SAL7393, Act: V°407.1-V°408.1 (668 of 693)
Search Act
previous | next
Act V°407.1-V°408.1  
Act
Date: 1500-06-12

Transcription

2021-01-02 by helga peeters
Eene scheydinge ende deili(n)ge gesciet ende/
gemaect zijnde tussche(n) joese ende machiele ut(er)/
hellicht gebruede(re)n ende jouffr(ouwe) m(ar)griete(n) ut(er) hellicht/
zust(er) der voirs(creven) gebruede(re)n ten bijsijne wille ende/
wetene meest(er)s bertelmeeus kyp sec(re)tar(is) der stadt/
van loven(e) huers ma(n)s ende mo(m)boirs va(n)den goeden/
chijsen pachte(n) ende rinten den selve(n) gebruede(re)n/
ende zust(er) voirs(creven) gebleve(n) ende verstorve(n) nae doot/
ende aflivicheyt lodewijcx wijle(n) ut(er) hellicht/
ende jouffr(ouwe) m(ar)griete(n) mottijns al(ia)s heyberch/
vader en(de) moeder der voirs(creven) gebruede(re)n ende/
zust(er) ut(er) hellicht te deylen/
Soe sijn bleven ende gevalle(n) den voirs(creven) joese/
in deyli(n)ghen de goede chijse(n) ende rinte(n) nabescr(even)/
te wetene ierst een wynhoff mette(n) huysen/
hoven schue(re)n stalle(n) dofhuse ende alle(n) ande(re)n/
zijne(n) toebehoirte(n) metten wi(n)nen(de) lande(n) eeussele(n)/
ende beemde(n) ind(er) mate(n) de voirs(creven) dat in/
huer(er) tijt besaten en(de) gelijc wout(er) lenart dat/
in pechti(n)gen houden(de) es gelege(n) tot vertrijcke/
onder redi(n)gen ende d(air)omtrint dairinne/
nochta(n)s niet beg(re)pen en zijn de goede chijsen/
noch rinte(n) soe verre die wynne voirs(creven) die/
soude moege(n) houde(n) geheete(n) die goede va(n)de(n)/
steenweghe v(er)crege(n) tege(n) die va(n)de(n) steenwege/
dewelke den voirs(creven) machiele ut(er) hellicht in/
zijnd(er) deyli(n)gen bleve(n) en(de) aengedeylt zijn/
It(em) noch een boend(er) lants gelegen te nederlynthe(r)/
aende oudstrate t(er) eend(er) zijde(n) d(er) kercke(n) lant van/
lynthe(r) en(de) henr(ick) anshems t(er) ande(r) zijde(n) henr(ick)/
pans t(er) derd(er) en(de) jans kinde(re) va(n)de(n) torne t(er)/
vierd(er) zijden It(em) alsulke(n) v(½) sacke(n) rogs erff(elijck) oft d(air)omtr(int)/
thienssche(n) maten uut saken vande(n) laethove bijden/
voirs(creven) gehuyssche(n) in huer(er) tijt v(er)crege(n) tot nederlynthe(r)
//
metten chijse ende heerlicheyd(en) van pontpe(n)ni(n)gen/
goeden(e) ende ontgoeden(e) in pe(n)ni(n)gen cap(uynen) en(de) and(er)ssins/
It(em) noch (½) dach(mael) lants gelegen bijde(n) drie dach(mael) lants/
he(re)n en(de) meest(er)s ja(n)s calabers tot ned(er)lynthe(r) voirs(creven)/
It(em) noch xix molevate(n) rogs erfpachts vallen(de) jairlijx/
s(in)t andr(ies)messe aen ende op zeke(re) goede(n) ende panden/
gelegen opden blaeuwe(n)putte oft d(air)omtri(n)t toebehoe(re)nde/
symoen(e) de scheepe(re) It(em) noch zesse mol(evate) rogs op zeke(re)/
goede(n) en(de) pande(n) gelege(n) te bewene(n) bij meldert It(em)/
eene(n) wijng(ar)t gelege(n) bynne(n) der stadt van loeven(e)/
t(er) plaetsse(n) geheete(n) de calchove(n) strate ind(er) mate(n) de/
voirs(creven) gehuyssche(n) in huer(er) tijt dien ald(air) besitten(de) wa(r)en/
It(em) noch eene(n) beemt gelege(n) bij vertrijcke t(er) plaetsse(n)/
geheete(n) daelhem Ite(m) alsulke(n) rinte van xxi/
rinsgulden(en) vi stuv(er)s oft d(air)omtri(n)t erffelijck te/
wetene xv oude schilde opde goede ende ond(er)panden/
gelege(n) bijd(er) stadt van halen geheete(n) tgoet van/
bloeme(n)dale toebehoe(re)nde gielise onder deycke/
It(em) (½) boend(er) beempts gelegen tot ned(er)lynthere/
opde vloetgrecht t(er) eend(er) zijde(n) de hopstrate t(er) ande(re)/
henr(ick) anshems t(er) derd(er) gheert y(m)men t(er) vierd(er) zijde(n)/
It(em) noch (½) boend(er) beempts gelegen te nederlynthe(r) op/
shertoghe(n) grecht bijde goede symoe(n)s p(ro)keels en(de) jans/
claes It(em) xxvi stuv(er)s erffelijck aen henr(icke) van/
weze(re) woenende tot vertrijcke en(de) op zeke(re) sijn/
goede aldair It(em) vi rinsg(ulden) xiii stuv(er)s i plecke/
erffelijck aen her lod(ewijcke) pi(n)nock ridde(r) meye(r) va(n)/
loeven(e) ende sijn borghe(n) va(n) alsulke(n) twintich/
rinsgulden(en) erffelijck d(air)aff den voirs(creven) machiele/
en(de) jouffr(ouwe) m(ar)griete(n) ut(er) hellicht dande(r) twee/
derde deele(n) d(air)aff in huer(er) deili(n)gen bleve(n) ende/
gevalle(n) zijn It(em) iii(½) boende(re)n bosch gelege(n)/
t(er) plaetsse(n) geheete(n) haeswynckel bij ev(er)sberghe/
It(em) noch i(½) boend(er) dair bij ende aen liggende/
dieme(n) eensdeels te leene va(n) mijne(n) gened(ichen) heere/
houden(de) es opde(n) co(m)mer en(de) chijse(n) die die van
//
montenaken uut enige vande(n) p(er)ceele(n) heffen(de) zijn/
It(em) een beemdeke(n) geh gelegen tot huffle bij loeven(e)/
dwelc houden(de) es peet(er) de smet It(em) noch twee/
goud(en) croene(n) erffelijck goet va(n) goude en(de) zwair/
van gewichte d(er) mu(n)ten sconi(n)cx va(n) vrancrijcke/
op een boend(er) beempts tot ned(er)lynthe(r) gelegen/
op die gheete toebehoe(re)nde ja(n)ne va(n) goethusen/
It(em) noch drie rins gulden(en) erffelijck tot/
nederlynthe(r) op eene(n) beemt gelegen inde quechaghe/
toebehoe(re)nde den kinde(re)n willems fierens It(em)/
noch twee rinsg(ulden) erff(elijck) op zeke(re) goede ende/
ond(er)pande gelege(n) o(m)trint lynthe(r) toebehoe(re)nde/
henr(icke) anshems sub iu(r)e et censu ex/
dict(is) bonis p(ri)us eun(tibus) t(er)mi(ni)s de(bi)t(is) p(er)solven(dis)/
Met (con)ditie(n) oftme(n) namaels e(n)nighe ande(re) goede/
chijse(n) oft rinte(n) meer bevonde die in des(er)/
deyli(n)ghe(n) niet beg(re)pen en zijn dat die/
tussche(n) de voirs(creven) drie p(ar)tien deylende gelijc/
gedeylt zulle(n) wordde(n) cor(am) hanc quoq(ue) et/
sat(isfacere) prout cor(am) borch hubrechts junii xii
ContributorsJos Jonckheer , Mi-Je Van Gils
Moderated byJos Jonckheer
Last update: 2017-06-13 by Xavier Delacourt