)e om acht rinsgul(den) te xx stuv(er)s tstuc/ altijt van halve(n) ja(r)e te halve(n) ja(r)e te bet(alen)/ d(air)af den yersten t(er)mijn vallen ende verschijne(n)/ sal s(in)[t] jansmesse naistc(omende) quol(ibe)t ass(ecu)[tu(m)] Ende/ voirts op alle ande(re) conditien en(de) vorweerden/ d(air)op pet(er) willemair febr(uarii) v[ta] a(n)no xcvii in des(er)
//
came(re)n tselve huys ende woeni(n)ge des voirs(creven)/ meest(er) barth(olomeeus) genomen heeft gehadt eenen/ t(er)mijn van drie ja(r)en d(air)af de selve pet(er) voir/ kersmesse lestleden bij (con)sente des voirs(creven) meest(er)/ barth(olomeeus) gescheyden es welke conditie(n) en(de) vorw(er)d(en)/ de voirs(creven) meest(er) thomas en(de) h(er) karle nemen/ en(de) bekynnen hier voe(r) v(er)haelt te zijne ende/ geloven ind(ivisim) als voe(r) in w(er)sijden die te voldoen(e)/ en(de) tacht(er)volgen(e) renu(n)c(ians) (et)c(etera) Ende oic de voirs(creven)/ meest(er) barth(olomeeus) alsoe verre alst hem aengaet/ dese hueri(n)ge opde conditie(n) voe(r) geruert tachter/ volgen(e) ende h(ier)af hebben geloeft de voirs(creven)/ meest(er) thomaes den voirs(creven) h(er) kaerlen vander/ eend(er) hellicht der selver hueri(n)gen voirs(creven) scadel(oes)/ tontheffen(e) cor(am) lyefkenrode roesme(re) febr(uarii) ulti(m)a