Nae dien mach(iel) helmich als geleydt nae des(er) stadt/ recht voir zijn wettich gebreck van scepen(en) brieve(n) va(n)/ loeven(e) tot alle(n) den goeden beyde have ende erve/ gheerts van wynde arnts svorsters jans van/ meldert ende arnts vand(er) eect zoewair die/ gelegen zijn hem met brieve(n) vand(er) stadt/ gescreve(n) aende(n) meye(r) van halen oft zijne(n) stadh(ouder)/ alle de goede desselfs wijlen gheerts va(n) wynde/ en(de) bezundert drie zille(n) lants wile(n) desselfs gheerts/ gelege(n) onder halen op dijse(re)nvelt nu toebehoe(re)nde/ dignen van brabant hadde doen leve(re)n ende/ der selv(er) dignen dach van rechte alhier hadde/ doen bescheiden dair zij tegen tot div(er)sen stonde(n)/ es gecomp(ar)eert ende ut(er)like(n) soe v(er)re bijde(n) selve(n)/ machiele vervolght es geweest dat hij tege(n) huer/ oft hue(re)n p(ro)cur(eur) sijn co(n)clusie heeft geobtineert / alsoe dat hem tot zijnd(er) wettig(er) schult behoef/ die vo(n)nislijck ae(n)gewijst zijn beyde voe(r) de v(er)loepen(en)/ pachte(n) van acht rinsgulden(en) lijfpen(sien) van acht/ ja(r)en v(er)loepen oft d(air)omtr(int) met oec d(er) bewijssenisse(n)/ en(de) assignatien dewelke hij al ofts behoefde pri(sen)teerde
//
te verifice(re)n behoirlijck bij eede ende nae dien de/ voirs(creven) machiel d(air)op diverse daghe(n) van rechte v(er)volght/ heeft d(air)tege(n) huer de voirs(creven) digne oft hue(r) procur(eur)/ altijt heeft geopponeert bij div(er)sen uutwegen ten/ eene(n) male van daghe van berade ten ande(re)n male/ van tallege(re)n dat zij ten rijcxsche(n) rechte laghen/ oft ande(re)n p(er)suasien d(air)mede zij die gherne uten/ rechte v(er)blint en(de) getoge(n) hadde en(de) de voirs(creven) mach(iel)/ uterlijck versocht heeft tvo(n)nisse diffinitijff in desen/ soe hebben de scepen(en) van loeven(e) t(er) manisse(n) smeyers/ gewesen voir een vo(n)nisse dat den selve(n) machiele/ ende zijne(n) beleyde de voirs(creven) goede tot zijnd(er)/ wettig(er) schult behoeff volgen souden actu(m) in sca(m)pno/ p(rese)ntibus om(n)ibus scabinis dempt(is) liefk(enrode) cav(er)chon/ junii xx[a]