Item berbele g(er)leecx docht(er) wijlen jans weduwe/ anthoenis wijlen van bollenberge geheeten dedden/ als tocht(er)sse ende jan en(de) thomas van bolle(n)berge/ hue(r) zonen en(de) m(ar)griete van bolle(n)berge dochter der/ voirs(creven) berbelen ende sust(er) der voirs(creven) gebruede(re)n/ ten bijsijne ende met (con)sente mercx van ermbege(m)/ huers mans inden name van hen selven ende/ oick van wegen pet(er)s van bolle(n)berge huers brued(er)s/ nu absent [en(de) bute(n) lants] zijnde den welken de voirs(creven) tocht(er)sse/ ende hue(r) kinde(re) geloeft hebben ind(ivisim) in desen/ te v(er)vangen alle als erflied(en) vand(en) goeden nae/ bescreven t(er) eenre ende henr(icke) van ravescote/ goreelmake(r) ende katlijne g(er)lecx zijn huysvr(ouwe)/ sust(er) der voirs(creven) berbelen t(er) ande(r) zijden in p(rese)ntia/ hebben gekindt ende gelijdt dat zij met malca(n)de(re)n/ ov(er)comen ende eensworden zijn aengaen(de) eend(er)/ stillen oft heymelijckheyt staende tussche(n) der/ voirs(creven) p(ar)tien huyse(n) en(de) erven aen een gelegen/ inde melckstrate tegen thore(n)huys over tussche(n)/ de goede gheerts brugma(n)s t(er) eenre en(de) thoeckhuys/ der kinde(re)n jacops wijlen van overbeke t(er) ande(r)/ zijden Welke heymelijch(eyt) als de voirs(creven) huysi(n)gen/ gedeylt wae(re)n tussche(n) de p(ar)tien voirs(creven) en(de) hue(r)/ medeplege(re)n den huyse der voirs(creven) berbele(n) gerlijcx/ en(de) hue(r) kinde(re)n dwelck gelegen es naist den/ goeden gheerts brugma(n)s alleene toegevueght/ es geweest gelijc de scepen(en) brieven van loeven(e)/ vander deylingen voirs(creven) vand(er) daet xiiii[c] xci opte(n)/ xvii[te(n)] dach van oeghst dat nairde(r) uutwijsen/ der poenten en(de) erfvorwerden naibescreven die de/ voirs(creven) p(ar)tien in wed(er)sijden malcande(re)n geloeft hebben/ voe(r) hen hue(re)n erven ende nacomelingen tonderhouden(e)/ / en(de) te voldoene tot eeuwigen dagen Te weten(e)/ dat den voirs(creven) henr(icke) van ravescote ende zijnd(er)/ huysvr(ouwe) en(de) hue(r) nac(omelingen) besitters van hue(re)n aenge/ deylden huyse voirs(creven) dwelck gelegen es naist/ den voirs(creven) hoechuyse in deen zijde ende der/ voirs(creven) ande(r) p(ar)tie en(de) hue(re)n nacomeli(n)gen besitters/ van hue(re)n huyse voirs(creven) dwelc gelegen es/ naist den goeden gheerts brugma(n)s voirs(creven)/ in dand(er) de voirs(creven) stille oft heymelijch(eyt)/ van nu voirtane gemeyn zijn sal tussche(n)/ den voirs(creven) p(ar)tien en(de) beyden selven erve(n) gelijc/ toebehoiren(de) tot eeuwigen dagen niet wed(er)/ staen(de) der deylingen voirs(creven) Ende dat de voirs(creven)/ henr(ic) van ravescote en(de) zijn huysvr(ouwe) ende/ hue(r) nac(omelingen) hue(re)n toeganck en(de) nutscap totter/ selver heymelich(eyt) hebben en(de) nemen sullen/ van hue(re)r zijden int camerken oft ganck/ staende en(de) comen(de) acht(er) tegen derve laureys/ van valkenborch en(de) g(er)t brugma(n)s voirs(creven) gelijc/ die(n) ald(aer) alsnu afgevreedt zijn tussche(n) de/ selve erve(n) en(de) gelijc zij tot h(ier)toe eene/ lange wijle tijts hue(r) nutscap en(de) toeganck/ gehadt hebben op en(de) tot der selver heymelich(eyt)/ Met sulker erfvorwerden en(de) conditien oeck soe/ wa(n)neer de voirs(creven) stille oft heymelijch(eyt) behoeve(n)/ sal geruyumt te wordden in nac(omende) tijden dat/ dat die ruymi(n)ge gescieden sal ten naisten/ wege en(de) ter mi(n)ster scaden t(er) straten uuyt/ ten gelijcke(n) [en(de)] gemeyne(n) coste vanden besitters/ van beyden selven erven voirs(creven) cor(am) buetsele/ bouch(out) m(ar)tii xviii