Inder saken gecomen bijd(en) rade vand(er) stadt tussche(n)/ clase van wynge t(er) eenre en(de) willem(me) van baussele/ / t(er) ande(re) aengaen(de) seke(re)n haeffel(ike) goeden wesen(de)/ in een huys den selve(n) clase toebehoiren(de) soe/ hij seyt dwelc hij in tijden voirleden v(er)huert/ heeft gehadt eene(n) geheete(n) gheerd(e) de wale/ p(re)tende(re)nde vand(er) selver hue(re)n d(aer)af tacht(er) te/ zijne de so(m)me van xxviii r(ins)gulden(en) iiii(½) st(uvers)/ d(aer)af hij hoepte te p(re)cede(re)n nae des(er) stadt/ recht van zijnd(er) scult aende selve haeffel(ike)/ goede hopen(de) dat de voirs(creven) wille(m) als geleyt/ hem in dien niet p(re)cede(re)n noch voirgaen en/ soud(e) besund(er)t van tghene des bynnen platen/ vand(en) voirs(creven) huyse wesen mochte p(rese)nte(re)nde/ genoech te doene bij eede dat de voirs(creven) g(er)t/ hem alsoe vele tacht(er) was t(er) causen vand(er)/ hueri(n)gen van div(er)sen jae(re)n v(er)loepen De voirs(creven)/ geleidde de (contra)rie sustine(rende) te voirde(r) want/ de voirs(creven) g(er)t de wale tegen den voirs(creven) clase/ tvoirs(creven) huys gecocht soude hebben soe hij seyt/ en(de) dat d(aer)af come(n)scap was gesciet tussche(n)/ hen beyden over langen tijt en(de) dat wae(r)/ een bedroch ende v(er)stant tussche(n) clase(n) ende/ gheerd(e) om den geleidden uuyt te sluyten(e)/ en(de) dat claes d(aer) af soude hebbe(n) vesticheyt/ oft panden ond(er) sijn bewint t(er) v(er)sekerth(eit) vand(er)/ voirs(creven) coma(n)scap D(aer)op de voirs(creven) claes r(e)plice(re)nde/ tselve ontkint heeft seggen(de) datmen dat/ niet bevi(n)den en soude noch oick bij sijnd(er)/ wed(er)p(ar)tien bij geleet en wert p(rese)nte(re)nde de/ voirs(creven) willem dat claese te gheven(e) tot zijnd(er)/ eedt Es geappointeert en(de) uutgesproken voe(r)/ recht bijd(en) voirs(creven) raide dat in alsoe v(er)re/ de voirs(creven) claes ende oick de voirs(creven) gheert/ met hem doen hue(re)n eedt ten heyligen dat/ de voirs(creven) claes alsoe vele als voirs(creven) steet aen/ / g(er)de uutstaende heeft ende tacht(er) es alleene/ van hueri(n)gen ende de selve g(er)t dat selve/ affirmeert sonder fraude en(de) argelist en(de) sonder/ e(n)nige gesloten(en) coma(n)scap gedaen te hebben(e)/ vand(en) voirs(creven) huyse tusschen malcande(re)n dat/ in dien gevalle de selve claes p(re)cede(re)n sal/ als nae des(er) stadt recht behoirt den voirs(creven)/ geleidden aende voirs(creven) have Act(um) in (con)s(ili)[o] opidi/ p(rese)ntib[(us)] schoonvorst ijssche burg(imagis)[tr(is)] et aliis de (con)s(ili)[o]/ januarii xxii