Nae dien de geswoiren(en) vand(en) huydevett(er)s am/ bachte binne(n) des(er) stadt te weten(e) denijs m(er)celis/ en(de) laur(eys) crabbe den borg(er)meest(er) scepen(en) en(de) raide/ der selv(er) inden name vand(en) vors(creven) ambachte/ te kenne(n) hebben gegeve(n) hoe e(n)nige vand(en) inge/ seten(en) hen gene(re)nde metten selve(n) ambachte hen/ pijnden te touwen(e) en(de) te vetten(e) beyde te samen/ en(de) hoe dat tselve grotelijck gedroech in fraude(n)/ en(de) bedriegheniss(en) van elkermalk(andere) en(de) tege(n) tghe/ meyne orber en(de) profijt des he(n) deselve suppli(anten)/ gedroegen totten touwers selve en(de) oick totten/ ouden schoemakers en(de) den vetters ende dat/ deselve touwers voir hen namen en(de) p(re)tendeerd(en)/ op dat zij dat beyde tsamen niet en soud(en) mog(en)
//
doen dat zij dan deen jair vetten souden en(de) dander/ jair touwen om dambacht alsoe d(air)mede te blame(re)n/ en(de) te schinden en(de) tgemeyn profijt d(air)mede te v(er)steken(e)/ Bege(re)nde alsoe dat t(er) salich(eit) vand(en) gemeynen p(ro)fijte/ h(ier)op bijd(er) gemeynd(er) stat provisie gedaen werdde/ en(de) gestatueert op seke(re) pene(n) dat gheen touwe(r) vor/ dane en soude moege(n) touwe(n) en(de) vetten beyde tsame(n)/ g(e)merct dat dat co(n)trarie deen den ande(re)n es als/ voe(r) mair dat eenyegelijck deen van beyde(n) kiese(n)/ sal te doen(e) en(de) vand(en) ande(re)n renu(n)tie(re)n en(de) v(er)socht(en)/ desgelijcx oick de vors(creven) suppl(ianten) ten ii[ten] dat ghee(n)/ vette(r) en soude mogen gheen swert leder v(er)copen/ noch hanteri(n)ge d(air)mede doen hij en sal te vrede(n)/ sijn doende deen vand(en) ambachte(n) vand(en) ande(re)n/ r(e)nu(n)tie(re)n als voe(r) ind(er) mat(en) de vors(creven) suppl(ianten) p(rese)nteerd(en)/ te thoenen(e) dat vand(er) gelijk(er) ond(er)houd(en) werdde/ te bruessele te mechele(n) en(de) eld(er)s Beg(er)den vorts/ ten derden de vors(creven) suppl(ianten) inden name als voe(r)/ op dat gheen fraude noch bedroch gebue(re)n en/ soude in tgoet vand(en) huyvett(er)s noch tselve/ gevelscht en soude werden d(air)mede tvoirs(creven)/ ambacht sijne(n) goed(en) name en(de) fame v(er)liesen/ mochte ende op dat de coopman niet be/ drogen en wordde dat den selve(n) wethoude(re)n/ beliefde te statueren(e) en(de) in dien te ordine(re)n
//
op seke(re)n pene(n) dat ghee(n) vette(r) voirtane sijn leder/ en soude mogen doen te wagen(e) noch te seepe/ om buyten inde mercten van bergen van antw(er)pe(n)/ oft elswair te vueren(e) en(de) te v(er)coepen(e) hij en zal/ voir al tselve leder dat hij alsoe soude mogen/ uutvue(re)n ierst hebben doen visite(re)n bijd(en) wara(n)d(eer)/ deers vand(en) selve(n) ambachte ende oft deselve/ warandeerders d(air)aff e(n)nich goet bevonden niet/ geteekent sijnde mett(er) stat teeken(en) dat tselve/ goet verbuert soude sijn en(de) dair toe eene(n) kuer/ ten believen(e) ende goetduncken(e) vand(en) hee(re)n op/ dat elk(er)malck he(n) des te voirde(n) huede(n) soude/ en(de) op dat tselve ambacht bij ocsuyne van alsulk(er)/ bedriecheniss(en) ende velschinghen niet v(er)achtert/ en worde bute(n) ond(er) de cooplude(n) noch hue(re)n/ goede name fame en(de) neri(n)ge d(air)mede verloren/ en worde ende op dese voirs(creven) r(e)queste de touw(er)s te weten(e) anth(onijs) de smet pet(er) baerts scoe(n)make(r)/ wonen(de) in hemelrijke en(de) oick de nieuwe scoe(n)/ makers en(de) dien dit ae(n)cleefde h(ier)op geroepe(n) en(de)/ gedaight zijnde bijden vors(creven) raide hebben deselve/ gesustineert dat zij de vors(creven) ambacht(en) ende/ neri(n)gen tsame(n) soude(n) mogen doen en(de) dat tselve/ niet en gedroech tege(n) tgemeyn orber en(de) profijt/ mair de contrarie in dien zijn soude alsoe/ zij seyden soe v(er)re tselve niet gebue(re)n en mochte
//
seggen(de) dat de vorscreven(e) vett(er)s he(n) selve(n) d(air)inne/ sochten om bij e(n)nige(n) van he(n) de neri(n)ge en(de) p(ro)fijt/ alleen(e) te hebben(e) ende ande(re) uut te sluyten(e) ende/ datmen bevi(n)den soude dat in ande(re) stede(n) als/ bruessele en(de) mechele(n) de co(n)trarie vand(en) voirs(creven)/ vornemen(en) vand(en) vett(er)s gebuerde hoe wel de/ vors(creven) vett(er)s p(rese)nteerd(en) te thoen(en) dat tselve aldair/ niet gebue(re)n en mochte met meer ande(re)n reden(en)/ ten effecte vors(creven) bijd(en) vors(creven) touw(er)s en(de) e(n)nige vand(en)/ vors(creven) nyeuwe(n) scoe(n)makers geallig(er)t als dat de/ wethoud(er)s de vors(creven) materie in wersijde(n) v(er)stae(n)/ hebben(de) beg(er)t hebben bij seke(re)n appointeme(n)te bij/ he(n) in die(n) geg(even) de vors(creven) p(ar)tie(n) gehoirt zijnde/ en(de) verclairt dat zij de oud(er)s vand(en) ambachte/ der vors(creven) vett(er)s en(de) oick vand(en) oude(n) scoe(n)makers/ en(de) nieuwe(n) beg(er)d(en) te ae(n)hoiren(e) om h(ier)aff te weten(e)/ doudt ond(er)houde(n) en(de) wes orberlijck ende profij/ telijck soude mogen sijn ten ond(er)houd(en) [vand(en)] vors(creven) neri(n)ge(n)/ in ee(re)n en(de) welvaert buyten en(de) binne(n) Dwelck/ alsoe tacht(er)volgen(e) d(er) vors(creven) t(er)minat(ie) gedaen es en(de)/ uut(er)lijck bijd(en) meeste menighe en(de) groote(n) getale/ m(er)kelijck(er) v(er)clairt en(de) gedeponeert op seke(re) ar(ticu)[len]/ bijd(en) vors(creven) huyvett(er)s ov(er)gegeven inhouden(de) oft tselve/ des zij voe(r) te ke(n)ne(n) gegeve(n) hadden niet en wa(r)e/ tegen tgemeyn orber ende proffijt dat e(n)nighe/ touwe(rs) soude mogen touwen en(de) vetten beyde die
//
ambachten doen(de) want twee div(er)se ambacht(en) zijn/ ende deen bij dande(r) niet en behoird(en) gedae(n) te/ worden(e) noch en accorde(re)n dat gheen vette(r) en be/ hoirt met zwertten lede(r) om te gane oft hante/ ringhe mede te hebben en(de) in alsoe verre tselve/ gebue(re)n soude dat dat wa(r)e tegen tgemeyn pro/ fijt inde orber Dwelck alsoe bijden vors(creven) drie/ ambachten in grooten getale vand(en) oud(er)s vand(en)/ selven ambachten gedeponeert is ende v(er)clairt/ hebben oick deselve vett(er)s geexhibeert seke(re) cer/ tificatie(n) van die vand(en) ambachten van bruess(ele)/ en(de) mechele(n) d(air)mede zij deden blijcken dat niet/ orberlijck oft profijtelijck en wa(r)e noch ald(air)/ acht(er)volght en werdt Ende nae dien den/ vors(creven) thoon int langhe als voe(r) gehoirt es/ geweest en(de) oick de vors(creven) p(ar)tien in w(er)sijden/ int lange in hue(re)n vornemen(en) es uut(er)lijck/ bijd(en) selve(n) rade nae lange en(de) rijpe deli/ beratie(n) d(air)op gehadt wes orberlijck en(de) profij/ telijck soude zijn oft niet int ond(er)houden vand(en)/ voir(creven) neri(n)gen ee(re)n ende profijte der selv(er) uuyt/ gesproken gestatueert ende get(er)mineert dat/ vordane gheen touwe(r) en zal moge(n) touwe(n) en(de)/ vetten beyde tsamen mair dat ee(n)yegelijck/ deen van beyden kiesen zal te doene ende/ vand(en) ande(re)n renu(n)tien opde pene deen bij he(n)
//
aenveert zijnde ende vand(en) ande(re)n ger(e)nu(n)tieert hebben(de)/ zij bevond(en) w(er)den de co(n)trarie doende dat in die(n)/ gevalle zij d(air)mede verbue(re)n soud(en) een jair dambacht/ te moten late(n) dwelck zij alsoe gecosen soud(en) mog(en)/ hebbe(n) ende nochtan dande(r) dae(re)nbinne(n) oick niet moge(n)/ doen Es insgelijcx [uut]gesproke(n) ende get(er)mineert ende/ gestatueert dat ghee(n) vette(r) en zal mogen swert leder/ vercopen noch hanteri(n)ge d(air)mede doen hij en zal te/ vreden zijn doende deen vand(en) ambachten vand(en) ande(re)n/ te r(e)nu(n)cie(re)n opde pene vors(creven) Es vorts gestatueert en(de)/ uutsproken bijd(en) selve(n) raide dat gheen vette(r) vordane/ zijn leder en sal mogen doe(n) te wagen(e) oft te seepe/ om buyten inde mercten van berghen van antwerpen/ oft elswair te vue(re)n ende te vercopen hij en zal/ voir al tselve leder dat hij alsoe doet uutvue(re)n/ ierst hebben doen visite(re)n bijd(en) warandeerd(ers) vand(en)/ selve(n) ambachten oft deselve warandeerd(er) d(air)aff/ e(n)nich goet bevond(en) niet geteekent zijnde metter/ stadt teeken(en) dat tselve goet verbuert zal zijn/ Ende dair toe sal alsulken p(er)soen mote(n) oplegge(n)/ ende betalen drie bourgun(dische) gulden(en) tderdendeel/ den hee(re) tderdendeel d(er) stadt ende tderdendeel/ den warandeerd(ers) Actu(m) in consilio opidi p(rese)ntib[(us)]/ pi(n)nock buets(ele) burg(imagis)[tr(is)] borch blanckart rosme(re) scab(inis)/ abs(oloens) grave(n) borch tymple oliviers veken(en) h(er)mans/ zeels longe en(de) meer ande(re) cons(iliariis) maii xxii[a]