Opde questie geport voe(r) den raide/ vand(er) stadt vanden iiii r(ins)gul(den) ix stuv(er)s/ die jan van lubeghen van mechelen eyschte/ d(er) weerdy(n)ne(n) [vacat] vande(n) coope van xix/ korve(n) vigen vanden voirleden ja(r)e die zij van/
//
hem gehadt hadde elken korf om xi stuv(er)s d(air)op zij/ betaelt hadde vi r(ins) g(ulden) en(de) alsoe reste noch vier/ r(ins) gul(den) en(de) ix stuv(er)s die zij he(m) tacht(er) was en(de) hij/ huer eyschte vanden welken bij ond(er)wijs(en) vand(er)/ wet p(ar)tien hen gekeert hadde(n) in mi(n)lijcke(n) uuytsp(ra)ke(n)/ vand(er) selv(er) wet die in weerzijd(en) he(n) gebreke(n) ende/ verlies op gedaen hadde(n) underlingen dair uut(er)lijck/ hen mi(n)lijck wert geappointeert dat de selve vr(ouwe)/ voe(r) tselve rest geven soude alles drie r(ins) g(ulden) deen/ hellicht nu gereet en(de) dand(er) hellicht xiiii nachte(n) nae/ paessche(n) naistcomen(de) in cons(ili)o opidi ap(ri)lis x[a]